Tusitusiga Paia
Mataupu Faavae ma Feagaiga 82


Vaega 82

Faaaliga na tuuina mai ia Iosefa Samita le Perofeta, i Initipene, i le Itumalo o Siakisone, Misuri, i le aso 26 o Aperila, 1832. O le mea na fai o se fono a faitaulaga sili ma toeaina o le Ekalesia. I le fono lea, na lagolago ai Iosefa Samita e avea ma Peresitene o le Perisitua Maualuga, le tofi lea na faauu muamua i ai o ia i se konafesi a faitaulaga sili, toeaina, ma tagata o le Ekalesia, i Amherst, Ohaio, i le aso 25 o Ianuari, 1832 (tagai i le ulutala o le vaega 75). O le faaaliga lenei ua toe faamautu mai ai faatonuga na tuuina mai i se isi faaaliga na tuuina mai muamua (vaega 78) ina ia faatuina se kamupani—lea na lauiloa o le Kamupani Tuufaatasi (i lalo o le taitaiga a Iosefa Samita, o le upu “faatulagaga” na suitulaga mulimuli ane i le “kamupani”)—e pulea ai taumafaiga a le Ekalesia mo fefaatauaiga ma le lomiaina o tusi.

1–4, I le tulaga ua foaiina atu ai mea e tele, e tele foi mea ua manaomia mai ai; 5–7, Ua pule le pouliuli i le lalolagi; 8–13, E noatia le Alii pe a tatou faia mea e fetalai mai ai o Ia; 14–18, E ao ina faateleina le matagofie ma le paia o Siona; 19–24, E tatau i tagata taitoatasi ona saili mo le manuia o lē la te tuaoi.

1 E moni, e moni, Ou te fai atu ia te outou, a’u auauna e, e tusa ai ma lo outou afaamagalo atu o le tasi i le isi i o outou sesē, ua faapea lava ona faamagaloina o outou e A’u, o le Alii.

2 Ae ui i lea, e i ai ni isi i totonu o outou o e ua agasala tele lava; ioe, ua outou agasala auma lava; ae e moni Ou te fai atu ia te outou, ia outou faaeteete mai le taimi nei ma le agai i luma, ma taofi mai le agasala, ne’i pa’u’ū mai faamasinoga tiga i luga o o outou ulu.

3 Aua o ia o lē ua tuu atu i ai mea e atele, e tele mea ua emanaomia mai ai; ma o ia o lē e iagasala faasaga i le omalamalama sili atu, o le a maua e ia le ta’usalaga sili atu.

4 Tou te valaau mai i lo’u igoa mo afaaaliga, ma Ou te tuu atu ia te outou faaaliga; ma e tusa ai ma le lē tausia o a’u upu, ia Ou te tuu atu ia te outou, e avea outou ma ē solitulafono; ma o le efaamasinotonu ma le faamasinoga o faasalaga ia ua o faatasi ma la’u tulafono.

5 O lea, o le mea Ou te fai atu ai i le toatasi Ou te fai atu ai i tagata uma: Ia amataala, ona ua faasalalau atu e le etiapolo ana pule’aga, ma ua pule le ipouliuli;

6 Ma ua sasao a’e le toasa o le Atua e faasaga i e ua nonofo i le lalolagi; ma ua leai se tasi ua faia se mea lelei, ona ua o ese atu tagata uma mai le aala.

7 Ma o lenei, e moni Ou te fai atu ia te outou, o A’u, o le Alii, o le a lē ta’usalaina outou i se aagasala; ō atu ia i o outou ala ma ia lē toe agasala; ae o le tagata lena o lē e agasala o le a toe foi mai i ai agasala emuamua, ua fetalai mai ai le Alii lo outou Atua.

8 O lenei foi, Ou te fai atu ia te outou, Ou te tuu atu ia te outou se poloaiga afou, ina ia outou malamalama i lo’u loto e faatatau ia te outou;

9 Pe, i ni isi faaupuga, Ou te tuu atu ia te outou ni faatonuga i le ala e mafai ona outou aamio ai i o’u luma, ina ia liliu mai ia te outou mo lo outou faaolataga.

10 O A’u, o le Alii, e anoatia a’u pe a outou faia mea Ou te fai atu ai; ae a outou lē faia mea Ou te fai atu ai, e leai se folafolaga mo outou.

11 O lea, e moni Ou te fai atu ia te outou, ua tatau i a’u auauna o Edward Partridge ma Newel K. Whitney, A. Sini Gilbert ma Sini Rikitone, ma la’u auauna o Iosefa Samita, ma Ioane Uitimera ma Oliva Kaotui, ma V. V. Phelps ma Matini Harisi, ona fusia afaatasi i se ioega ma se feagaiga e lē mafai ona lepetia i le solitulafono, vagana ai le mulimuli vave mai ai o le faamasinoga, i a outou mea-tausi eseese—

12 Ina ia faafoe ai mataupu tau i e matitiva, ma mea uma e faatatau i le au epikopo i le laueleele o Siona ma le laueleele o Katelani;

13 Auā ua Ou faapaiaina le laueleele o Katelani i lo’u lava taimi e tatau ai mo le manuia o le au paia a le Silisili Ese, ma mo se asiteki i Siona.

14 Auā e ao ina faateleina Siona i le matagofie, ma i le paia; o ona tuaoi e ao ina faalauteteleina; o ona siteki e ao ina faamalolosia; ioe, e moni Ou te fai atu ia te outou, e ao ina tula’i aSiona ma ofu i ona eofu matagofie.

15 O lea, Ou te tuu atu ia te outou le poloaiga lenei, ia outou fusia outou lava i lenei feagaiga, ma ia faia e tusa ai ma tulafono a le Alii.

16 Faauta, o le poto foi lea ua ia te a’u mo lo outou lelei.

17 Ma ia outou atutusa, po o ua faapea, ia outou maua āiā tutusa i meatotino, mo le lelei o le puleaina o atugaluga o a outou mea-tausi, i tagata taitoatasi e tusa ma ona manaoga ma mea na te manaomia, e tusa ai ma le tonu o ona manao—

18 Ma o nei mea uma ua mo le manuia o le ekalesia a le Atua soifua, ina ia mafai e tagata taitoatasi ona faaleleia atili ana ataleni, ina ia mafai e tagata taitoatasi ona maua ni isi taleni, ioe, e sautuaselau lava, e lafo i le efaleteuoloa o le Alii, e avea ma meatotino faitele a le ekalesia atoa—

19 E saili ai e tagata taitoatasi le lelei o lē la te tuaoi, ma faia mea uma ma le amanatu tasi i le mamalu o le Atua.

20 O lenei afaatulagaga ua Ou tofia e avea ma se faatulagaga tumau e faavavau ia te outou, ma i o outou sui, e tusa ai ma lo outou lē agasala.

21 Ma o le tagata e agasala faasaga i lenei feagaiga, ma faamaaa lona loto faasaga i ai, ia faia i ai e tusa ma tulafono o la’u ekalesia, ma o le a tuu atu i atu’iga a Satani seia oo i le aso o le togiolaina.

22 Ma o lenei, e moni Ou te fai atu ia te outou, ma o le poto lea, ia outou faia mo outou lava ni uo faatasi ma mamone o le amioletonu, ma o le a latou lē faaumatia ai outou.

23 Ia tuu tasi mai ia te a’u le faamasinoga, aua e a a’u ia ma o le a Ou atoe totogi atu. Ia i ai ia te outou le filemu; ua i ai pea a’u faamanuiaga ia te outou.

24 Auā e a outou lava pea le amalo, ma o le a faapea lava e faavavau, pe afai tou te lē pa’u’ū ese mai i lo outou tutumaumausalī. E faapea lava. Amene.