E lua uiga o le fefe: (1) o le fefe i le Atua o le lagona lea o le faaaloalo ma le ofo ia te ia ma le usiusitai i ana poloaiga; (2) o le fefe i le tagata, faigata faaletino, tiga, ma le leaga o le fefe lea i mea faapena ma le palaai i ia mea.
Ia galulue a ia i ai ma le mataʼu atoa ma le gatete ina ia faaolaina outou, Fili. 2:12 .
Ia outou matataʼu i le Atua ma avatu ia te ia le viiga, Faaa. 14:7 (MF&F 88:104 ).
Sa uunai pea lava e le au perofeta lē nuu e taofi ai i latou i le matataʼu i le Alii, Enosa 1:23 .
Na paʼuʼū Alema ma atalii o Mosaea i le eleele, ona sa oo mai le matau o le Alii i ō latou luga, Alema 36:7 .
Ia galueaiina o outou lava olataga i le mataʼu ma le gatete, Mamona 9:27 .
O e e lē matatau mai ia te aʼu, o le ʼa ʼOu faalavelaveaina ma faia ia tetete, MF&F 10:56 .
O lē e matau ia te aʼu, o le a tulimatai i luma mo faailoga o le afio mai o le Atalii o le Tagata, MF&F 45:39 .
Sa lē fefefe atalii o Helamana i le oti, Alema 56:46–48 .
O le mataʼu i le oti e faatumulia ai loto o e amioleaga, Mamona 6:7 .
Aua le fefefe po o a mea e mafai ona faia e tagata, Moro. 8:16 .
Sa lē tatau ona sili atu lou fefe i tagata nai lo i le Atua, MF&F 3:7 (MF&F 30:1, 11 ; 122:9 ).
Aua le fefefe e fai mea lelei, MF&F 6:33 .
Soo se tasi ua auai i laʼu ekalesia e le tatau ona mataʼu, MF&F 10:55 .
Afai ua outou saunia, o le a outou lē matataʼu, MF&F 38:30 .
Ia tafiese mai ia te outou atuatuvalega, MF&F 67:10 .
Ia fiafia, ma aua le fefefe, ona o Aʼu le Alii ua ou faatasi ma outou, MF&F 68:6 .
Aua le matataʼu i o outou fili, MF&F 136:17 .