Arona, le Uso o Mose Tagai foi ia Mose; Perisitua Arona I le Feagaiga Tuai, o se atalii o Amaramo ma Iokapeta, o le ituaiga o Levi (Esoto 6:16–20); o le uso matua o Mose (Esoto 7:7). Na tofia e le Alii e fesoasoani ia Mose i le aumaia o le fanauga a Isaraelu mai Aikupito ma avea ma ana failauga, Esoto 4:10–16, 27–31; 5:1–12:51. I luga o le Mauga o Sinai, na maua ai e Mose faatonuga e uiga i le tofiga o Arona ma ona atalii e toafā i le Perisitua Arona, Esoto 28:1–4. Na faia se tamai povi auro i le talosaga a le nuu, Esoto 32:1–6, 21, 24, 35. Na oti i le Mauga o Horo i le 123 o ona tausaga, Numera 20:22–29 (Numera 33:38–39). Sa faamau foi e le Alii se perisitua i luga o Arona ma ana fanau, MF&F 84:18, 26–27, 30. O i latou o e e faalauteleina o latou valaauga o le a avea ma atalii o Mose ma Arona, MF&F 84:33–34. O le a tauamiotonuina e le Alii galuega amiotonu a i latou ua valaauina e le Tamā e pei o Arona, MF&F 132:59.