Lē Talitonu Tagai foi i le Talitonuga, Talitonu O le lē iai o le faatuatua i le Atua ma lana talalelei. Ua lē tele foi ni vavega na na faia i lea mea, ona o lo latou lē faatuatua, Mata. 13:58. Ona o le lē faatuatua o soo o Iesu na lē mafai ai ona latou tulieseina le tiapolo, Mata. 17:14–21. Ia e fesoasoani i loʼu lē faatuatua, Mare. 9:23–24. Na aoai e Iesu lana au Aposetolo i lo latou lē talitonu ma le loto maaa, Mare. 16:14. Faaleaogaina ea le faamaoni o le Atua i lo latou le faamaoni? Roma 3:3. E sili le fano o le tagata e toatasi nai lo le faaitiitia ma le fano o se atunuu i le lē talitonu, 1 Ni. 4:13. A oo mai le taimi e faaitiitia ai i latou i le lē talitonu, o le a ia faia ia faataapeapeina i latou ma fasia, 2 Ni. 1:10–11 (MF&F 3:18). Ona o lo latou lē talitonu sa lē mafai ai ona latou malamalama i le afioga a le Atua, Mosaea 26:1–5. Sa lē mafai ona ʼOu faaali atu i tagata Iutaia o ni vavega tetele faapea, ona o lo latou lē talitonu, 3 Ni. 19:35. Sa faapouliuligia o outou mafaufau i taimi ua mavae ona o le lē talitonu, MF&F 84:54–58.