Faamasino, Faamasinoga Tagai foi ia Iesu Keriso—O le faamasino; Faamasinoga Mulimuli, O le; Taʼusalaina, Taʼusalaga O le iloiloina lea o le amio e tusa ma mataupu poʼo aʼoaʼoga o le talalelei; o le faia o le filifiliga; o le iloa o le lelei mai le leaga. Sa nofo Mose e faamasino i le nuu, Esoto 18:13. Ia e faamasino ma le tonu lē lua te tuaoi, Levi. 19:15. Aua tou te faamasino atu, ina nei faamasinoina outou, Mata. 7:1 (FIS, Mata. 7:1–2; Luka 6:37; 3 Ni. 14:1). Atoa uma e ua agasala ua i ai le tulafono e faasalaina i le tulafono, Roma 2:12. E faamasinoina le lalolagi e le Au Paia, 1 Kori. 6:2–3. O le Alo o le Atua tumuau-faavavau ua faamasinoina e le lalolagi, 1 Ni. 11:32. O Aposetolo e Toasefululua a le Tamai Mamoe e faamasino i ituaiga e sefululua o Isaraelu, 1 Ni. 12:9 (MF&F 29:12). O le oti, seoli, le tiʼāpolo, ma i latou uma ua maua ai e ao ona faamasinoina, 2 Ni. 28:23 (1 Ni. 15:33). Afai e te faamasino i le tagata e tuu mai lana talosaga ia te oe mo au mea, pe o le a le matua sili atu ea la ona tonu o lou tausalaga mo le taofi o au mea, Mosaea 4:22. E faamasinoina tagata e tusa ma a latou galuega, Alema 41:3. Ia faamasino ma le amiotonu, ma o le a toe fuatai mai ia te oe le faamasinotonu, Alema 41:14. E faamasinoina le lalolagi mai tusi tusia, 3 Ni. 27:23–26 (Faaa. 20:12). O le toe vaega o lenei nuu o le a faamasinoina e le toasefululua o e na filifilia e Iesu i lenei laueleele, Mamona 3:18–20. Na faamatala mai e Mamona le ala e faamasino ai le lelei mai le leaga, Moro. 7:14–18. Ia tuu atu lou faalagolago i le Agaga lena lea na te taitai atu ai i le faamasino ma le amiotonu, MF&F 11:12. E tatau ona outou fai ifo i ō outou loto—ia tuu i le Atua e faamasino i le va o aʼu ma oe, MF&F 64:11. O le Ekalesia a le Alii o le a faamasinoina atunuu, MF&F 64:37–38. Na asiasi atu le Atalii i agaga i le falepuipui ina ia mafai ona faamasinoina i latou e tusa ma tagata i la le tino, MF&F 76:73 (1 Pete. 4:6). E avea le epikopo ma faamasino lautele, MF&F 107:72–74. O le a faamasino e le Alii tagata uma e tusa ma a latou galuega, e tusa ma le manaoga o ō latou loto, MF&F 137:9.