Tusitusiga Paia
Mataupu Faavae ma Feagaiga 135
Mea e Sii mai
Tusi Atoa (PDF)
Vaefaamatalaga

Hide Footnotes

Autu

Vaega 135

O le faamaturoina o Iosefa Samita le Perofeta ma lona uso, o Ailama Samita le Peteriaka, i Karefasi, Ilinoi, 27 Iuni 1844 (History of the Church, 6:629–631). O lenei saunoaga na tusia e le Elder o Ioane Taylor o le Aufono a le Toasefululua, o lē na avea o se molimau i mea na tutupu.

1–2, Ua faamaturoina Iosefa ma Ailama i le Falepuipui o Karefasi; 3, Ua folafola mai le tulaga maualuga o le Perofeta; 4–7, Ua molimau o laua toto mamā i le moni ma le paia o le galuega.

1 Ina ia faamauina le molimau a lenei tusi ma le Tusi a Mamona, matou te faasilasila atu le afaamaturoina o eIosefa Samita le Perofeta, ma Ailama Samita le Peteriaka. Sa tafanaina i laua i le falepuipui i iKarefasi, i le aso 27 o Iuni, 1844, pe tusa i le itula e lima i le afiafi, e se vaega o tagata leaga faaauupegaina—na vali uli o latou mata—e tusa ma le 150 i le 200 tagata. Sa muamua ona fanaina o oAilama ma paʼū filemu ai i lalo, ma alaga: O aʼu o se tagata oti! Sa oso Iosefa mai le faamalama, ma sa fana oti ai i le taumafaiga, ma alaga: E, le Alii e, loʼu Atua! Sa toe fanaina i laua uma, i se ala sauā lava, ina ua mavae ona laua maliliu, ma e taʼifa pulu na tafana ai i laua uma.

2 O aIoane Taylor ma Willard Richards, se toalua o le Toasefululua, na pau lea o tagata sa i ai i totonu o le potu i le taimi lea; sa manuʼa Ioane Taylor i se ala sauā lava i pulu e fa, ae ua toe malosi mai talu mai lea taimi; o Willard Richards, na sao mai, e ala i le tausiga a le Atua, e aunoa ma se pu i lona ofu.

3 O Iosefa Samita, le aPerofeta ma le eTagatavāai a le Alii, e tele atu mea na ia faia, vagana ai lava Iesu, mo le faaolataga o tagata i lenei lalolagi, nai lo se isi lava tagata na ola ai. I le va puupuu o le luasefulu tausaga, na ia aumaia le Tusi a Mamona, lea na faaliliuina e ia i le meaalofa ma le mana o le Atua, ma sa avea ma ala na faasalalau atu ai i konetineta e lua; auina atu le iʼatoatoaga o le talalelei tumau-faavavau, ua i ai i ona totonu, i itu e fa o le lalolagi; aumai faaaliga ma poloaiga ua i ai i le tusi lenei o Mataupu Faavae ma Feagaiga, ma le tele o isi tusi ma aoaoga poto mo le manuia o le fanauga a tagata; faapotopoto le tele o afe o le Au Paia o Aso e Gata Ai, faavae se oaai tele, ma tuua se taʼutaʼua ma se igoa e lē mafai ona faaumatia. Sa soifua maualuga o ia, ma sa maliu maualuga o ia i luma o fofoga o le Atua ma lona nuu; ma e pei o le toatele o le ʼau faauuina a le Alii i taimi anamua, ua faamau faailogaina lana misiona ma lana galuega i lona lava utoto; ma ua faapea foi lona uso o Ailama. Sa lei fevaevaeaʼi i laua i le soifuaga, ma sa lei tuueseeseina i laua i le oti!

4 Ina ua alu atu Iosefa i Karefasi e tuu atu o ia lava i manaoga faatagāfai o le tulafono, i le lua po o le tolu aso i luma mai o lona tagatavaleina, sa saunoa mai o ia: “Ua ʼou alu atu e pei o se atamai mamoe i le fasiga; ae ua ʼou toafilemu e pei o se taeao o le tau mafanafana; ua ia te aʼu se mafaufaufuatiaifo ua aunoa ma se faatausuai e faasaga i le Atua, ma faasaga i tagata uma. O le a ʼou oti lē sala ma o le a faapea ona fai ane e uiga ia te aʼu—sa fasiotia o ia ma le faufau i ai.”—I le taeao lava lea, ina ua uma ona sauni o Ailama e alu—e mafai ona tatou faapea ane i le fasiga? ioe, aua sa faapea lava—sa faitauina e ia le palakalafa lenei, e latalata i le faaiuga o le mataupu sefululua o le tusi a Eteru, i le Tusi a Mamona, ma faamoe i lalo le itulau i ona luga:

5 Ma sa oo ina ou tatalo atu i le Alii ina ia avatu e ia le alofa tunoa i Nuuese, ina ia latou maua le alofa mama. Ma sa oo ina fetalai mai le Alii ia te aʼu: Afai e lē i ai ia te i latou le alofa mama, e lē afaina lea mea ia te oe, ua e faamaoni; o le mea lea, o le a afaamamāina ou ofu. Ma ona ua e vaai i lou vaivai, o le a faamalosia ai oe, e oo lava i le nofo i lalo i le nofoaga ua Ou saunia i maota o loʼu Tamā. Ma o lenei ou te … faatofa atu i Nuuese; ioe, ma i oʼu uso foi o e ua ou alofa i ai, seia oo ina tatou feiloai i luma o le enofoa-faamasino o Keriso, lea o le a iloa ai e tagata uma ua lē pisia oʼu ofu i o outou toto. Ua maliliu nei le iʼau molimau, ma ua tu nei la laua mau.

6 O Ailama Samita na fasefulu-fa tausaga o le matua ia Fepuari, 1844, ma o Iosefa Samita sa tolusefulu-valu ia Tesema, 1843; ma mai i le taimi nei i luma o le a tusia o laua igoa i totonu o le ʼau maturo o tapuaiga faalelotu; ma o le a faamanatuina i lē e faitau i atunuu uma, o le Tusi a Mamona, ma le tusi lenei o Mataupu Faavae ma Feagaiga o le ekalesia, na faatauina i toto e sili ona lelei o le seneturi sefuluiva, e aumai ia tusi mo le faaolataga o se lalolagi paʼū; ma e faapea afai e mafai e le afi ona faamū se alaau mata mo le mamalu o le Atua, o le a faigofie lava ona susunuina o laau mamago e faamamā ai le tovine mai le faaleagaina. Sa soifua i laua mo le mamalu; sa maliliu i laua mo le mamalu; ma o le mamalu o lo laua taui lea e faavavau. E mai lea vaitausaga i lea vaitausaga o le a oo atu o laua igoa i lalo i tupulaga o ni maa taua i e ua faapaiaina.

7 Na mamā i laua i mai se solitulafono, e pei ona sa faamaonia ai soo i laua muamua, ae sa nao taupulepulega leaga a tagata faalata ma amioleaga na falepuipui ai i laua; ma o o laua toto lē sala ua i luga o le fola o le falepuipui i Karefasi o se faamaufaailoga lautele ua faapipii i le lotu “Mamona” e lē mafai ona faafitia e soo se faamasinoga i luga o le lalolagi, ma o o laua toto lē sala i luga o le faailoga o le Setete o Ilinoi, faatasi ma le folafolaga solia a le Setete e pei ona sa folafolaina e le kovana, o se molimau i le moni o le talalelei tumau-faavavau e lē mafai e le lalolagi atoa ona faafitia; ma o o laua toto lē sala i luga o le fuʼa o le saolotoga, ma i luga o le faavae o le saolotoga o le Iunaite Setete, o se amupasa mo le tapuaiga a Iesu Keriso, o le a ootia ai loto o tagata faamaoni i atunuu uma; ma o o laua toto lē sala, faatasi ma toto lē sala o le ʼau maturo uma i lalo o le afatafaitaulaga na vaai i ai Ioane, o le a tagi aʼe i le Alii o ʼAu seia oo ina tauia lena toto i luga o le lalolagi. Amene.