Tusitusiga Paia
Mataupu Faavae ma Feagaiga 87


Vaega 87

Faaaliga ma le valoaga e uiga i taua, na tuuina mai e ala mai ia Iosefa Samita le Perofeta, i po o le latalata ane i Katelani, Ohaio, i le aso 25 o Tesema, 1832. O le taimi lea o le tetele o fefinauaiga i totonu o le Iunaite Setete ona o le mataupu tau i le faapologaina o tagata ma le lē manana’o o le Setete o Karolaina i Saute e totogi lafoga i le malo Feterale. Na faapea mai le talafaasolopito o Iosefa Samita “o faailoaga o faafitauli i luga o malo” sa o’o ina “sili atu ona aliali mai” i le Perofeta “nai lo le taimi muamua talu ona amata o le malaga a le Ekalesia i fafo mai le vao.”

1–4, Ua valoia le taua i le va o Setete i Matu ma Setete i Saute; 5–8, O le a pa’u’ū mai i luga o e uma ua nonofo i le lalolagi mala tetele.

1 E Moni, ua faapea ona fetalai mai o le Alii e uiga i taua o le a vave ona oo mai, e amata mai i le fouvalega a aKarolaina i Saute, lea e oo ina i’u i le oti ma le pagatia o tagata e toatele;

2 Ma e oo mai le taimi o le a oo mai ai ataua i luga o atunuu uma, e amata mai i le lenei nofoaga.

3 Auā faauta, o le a vavae ese Setete i Saute e faasaga i Setete i Matu, ma o le a valaau atu Setete i Saute i isi atunuu, e oo lava i le atunuu o Peretania Tele, e pei ona ta’ua, ma o le a latou valaau atu foi i isi atunuu, ina ia puipuia i latou lava e faasaga i isi atunuu; ma ona sasao atu ai lea o ataua i luga o atunuu uma.

4 Ma o le a oo mai, a mavae aso e tele, o le a tutula’i a’e apologa e faasaga i o latou matai, o e o le a faatulaga ma a’oa’oina mo taua.

5 Ma o le a oo mai foi o vaega o totoe o e o i ai i le laueleele, o le a latou faatulaga i latou lava, ma o le a matuā feita lava, ma o le a latou faatigaina Nuuese i se faatigā tele.

6 Ma o le a faapea, e ala i le pelu ma le faamasaatoto, ona afaanoanoa e o nonofo i le lalolagi; ma o le a faia ia lagona e e o nonofo i le lalolagi, e ala i eoge, ma mala, ma mafui’e, ma faititili o le lagi, ma uila mata’utia ma le malama foi, le toasa, ma le toatama’i, ma le aao ia’oa’i o le Atua Malosi Aoao, seia oo ina uma ona faia e le faafanoga ua faatonuina se oi’uga atoatoa o atunuu uma;

7 Ina ia utu le tagi a le au paia, ma le atoto o le au paia, mai le alu a’e i fofoga o le Alii o eSapaota, mai le eleele, ia tauimasui i o latou fili.

8 O le mea lea, ia outou atutula’i ai i nofoaga paia, ma aua le masi’i ese, seia oo mai le aso o le Alii; auā faauta, e evave lava ona oo mai, ua fetalai mai ai le Alii. Amene.