Tusitusiga Paia
Mataupu Faavae ma Feagaiga 49
Mea e Sii mai
Tusi Atoa (PDF)
Vaefaamatalaga

Hide Footnotes

Autu

Vaega 49

Faaaliga na tuuina mai e ala mai ia Iosefa Samita le Perofeta, ia Sini Rikitone, Parley P. Pratt, ma Leman Copley, i Katelani, Ohaio, Mati 1831 (History of the Church, 1:167–169). (Ua taʼu mai i ni isi talafaamaumau talafaasolopito o le aso na oo mai ai lenei faaaliga e faapea o Me 1831.) Sa talia e Leman Copley le talalelei peitai sa taofi pea o ia i ni isi o aoaoga a le Au Sieka (United Society of Believers in Christʼs Second Appearing [Sosaiete Aufaatasi a Tagata Talitonu i le Afio Mai Faalua o Keriso]), lea sa auai muamua o ia. O ni isi o talitonuga o le Au Sieka e faapea ua uma ona oo mai o le afio mai faalua o Keriso ma e faapea sa afio mai o ia i le foaitino o se fafine, o Ann Lee; ua lē taua le papatisoga i le vai; o le taumafa i puaa ua faapitoa ona faasaina, ma sa lē aai le toatele i aano o se manu; ma sa manatu o le olaga noa ma se toalua ua sili i lo le faaipoipo. I le faatomuaga o lenei faaaliga na tusi ai e le Perofeta e faapea, “Ina ia maua [se] malamalama atoatoa e uiga i lenei mataupu, o lea na ou ole atu ai i le Alii, ma maua mai ai le faaaliga lenei” (History of the Church, 1:167). Ua taʼu sese mai i le faaaliga ni isi o talitonuga faavae o le vaega a le au Sieka. Sa ave e uso ua taʼua i luga se kopi o le faaaliga i le nuu o le au Sieka (e latalata i Kalivilani, Ohaio) ma faitau atu ia te i latou i le atoatoa, peitai sa teena.

1–7, O le aso ma le itula o le afio mai o Keriso o le a tumau pea ona lē iloa seia afio mai o ia; 8–14, E ao i tagata ona salamo, talitonu i le talalelei, ma usiusitai i sauniga ina ia latou maua le olataga; 15–16, Ua faauuina e le Atua le faaipoipoga; 17–21, Ua faatagaina le ʼai o aano o manu; 22–28, O le a uluola Siona ma fuga mai sa Lamanā e pei o le rosa ae lei oo i le Afio Mai Faalua.

1 Faalogo mai ia i laʼu upu, aʼu auauna e, Sini, ma Parley, ma Limani; aua faauta, e moni Ou te fai atu ia te outou, Ou te tuu atu ia te outou se poloaiga ia outou o atu ma atalai atu i le Au Sieka laʼu talalelei ua outou mauaina, e pei lava ona outou mauaina.

2 Faauta, Ou te fai atu ia te outou, ua latou mananao e fia iloa se vaega o le upu moni, ae lē o le atoa, ona e lē o asaʼo i latou i oʼu luma ma e ao ina salamo.

3 O le mea lea, Ou te auina atu ai oulua, aʼu auauna, o Sini ma Parley, e talai atu le talalelei ia te i latou.

4 Ma ia faauu laʼu auauna o Limani i lenei galuega, ina ia mafai ona talatala o ia faatasi ma i latou, e lē tusa ai ma mea na ia maua mai ia te i latou, ae e tusa ai ma mea e aaoao atu ia te ia e oulua o aʼu auauna; ma o le faia o lenei mea o le a Ou faamanuiaina ai o ia, a leai e lē manuia o ia.

5 Ua faapea ona fetalai mai o le Alii; ona o Aʼu o le Atua, ma sa Ou aauina atu loʼu Atalii e Toatasi na Fanaua i le lalolagi mo le etogiolaina o le lalolagi, ma ua Ou folafola atu, o ia o lē na te talia o ia o le a faaolaina, ma o ia o lē na te lē talia o ia o le a ifaamalaiaina

6 Ma ua latou faia i le aAtalii o le Tagata e pei ona sa latou loto i ai; ma ave e ia lona mana i le lima etaumatau o lona imamalu, ma ua nofotupu nei i le lagi, ma o le a nofotupu seia toe afio mai o ia i luga o le lalolagi e tuu i olalo o ona vae fili uma, o se taimi lea ua lata mai lava oo mai—

7 O Aʼu, o le Alii le Atua, ua Ou tautala atu ai; ae o le itula ma le aaso e leai se tagata na te iloaina, po o agelu i le lagi, pe latou te iloaina seia oo ina afio mai o ia.

8 O le mea lea, ou te manao ai ia salamo tagata uma, ona ua i lalo o le aagasala i latou uma, vagana ai i latou o e o ni etagata paia tou te lē iloa e uiga i ai, ua Ou faasaoina mo aʼu lava.

9 O le mea lea, Ou te fai atu ai ia te outou ua Ou auina atu ia te outou laʼu afeagaiga tumau-faavavau, o le feagaiga lava lena ua mai i le amataga.

10 Ma o le mea lena na Ou folafola atu ua faapea ona uma ona Ou faataunuuina, ma o le a aifo i ai eatunuu o le lalolagi; ma, afai e lē faapea ona faia e i latou lava, o le a ave ifo i latou i lalo, ona o le mea o loo faamaualuga nei ia te ia lava, o le a ifaataatia maualalo i le mana.

11 O le mea lea, Ou te tuu atu ai ia te outou se poloaiga ia outou ao atu i totonu o nei tagata, ma fai atu ia te i latou, e pei o laʼu aposetolo anamua, o lē o lona igoa o Peteru:

12 Ia talitonu i le suafa o le Alii o Iesu, o lē sa i le lalolagi, ma o lē o le a afio mai, o le amataga ma le gataaga;

13 Ia asalamo ma papatiso i le suafa o Iesu Keriso, e tusa ma le poloaiga paia, mo le faamagaloina o agasala;

14 Ma ai se na te faia lenei mea o le a maua e ia le ameaalofa o le Agaga Paia, e ala i le faaee o elima o toeaina o le ekalesia.

15 O lenei foi, e moni Ou te fai atu ia te outou, ai se na te afaasa le faaipoipo ua lē faauuina o ia e le Atua, ona o le efaaipoipoga ua faauuina e le Atua mo le tagata.

16 O le mea lea, ua tusa ai ma le tulafono le tatau ai ona maua e ia o se aava e toatasi, ma avea i laua e toalua ma etino e tasi, ma ua faia lenei mea atoa ina ia mafai ona faataunuu e le ilalolagi le faamoemoe o lona foafoaga;

17 Ma ina ia mafai ona faatumuina i le fuataga o le tagata, e tusa ma lona afoafoaga ae elei faia le lalolagi.

18 Ma ai se na te afaasaina le ʼai i eaano o manu, ina ia lē ʼai ai le tagata, ua lē faauuina o ia e le Atua;

19 Aua, faauta, o amanu vaefa o le fanua ma manu felelei o le ea, ma mea e sau mai i le eleele, ua faauuina mo le faaaogaina e le tagata mo meaai ma mo lavalava, ma ina ia maua tele e ia.

20 Peitai ua lē tuuina mai ia amaua e se tagata e toatasi ni mea e sili atu i le tasi, o le mea lea ua taoto ai le elalolagi i le agasala.

21 Ma oi talofa i le tagata na te afaamasaa le toto pe na te faatauna aano o manu ae ua lē manaomia e ia.

22 O lenei foi, e moni Ou te fai atu ia te outou, e lē aafio mai le Atalii o le Tagata i le foaitino o se fafine, po o se alii o malaga i le lalolagi.

23 O le mea lea, aua nei afaaseseina outou, ae ia tutu mausali pea, ma etulimatai i luma mo le luluina o le lagi, ma le faagateteina o le lalolagi ma taumalua solo e pei o se tagata ʼonā, ma mo le faamaualulugaina o ivanu, ma mo le faamaualalaloina o omauga, ma mo le faalauleleia o mea gaoā—ma o nei mea uma o le a oo mai pe a ili e le agelu lana upu.

24 Peitai ae lei oo mai le aso tele o le Alii, o le a tupuolaola aIakopo i le vao, ma o le a efuga mai sa Lamanā e pei o le rosa.

25 O le a atupuolaola Siona i luga o emaupuepue ma olioli i luga o mauga, ma o le a faapotopopoto faatasi i le nofoaga ua Ou tofia.

26 Faauta, Ou te fai atu ia te outou, o atu ia e pei ona Ou poloaiina ai outou; ia outou salamo mai ia outou agasala uma; aole mai ma o le a outou maua; tuʼituʼi mai ma o le a tatala atu ia te outou.

27 Faauta, o le a Ou alu atu i o outou luma ma avea foi ma o outou amuliʼau; ma o le a Ou i ai i lo outou elotolotoi, ma o le a lē ifaafememeaiina outou.

28 Faauta, o Aʼu o Iesu Keriso, ma ua avave ona Ou alu atu. E faapea lava. Amene.