Mareko
I le Feagaiga Fou, o Ioane Mareko o se tama tane a Maria, o lē sa nofo i Ierusalema (Galu. 12:12); atonu foi o ia o se tausoga o Panapa (Kolo. 4:10). Na alu atu o ia faatasi ma Paulo ma Panapa mai Ierusalema i la latou malaga muamua faafaifeautalai, ma sa ia tuua ai i laua i Pereka (Galu. 12:25; 13:5, 13). Mulimuli ane sa ia malaga atu ma Panapa i Kuperu (Galu. 15:37–39). Sa faatasi o ia ma Paulo i Roma (Kolo. 4:10; File. 1:24); ma sa faatasi o ia ma Peteru i Papelonia (atonu o Roma lava lea) (1 Pete. 5:13). Mulimuli ane, sa faatasi o ia ma Timoteo i Efeso (2 Timo. 4:11).
O le Evagelia a Mareko
O le tusi lona lua i le Feagaiga Fou. O le evagelia a Mareko atonu na tusia i lalo o le faatonuga a Peteru. O lona faamoemoega o le faamatalaina lea o le Alii o le Alo o le Atua ua soifua mai ma galulue faatasi ma tagata. Ua faamatalaina e Mareko, ma le malosi ma le faamaualalo, le faatosinaga na tuuina atu e Iesu i e na tutu i ona tafatafa. Ua faamatala mai i talatuu e faapea, ina ua mavae le maliu o Peteru, na asiasi atu Mareko i Aikupito, na ia faatuina ai le Ekalesia i Alesania, ma sa maliu faamaturo.
Mo le otootoga o mataupu, tagai i “Evagelia (Tusi).”