Tinā Tagai foi i le Aiga; Eva; Matua O se suafa paia e tuuina atu i se fafine o lē ua fanauina pe faia faaletulafono fanau. O tinā e fesoasoani i le fuafuaga a le Atua i le saunia o tino faaletino mo fanau agaga a le Atua. Ua faaigoaina e Atamu le igoa o lana avā o Eva, auā o le tinā o ia o tagata ola uma, Kene. 3:20 (Mose 4:26). Ia e ava i lou tamā ma lou tinā, Esoto 20:12 (Efe. 6:1–3; Mosaea 13:20). Aua e te tuulafoaiina le upu a lou tinā, Faata. 1:8. O le tagata valea e faaleaogaina e ia lona tinā, Faata. 15:20 (Faata. 10:1). Aua e te ʼinoʼino i lou tinā pe a loomatua o ia, Faata. 23:22. E tulai mai lana fanau ma faafetai ia te ia o lana tane foi ua vivii ia te ia, Faata. 31:28. O le tinā o Iesu sa tu i tafatafa o le satauro, Ioane 19:25–27. E toalua afe toa sa Lamanā sa aoaoina e o latou tinā, Alema 56:47 (Alema 57:21). O lo tatou tinā mamalu o Eva sa i totonu o e tautaua ma malolosi sa aʼoaʼoina e le Alii i le lalolagi o agaga, MF&F 138:38–39.