Tusitusiga Paia
Mataupu Faavae ma Feagaiga 65
Mea e Sii mai
Tusi Atoa (PDF)
Vaefaamatalaga

Hide Footnotes

Autu

Vaega 65

Faaaliga na tuuina mai e ala mai ia Iosefa Samita le Perofeta, i Hairama, Ohaio, Oketopa 1831 (History of the Church, 1:218). Ua taʼua lenei faaaliga e le Perofeta o se tatalo.

1–2, Ua tuu mai ki o le malo o le Atua i tagata i le lalolagi, ma o le a manumalo le faamoemoe o le talalelei; 3–6, O le a oo mai le malo meleniuma o le lagi ma au faatasi ma le malo o le Atua i le lalolagi.

1 Faalogo mai ia, ma faauta, i se leo o lea lava o le toatasi na auina mai i lalo mai luga, o lē ua malosi silisili ma mamana, o lē o lona maliu atu e oo atu i tuluiga o le lalolagi, ioe, o lē o lona siufofoga ua i ai e oo atu i tagata—Ia outou ateuteu le ala o le Alii, ma faasaʼosaʼo ona ala.

2 O aki o le emalo o le Atua ua tuu atu i tagata i luga o le lalolagi, ma mai iina o le a taavale atu ai i luma le talalelei i tuluiga o le lalolagi, e pei ona o le a taavale atu le imaa na tofi mai le mauga e aunoa ma lima, seia otumu ai le lalolagi atoa.

3 Ioe, o se leo o alaga atu—Ia outou teuteu le ala o le Alii, ia outou saunia le atalisuaga a le Tamai Mamoe, ia sauniuni mo le eFaatoafaiavā.

4 Tatalo atu i le Alii, valaau atu i lona suafa paia, faailoa atu ana galuega ofoofogia i totonu o tagata.

5 Valaau atu i le Alii, ina ia alu i luma lona malo i luga o le lalolagi, ina ia maua e e o nonofo ai, ma sauni mo aso o le a oo mai, lea o le a aafio mai ai i lalo le Atalii o le Tagata o i le lagi, ua elaei i le pupula o lona imamalu, e fetaiaʼi ma le omalo o le Atua ua faatu i luga o le lalolagi.

6 O le mea lea, ia alu i luma le amalo o le Atua, ina ia oo mai le emalo o le lagi, ina ia faamamaluina oe, le Atua e, i le lagi faapea foi i le lalolagi, ina ia faatoilaloina ou fili; ona e a ioe le mamalu, mana ma le viiga, e faavavau faavavau lava. Amene.