Tusitusiga Paia
Mataupu Faavae ma Feagaiga 127
Mea e Sii mai
Tusi Atoa (PDF)
Vaefaamatalaga

Hide Footnotes

Autu

Vaega 127

O se tusi mai ia Iosefa Samita le Perofeta i le Au Paia o Aso e Gata Ai i Navu, Ilinoi, o loo i ai faatonuga e faatatau i le papatisoga mo e ua maliliu, na tusi le aso i Navu, o le aso 1 o Setema 1842 (History of the Church, 5:142–144).

1–4, Ua olioli Iosefa Samita i sauaga ma puapuaga; 5–12, E tatau ona tausia talafaamaumau e faatatau i papatisoga mo e ua maliliu.

1 Talu ai ona ua faaali mai e le Alii ia te aʼu e faatatau i oʼu fili, i Misuri ma le Setete lenei, ua latou toe tuli mai ia te aʼu; ma talu ai ona ua latou tuli mai ia te aʼu e aunoa ma se apogai, ma ua lē i ai sina ata po o se lanu itiiti o le faamasinotonu po o se aiā i la latou itu i le faaosoina o a latou sauaga e faasaga mai ia te aʼu; ma talu ai ona o a latou tuuaʼiga ua faavae uma i le pepelo o le lama silisili ona uliuli, ua ou manatu ai ua tatau ma ua poto ia te aʼu ona tuua le alaalafaga mo se vaitau puupuu, mo loʼu lava saogalemu ma le saogalemu o lenei nuu. Ou te fia fai atu ia i latou o e ua ou fai pisinisi faatasi ma i latou, ua ou tuua aʼu mea tau pisinisi i sui ma failautusi o e o le a taulimaina pisinisi uma i se ala vave ma tatau, ma o le a vaai ia soloia aʼu aitalafu uma i le taimi e tatau ai, i le faamatuu atu lea o meatotino, po o se isi ala, e pei ona tatau ai i se tulaga, pe tusa ai ma tulaga e mafai ai. A oo ina ou iloa ua uma atu le afā, ona ou toe foi mai ai lea ia te outou.

2 Ma o atugā ua valaaulia aʼu ou te ala atu ai, e peiseai ua nao se mea faatauvaa ia mea ia te aʼu, ona o le elotovale ma le ita o tagata ua avea ma oʼu tulaga masani i aso uma o loʼu olaga; ma o le a se pogai e foliga mai ai o se mealilo lea, vagana ai na ifaauuina aʼu mai i luma atu o le faavaega o le lalolagi mo se faamoemoe lelei, pe leaga, e pei ona outou filifili e taʼu ai. Ia outou faamasino mo outou lava. Ua silafia e le Atua ia mea uma, pe lelei pe leaga. Ae e ui i lea, o le vai loloto o le mea lea ua masani ona ou aau ai. Ua avea ia mea uma ma uiga masani ia te aʼu; ma ua ou lagona, e pei o Paulo, e olioli i opuapuaga; ona ua laveaiina aʼu i fafo e le Atua o oʼu tamā mai nei puapuaga uma e oo mai i le aso nei, ma o le a ia laveaiina aʼu mai le taimi nei i luma; aua faauta, ma tagaʼi, o le a ou manumalo i oʼu fili uma, aua ua fetalai mai ai le Alii le Atua.

3 O lea, ia tuu atu i le au paia uma ia olioli, ma fiafia tele; aua o le aAtua o Isaraelu o lo latou Atua, ma o le a tuuina mai e ia se taui totogi faamasinotonu i luga o ulu o tagata uma ua faasauā ia te i latou.

4 O lenei foi, e moni ua faapea ona fetalai mai o le Alii: Ia tuu atu le galuega o loʼu amalumalu, ma galuega uma ua Ou tofia ia te outou, ia faia pea ma lē taofia; ma ia tuu atu lo outou efiliga, ma lo outou maelega, ma le onosai, ma a outou galuega ia toe faaluaina, ma o le a leai se ala e aveesea ai lo outou taui, ua fetalai mai ai le Alii o Au. Ma afai latou te isauaina outou, sa faapea foi ona latou sauaina perofeta ma tagata amiotonu o e na muamua ia te outou. Ua i ai se taui mo nei mea uma i le lagi.

5 O lenei foi, Ou te tuu atu ia te outou se upu e faatatau i le apapatisoga mo o outou tagata emaliliu.

6 E moni, ua faapea ona fetalai mai o le Alii ia te outou e faatatau i o outou tagata maliliu: A apapatiso soo se tasi o outou mo o outou tagata maliliu, ia tuu atu ia i ai se etusitalafaamaumau, ma ia tuu atu ia avea o ia o se molimau-vaai o a outou papatisoga; ia tuu atu ia te ia e faalogo ma ona taliga, ina ia mafai ona molimau o ia i le moni, ua fetalai mai ai le Alii;

7 Ina ia atusifaamaumauina i le lagi a outou faamaumauga uma; soo se mea tou te efaamauina i le lalolagi, e mafai ona faamauina i le lagi; soo se mea tou te tatalaina i le lalolagi, e mafai ona tatalaina i le lagi;

8 Aua ua lata ona Ou atoefuatai atu mea e tele i le lalolagi, e faatatau i le eperisitua, ua fetalai mai ai le Alii o Au.

9 O lenei foi, ia tuu atu ia faatulaga tatau atalafaamaumau uma, ina ia mafai ona tuu o i latou i potutusi faamaumau o loʼu malumalu paia, e taofi ai ia manatua mai lea tupulaga i lea tupulaga, ua fetalai mai ai le Alii o Au.

10 Ou te fia fai atu i le au paia uma, sa ou manao, ma le naunau tele lava, e tautala atu ia te i latou mai le pulelaa e faatatau i le mataupu o le papatisoga mo e ua maliliu, i le Sapati e sosoo ai. Ae talu ai ona ua lē i ai i laʼu pule le faia o lena mea, o le a ou tusia le afioga a le Alii e faatatau i lena mataupu, mai lea taimi i lea taimi, ma auina atu ia te outou i le meli, faapea foi ma le tele o isi mea.

11 Ou te faaiʼu nei laʼu tusi mo le taimi nei, ona ua leai se taimi tele; aua ua lamalama vaavaai le fili, ma e pei ona fetalai le Faaola, ua sau le aaloalii o le lalolagi lenei, ae ua leai se mea o ia te ia ia te aʼu.

12 Faauta, o laʼu tatalo i le Atua, ia faaolaina outou uma. Ma ou te saini aʼu lava o la outou auauna i le Alii, o le perofeta ma le atagatavāai O Le Ekalesia a Iesu Keriso o le Au Paia o Aso e Gata Ai.

Iosefa Samita.