Tupu

O le mataupu 1 ua faamatala ai aso mulimuli o le olaga o le Tupu o Tavita. O le mataupu 2–11 ua faamatala ai le olaga o Solomona. O le mataupu 12–16 ua faamatala mai ai e na suitulaga ia Solomona, o Reopoamo ma Ierepoamo. O Ierepoamo na mafua ai le vaeluaga o le malo o Isaraelu. O loo taʼua ai foi isi tupu. O le mataupu 17–21 o loo taʼua ai ni vaega o le misiona a Elia i lona lapataia o Aapo, le tupu o Isaraelu. O le mataupu 22 ua faamatala mai ai se taua e tetee ia Suria, lea na aufaatasi ai autau a Aapo ma Iosefatu, le tupu o Iuta. Sa vavalo le perofeta o Mekaio e tetee i ia tupu.

O le mataupu 1–2:11 ua faaauau ai pea le tala i le olaga o Elia, ua aofia ai le alu atu o Elia i le lagi i se kariota afi. O le mataupu 2–9 ua faamatala mai ai le misiona a Elisaia o le faatuatua ma le mana maoaʼe. O le mataupu 10 ua faamatala mai ai e uiga ia Ieu, le tupu, ma le ala na ia faaumatia ai le aiga o Aapo ma faitaulaga a Paala. O le mataupu 11–13 ua faamatala mai ai le nofoaiga amiotonu a Ioasa ma le oti o Elisaia. O le mataupu 14–17 o loo faamatala mai ai tupu eseese o e na nofotupu i Isaraelu ma Iuta, e tele lava i le amioleaga. O le mataupu 15 o loo faamatala ai le puʼeina e le malo o Asuria o ituaiga e sefulu o Isaraelu. O le mataupu 18–20 o loo faamatala ai le olaga amiotonu o Esekia, le tupu o Iuta, ma le perofeta o Isaia. O le mataupu 21–23 o loo faamatala ai e uiga i le tupu o Manase ma le tupu o Iosia. E tusa ai i talatuʼu, o Manase na mafua ai le faamaturoina o Isaia. O Iosia o se tupu amiotonu o lē na toe faatuina le tulafono i tagata Iutaia. O le mataupu 24–25 o loo faamatala ai le faʼatagataotauaina i Papelonia.