Tusitusiga Paia
Mataupu Faavae ma Feagaiga 28
Mea e Sii mai
Tusi Atoa (PDF)
Vaefaamatalaga

Hide Footnotes

Autu

Vaega 28

Faaaliga na tuuina mai e ala mai ia Iosefa Samita le Perofeta, mo Oliva Kaotui, i Feiete, Niu Ioka, Setema, 1830 (History of the Church, 1:109–111). O Ailama Page, o se tasi o le Ekalesia, sa ia te ia se maa faapitoa ma sa fai mai sa ia maua mai ai ni faaaliga e uiga i le atiaega i luga o Siona ma le faatulagaga o le Ekalesia. E toatele ni isi o le Ekalesia sa faaseseina i ia tala, ma e oo ia Oliva Kaotui sa faatosina sese ai. Toeitiiti ane ae lei faia se konafesi na atofaina, na ole faatauanau atu ai le Perofeta i le Alii e faatatau i le mataupu, ma o le faaaliga lenei na oo mai ai.

1–7, Ua umia e Iosefa Samita ki o mealilo, ma ua nao ia e mauaina faaaliga mo le Ekalesia; 8–10, O Oliva Kaotui ia talai atu i sa Lamanā; 11–16, Ua faasese e Satani Ailama Page ma tuu mai ia te ia faaaliga sese.

1 Faauta, Ou te fai atu ia te oe, aOliva, o le a tuu atu ia te oe ia faalogo le ekalesia ia te oe i mea uma i soo se mea o le a e eaoao atu ia te i latou e ala i le iFaamafanafana, e faatatau i faaaliga ma poloaiga ua Ou tuu atu.

2 Ae, faauta, e moni, e moni, Ou te fai atu ia te oe, e aleai se tasi e tofia na te mauaina poloaiga ma faaaliga i le ekalesia lenei, vagana ai laʼu auauna o eIosefa Samita, Laitiiti, ona e maua e ia poloaiga ma faaaliga e pei lava o Mose.

3 Ma ia e usiusitai i mea o le a Ou tuu atu ia te ia, e pei lava o aArona, e alaga atu ma le faamaoni poloaiga ma faaaliga, i le mana ma le epule i le ekalesia.

4 Ma afai e taitaia oe i soo se taimi e le Faamafanafana e te atautala atu pe e te aoao atu, po o i taimi uma i le ala faalepoloaiga i le ekalesia, e mafai ona e faia.

5 Ae aua neʼi e tusi i le ala faalepoloaiga, ae i le poto:

6 Ma aua neʼi e faatonuina o ia o lē ua i lou ulu, ma ua i le ao o le ekalesia;

7 Aua ua Ou tuu atu ia te ia aki o emealilo, ma faaaliga ua faamaufaailogaina, seia Ou tofia mo i latou se isi i lona tulaga.

8 Ma o lenei, faauta, Ou te fai atu ia te oe, ia e alu i asa Lamanā ma talai atu laʼu etalalelei ia te i latou; ma o le tulaga e oo i ai la latou taliaina o au aoaoga, ia e faia ia faatuina laʼu ekalesia i totonu o i latou; ma o le a e maua faaaliga, ae aua neʼi tusia i latou i le ala faalepoloaiga.

9 Ma o lenei, faauta, Ou te fai atu ia te oe, e leʼi faaalia mai, ma e leai se tagata ua iloaina le mea o le a faatu ai le aaai o eSiona, ae o le a tuuina mai i se taimi mulimuli mai. Faauta, Ou te fai atu ia te oe, o le a i ai i tuaoi latalata i sa Lamanā.

10 Aua e te tuua le nofoaga lenei seia mavae le konafesi; ma o laʼu auauna o Iosefa o le a tofia e pulefaamalumalu i le konafesi i le leo o le faapotopotoga, ma o mea e fai atu ai o ia ia te oe, ia e tau atu.

11 O lenei foi, ia e ave lou uso, o Ailama Page, i le ava tau lava o ia ma oe, ma tau atu ia te ia o mea na ua ia tusia mai lena maa, ua lē mai ia te aʼu, ma ua efaaseseina o ia e iSatani;

12 Aua, faauta, sa leʼi tofia atu ia mea ia te ia, pe o le a tofia atu foi soo se mea i soo se tasi o le ekalesia lenei, ua lē tusa ai ma feagaiga o le ekalesia.

13 Aua e ao ina faia mea uma i le faatulagaga tatau, ma i le afinagalo autasi o le ekalesia, e ala i le tatalo o le faatuatua.

14 Ma ia e fesoasoani e foia ia mea uma, e tusa ai ma feagaiga o le ekalesia, ae lei alu lau malaga i totonu o sa Lamanā.

15 Ma o le a atuu atu ia te oe mai le taimi e te alu atu ai, sei oo i le taimi e te foi mai ai, mea e te faia.

16 Ma ia e tatala atu lou gutu i taimi uma, e alaga atu laʼu talalelei ma le leo o le olioli. Amene.