Faitaulaga Sili

O se tofiga i le perisitua. O loo tautala tusitusiga paia i le “faitaulaga sili” i ni uiga se lua: (1) o se tofiga i le Perisitua Mekisateko; ma (2) i lalo o le tulafono a Mose, o le tagata pule faamalumalu i le Perisitua Arona.

O le uiga muamua e faatatau ia Iesu Keriso o le Faitaulaga Sili maoae. O Atamu ma le au peteriaka uma lava o faitaulaga sili foi. I ona po nei, e toatolu faitaulaga sili pulefaamalumalu ua avea ma Au Peresitene o le Ekalesia ma ua pulefaamalumalu i isi alii uma e umia le perisitua atoa ma tagata o le Ekalesia. Ua faauuina isi alii agavaa o ni faitaulaga sili e pei ona tatau ai i le Ekalesia aoao i ona po nei. O faitaulaga sili e mafai ona valaauina, tofia, ma faauuina o ni epikopo (MF&F 68:19; 107:69–71).

I le uiga lona lua, i lalo o le tulafono a Mose, o le alii pulefaamalumalu o le Perisitua Arona sa taʼua o le faitaulaga sili. O lenei tofi sa faasolo mai i suli ma sa faasolo mai i ulumatua o le aiga o Arona, o Arona lava o le uluai faitaulaga sili o le faatulagaga Faa-Arona (Esoto 28; 29; Levi. 8; MF&F 84:18).