Tusitusiga Paia
Mataupu Faavae ma Feagaiga 99
Mea e Sii mai
Tusi Atoa (PDF)
Vaefaamatalaga

Hide Footnotes

Autu

Vaega 99

Faaaliga na tuuina mai e ala mai ia Iosefa Samita le Perofeta ia Ioane Murdock, Aokuso 1832, i Hairama, Ohaio. E ui ina sa tusia i lomiga o le Mataupu Faavae ma Feagaiga e amata mai i le 1876 e faapea na maua lenei faaaliga i Katelani, Aokuso 1833, ua faamaonia mai i lomiga muamua atu ma isi talafaamaumau talafaasolopito le saʼo o faamatalaga.

1–8, Ua valaaulia Ioane Murdock e folafola atu le talalelei, ma o i latou o e e taliaina o ia ua taliaina le Alii ma o le a latou maua le alofa mutimutivale.

1 Faauta, ua faapea ona fetalai mai o le Alii i laʼu auauna o Ioane Murdock—ua valaaulia oe e te alu atu i itu-laueleele i sasaʼe mai lea fale i lea fale, mai lea nuu i lea nuu, ma mai lea aai i lea aai, e folafola atu laʼu talalelei tumau-faavavau i e o nonofo ai, i le lotolotoi o asauaga ma le amioleaga.

2 Ma o lē na te atalia oe ua ia talia aʼu; ma o le a e maua le mana e alaga atu ai laʼu upu i le efaaaliga a loʼu Agaga Paia.

3 Ma o lē na te talia oe e apei o se tamaitiiti, e maua e ia loʼu emalo; ma amuia lava i latou, ona o le a latou maua le ialofa mutimutivale.

4 Ma ai se na te teena oe o le a ateena e loʼu Tamā ma lona fale; ma ia outou tafi o outou evae i mea lilo i le ala mo se molimau e faasaga ia te i latou.

5 Ma faauta, ma tagai, Ou te vave aalu atu i le efaamasinoga, e faatalitonu tagata uma ia latou galuega lē amioatua ua latou faia faasaga mai ia te aʼu, e pei ona tusia e uiga ia te aʼu i le tusi o tusitusiga paia.

6 Ma o lenei, e moni Ou te fai atu ia te oe, e lē tatau ona e alu atu seia saunia ni mea mo le tausiga o lau fanau, ma auina lelei atu i le epikopo o Siona.

7 Ma a mavae ni nai tausaga, afai e te manao mai ai ia te aʼu, e mafai foi ona e alu atu i luga i le laueleele lelei, e maua lou tofi;

8 A lē o lea, ia e folafola atu pea laʼu talalelei aseia aveina aʼe oe. Amene.