Tusitusiga Paia
Mataupu Faavae ma Feagaiga 79
Mea e Sii mai
Tusi Atoa (PDF)
Vaefaamatalaga

Hide Footnotes

Autu

Vaega 79

Faaaliga na tuuina mai e ala mai ia Iosefa Samita le Perofeta, i Hairama, Ohaio, Mati 1832 (History of the Church, 1:257).

1–4, Ua valaaulia Iareto Kata e talai le talalelei e ala atu i le Faamafanafana.

1 E Moni Ou te fai atu ia te oe, o loʼu loto ia tatau i laʼu auauna o Iareto Kata ona toe foi atu i itu-laueleele i sasaʼe, mai lea nofoaga i lea nofoaga, ma mai lea aai i lea aai, i le mana o le afaauuga na faauu ai o ia, e folafola atu tala fiafia o le olioli tele, le talalelei lava lea tumau-faavavau.

2 Ma o le a Ou auina atu i ona luga le aFaamafanafana, lea o le a aoao atu ai ia te ia le upumoni ma le ala e alu atu ai o ia;

3 Ma o le tulaga e oo i ai lona faamaoni, o le a Ou toe faapaleina o ia i fusisaito.

4 O le mea lea, ia fiafia ai lou loto, laʼu auauna e, Iareto Kata, ma ia lē afefe, ua fetalai mai ai lou Alii, o Iesu Keriso lava. Amene.