Seleselega O ni isi taimi e faaaoga i tusitusiga paia le upu seleselega i se uiga faatusa e faatatau i le aumaia o tagata i le Ekalesia, o le malo lea o le Atua i le lalolagi, pe faatatau i se taimi o le faamasinoga, e pei o le afio faalua mai o Iesu Keriso. Ua mavae ona po o le seleselegasaito, ua uma le tausaga vevela, ae lē faaolaina i tatou, Iere. 8:20 (MF&F 56:16). Ua tele le saito e seleseleina a o le au faigaluega e toaitiiti ia, Mata. 9:37. O le seleselega o le gataaga lea o le lalolagi, Mata. 13:39. O le mea e luluina e le tagata, o le mea lava lea e seleseleina mai ai e ia, Kala. 6:7–9 (MF&F 6:33). Ua sinasina le fanua ua saunia e selesele, MF&F 4:4. Ua uma le seleselega ma lē faaolaina ai ō outou agaga, MF&F 45:2. Ua oo mai le taimi o le seleselega, ma ua tatau ona faataunuuina o laʼu upu, MF&F 101:64.