E pei ona faaaogaina i tusitusiga paia, o ni isi taimi o se savali e lagona i taliga lea e fetalai mai e le Alii po o ana avefeau. E mafai foi ona lē lagona i taliga le leo o le Agaga ae tuuina saʼo atu lava i le loto po o le mafaufau.
O e amiotonu e mulimuli i le leo o le Leoleo Mamoe Lelei, Ioane 10:1–16 .
O i latou uma lava o i le upumoni e faalogo mai i loʼu leo, Ioane 18:37 .
Sa ou usiusitai i le siufofoga o le Agaga, 1 Ni. 4:6–18 .
Sa oʼo mai se siufofoga ia te aʼu ua fetalai mai, Enosa e, ua faamagaloina au agasala, Enosa 1:5 .
O se siufofoga filemu o le fimalie atoatoa ma sa ati e oo atu i totonu lava o le agaga, Hela. 5:29–33 (3 Ni. 11:3–7 ).
Pe i loʼu lava leo, po o i le leo o aʼu ʼauʼauna, ua tutusa lava, MF&F 1:38 .
Soo se mea lea latou te tautala atu ai pe a uunaia ai e le Agaga Paia o le siufofoga lea o le Alii, MF&F 68:2–4 .
O tagata taitoatasi o e e usiusitai i loʼu leo o le a vaai i oʼu mata ma iloa ua Ou i ai, MF&F 93:1 .