Amo Tagai foi i le Soo O se mea laau lea e tuu faalava i ua o manuvaefa po o tagata e fusi faatasi ai i latou. O le amo a Keriso o se faatusa o le olaga faaleʼausoo, aʼo o le amo o le pologa o le faatusa o le faasauā. E avegofie laʼu amo, o laʼu avega foi e māmā ia, Mata. 11:29–30. Aua tou te amo faalegatasi ma e lē talitonu, 2 Kori. 6:14. Aua neʼi toe taofia outou i le amo o le pologa, Kala. 5:1. Matou te lē mananao foi e aumai se tasi i le amo o le pologa, Alema 44:2. O puapuaga o le Au Paia o se amo uʼamea, o se maea malosi, ma filifili o seoli, MF&F 123:1–3, 7–8.