Mamalu Selesitila Tagai foi i le Ola Faavavau; Faaeaga; Tikerī o le Mamalu O le tulaga sili ona maualuga o tikerī e tolu o le mamalu e mafai ona maua e se tasi pe a mavae lenei olaga. O iinei o le a nonofo ai e amiotonu i luma o le Atua le Tamā ma lona Alo o Iesu Keriso. E ese le matagofie o le faalelagi, 1 Kori. 15:40 (MF&F 76:96). Na segia Paulo i le lagi tua tolu, 2 Kori. 12:2. Na faaali mai le mamalu selesitila i le faaaliga vaaia, MF&F 76:50–70. Afai e mananao le Au Paia i se nofoaga i le lalolagi selesitila, e ao ina saunia i latou, MF&F 78:7. O le e le mafai ona mau i le tulafono o se malo selesitila, e le mafai ona ia gafatia se mamalu selesitila, MF&F 88:15–22. I le mamalu selesitila o loo i ai ni lagi e tolu; ua faatulagaina mai tulaga mo le mauaina o le tulaga sili ona maualuga, MF&F 131:1–2. O tamaiti uma o e e maliliu ae lei oo i tausaga e tali mai ai ua faaolaina i le malo selesitila, MF&F 137:10.