Tusitusiga Paia
Mataupu Faavae ma Feagaiga 85
Mea e Sii mai
Tusi Atoa (PDF)
Vaefaamatalaga

Hide Footnotes

Autu

Vaega 85

Faaaliga na tuuina mai e ala mai ia Iosefa Samita le Perofeta, i Katelani, Ohaio, 27 Novema 1832 (History of the Church, 1:298–299). O lenei vaega o se vaega na sii mai i se tusi a le Perofeta ia V. V. Phelps, o lē sa nofo i Initipene, Misuri. Sa tuuina atu e tali ai fesili e uiga ia i latou na o le Au Paia o e na sii atu i Siona ae o e sa lē mauaina o latou tofi e tusa ma le faatulagaga faatuina i le Ekalesia.

1–5, O tofi i Siona e maua e ala i le faapaiaga; 6–12, O Lē ua silisili ma le malosi o le a ia tuuina mai i le Au Paia lo latou tofi i Siona.

1 O Le tiute o le failautusi a le Alii, o lē ua tofia e ia, o le tausi o se talafaasolopito, ma se atalafaamaumau aoao o le ekalesia o mea uma e tutupu i Siona, ma i latou uma o e ua efaapaiaina mai meatotino, ma maua ni tofi mai le epikopo, e tusa ma tulafono;

2 Ma o latou olaga foi, o latou faatuatua, ma galuega; ma e uiga foi i tagata liliuese o e e liliuese ua uma ona maua o latou tofi.

3 Ua lē tusa ai ma le finagalo ma le poloaiga a le Atua, le tatau ai ia i latou o e lē mauaina o latou tofi e ala i le afaapaiaga, e tusa ai ma lana tulafono, lea ua tuuina mai e ia, ina ia mafai ona efaasefuluaʼiina e ia lona nuu, e saunia ai i latou auā le aso o le itauimasui ma le mu, ona tusia o latou igoa faatasi ma le nuu o le Atua.

4 Pe ia tausia foi lo latou gafa, pe tuu i se mea e mafai ona maua ai i soo se talafaamaumau po o le talafaasolopito o le ekalesia.

5 O le a lē i ai o latou igoa, po o igoa o o latou tamā, pe tusia igoa o a latou fanau i totonu o le atusi o le tulafono a le Atua, ua fetalai mai ai le Alii o Au.

6 Ioe, ua faapea ona fetalai mai o le leo itiiti ma le afilemu, lea e musumusu mai ma eati i mea uma, ma o le tele o taimi e faia ai oʼu ivi ia luluina aʼo faaali mai, ua fetalai mai:

7 Ma o le a oo mai foi o Aʼu, o le Alii le Atua, o le a Ou auina atu se ua silisili ma le malosi, ua umia le tootoo o le mana i lona lima, ua laʼei i le malamalama e fai ma ofu, o se o lona fofoga o le a fetalaia afioga, o afioga e faavavau; aʼo ona loto o le a avea o se vaipuna o le upumoni, e faatulaga tatau ai le maota o le Atua, ma fuafua i fasi fanua tofi o le au paia o e ua maua o latou igoa, ma igoa o o latou tamā, ma igoa o a latou fanau, ua tusia i le tusi o le tulafono a le Atua;

8 Aʼo le tagata lena, o lē na valaaulia e le Atua ma tofia, e tuu atu lona lima e faasagatonu le aʼatolaau a le Atua, o le a paʼū i le ufanafana o le oti, e pei o se laau e taia i le emo malamalama o le uila.

9 Ma o i latou uma o e e lē maua o latou igoa o tusia i le atusi faamanatu o le a latou lē maua se tofi i lena aso, ae o le a vavae ese i latou, ma o la latou vaega o le a tofi atu ia te i latou i totonu o e e lē talitonu, i le mea ua i ai le etagiaue ma le lilivau o nifo.

10 O nei mea ou te lē fai atu ai aʼu lava ia; o lea, e pei ona fetalai mai le Alii, o le a faapea foi ona faataunuuina e ia.

11 Ma o i latou o e o le Perisitua Maualuga, faapea foi ma le perisitua maualalo, po o tagata o le ekalesia, o e o o latou igoa e lē maua o tusia i totonu o le atusi o le tulafono, pe maua ua eliliuese, pe ua ivavae ese mai le ekalesia, o le a latou lē maua i lena aso se tofi i totonu o le au paia a le Silisili Ese;

12 O lea, o le a faia ia te i latou e pei ona faia i fanau a le faitaulaga, e pei ona tusia i le mataupu lua ma le fuaiupu onosefulu ma le tasi ma le onosefulu ma le lua o le Esera.