Tusitusiga Paia
Mataupu Faavae ma Feagaiga 73


Vaega 73

Faaaliga na tuuina mai ia Iosefa Samita le Perofeta ma Sini Rikitone, i Hairama, Ohaio, i le aso 10 o Ianuari, 1832. Talu mai le vaega muamua o Tesema ua mavae, sa auai Iosefa ma Sini i le talaiga, ma o lenei ala na faataunuu ai le tele o mea i le faaitiitia o lagona lē lelei na tutulai mai e faasaga i le Ekalesia (tagai i le ulutala o le vaega 71).

1–2, Ia faaauau e toeaina ona talai atu; 3–6, Ia faaauau e Iosefa Samita ma Sini Rikitone ona faaliliu o le Tusi Paia seia mae’a.

1 Aua e moni, ua faapea ona fetalai mai o le Alii, ua tatau ia te a’u ona alatou talai atu pea o le talalelei, ma i le apoapoai atu i aulotu i nofoaga o faataamilo ai, sei oo i le konafesi;

2 Ma ona, faauta lea, o le a faailoa atu ia te i latou, i le aleo o le konafesi, a latou misiona eseese.

3 O lenei, e moni Ou te fai atu ia te oulua a’u auauna, o Iosefa Samita, Le Itiiti, ma Sini Rikitone, ua fetalai mai le Alii, ua atatau ona toe efaaliliu;

4 Ma, e tusa ai ma le mafai, ia talai atu i nofoaga o faataamilo ai sei oo i le konafesi; ma a mavae lena ona tatau lea ona faaauau o le galuega o le faaliliuga seia mae’a.

5 Ma ia tuu lenei mea e avea ma faataitaiga i toeaina seia maua se malamalama atili, e pei lava ona tusia.

6 O lenei Ou te lē tuuina atu ni isi mea ia te outou i le taimi nei. Ia afusi i o outou sulugatiti ma faamamalu. Ua faapea lava. Amene.