Tusitusiga Paia
Mataupu Faavae ma Feagaiga 66
Mea e Sii mai
Tusi Atoa (PDF)
Vaefaamatalaga

Hide Footnotes

Autu

Vaega 66

Faaaliga na tuuina mai e ala mai ia Iosefa Samita le Perofeta, i Oreni, Ohaio, 25 Oketopa 1831 (History of the Church, 1:219–221). O le aso muamua lea o se konafesi taua. I le faatomuaga o lenei faaaliga, na tusia ai e le Perofeta e faapea, “O le talosaga a Viliamu E. McLellin, na ou ole atu ai i le Alii, ma maua mai ai le faaaliga lenei” (History of the Church, 1:220).

1–4, O le feagaiga tumau-faavavau o le atoatoa lea o le talalelei; 5–8, E tatau i toeaina ona talai, molimau atu, ma talatala ma tagata; 9–13, O le auauna atu ma le faamaoni faafaifeau e mautinoa ai se tofi o le ola faavavau.

1 Faauta, ua faapea ona fetalai mai o le Alii i laʼu auauna o Viliamu E. McLellin—Amuia oe, talu ai ona ua e liliu ese mai au amioletonu, ma ua e talia aʼu upumoni, ua fetalai mai ai le Alii lou Togiola, le Faaola o le lalolagi, po o le toatele lea o e e atalitonu i loʼu igoa.

2 E moni Ou te fai atu ia te oe, amuia oe i le talia o laʼu afeagaiga tumau-faavavau, le atoatoa lea o laʼu talalelei, ua auina atu i le fanauga a tagata, ina ia mafai ona latou maua o le eola ma avea ma e e mauaina mamalu o le a faaalia i aso e gata ai, e pei ona sa tusia e perofeta ma aposetolo i aso anamua.

3 E moni Ou te fai atu ia te oe, laʼu auauna o Viliamu, ua e mamā, ae ua lē mamā atoa; o le mea lea, ia e salamo, i mea na ua lē lelei i laʼu vaai, ua fetalai mai ai le Alii, ona o le a afaaali atu i latou e le Alii ia te oe.

4 Ma o lenei, e moni, o Aʼu, o le Alii, o le a Ou faailoa atu ia te oe mea Ou te manao i ai e faatatau ia te oe, po o loʼu loto e faatatau ia te oe.

5 Faauta, e moni Ou te fai atu ia te oe, o loʼu loto lenei, e tatau ona e afolafola atu laʼu talalelei mai lea laueleele i lea laueleele, ma mai lea aai i lea aai, ioe, i itulagi faataamilo na i mea e lei folafolaina ai.

6 Aua le tele ni aso e te nofo ai i le nofoaga lenei; aua e te alu atu nei i luga i le laueleele o Siona; ae o le tulaga e oo i ai le mafai ona e auina atu, auina atu; a lē o lea, aua le mafaufau i au meatotino.

7 aAlu i laueleele i sasaʼe, emolimau atu i nofoaga uma, i tagata uma ma i o latou sunako, ma talatala ma tagata.

8 Tuu atu i laʼu auauna o Samuel H. Samita e alu faatasi ma oe, ma aua le tuulafoaia o ia, ma tuu atu ia te ia au faatonuga; ma o ia o lē e faamaoni o le a afaamalosia i nofoaga uma; ma o Aʼu, o le Alii, o le a Ou alu faatasi ma oulua.

9 Faaee atu ou alima i luga o e e mamaʼi, ma o le a etoe maloloina i latou. Aua le foi mai seia auina atu oe e Aʼu, le Alii. Onosai i puapuaga. iOle atu, ma o le a e maua ai; tuʼituʼi atu, ma o le a tatala mai ia te oe.

10 Aua le saili e faalavelavea oe. Lafoaʼi i amioletonu uma. Aua le amulilua—o se faaosoosoga lea na faalavelavea ai oe.

11 aTausi i upu nei, ona ua moni ma faamaoni i latou; ma ia e faalauteleina lou tofi, ma uunai atu tagata e toatele i eSiona faatasi ma ipese o le olioli tumau-faavavau i luga o o latou ulu.

12 Ia atumau pea i nei mea e oo lava i le iuga, ma o le a e maua ai se epale o le ola faavavau i le lima taumatau o loʼu Tamā, o lē ua tumu i le alofa tunoa ma le upumoni.

13 E moni, ua faapea ona fetalai mai o le Alii lou aAtua, lou Togiola, o Iesu Keriso lava lea. Amene.