Tusitusiga Paia
Mataupu Faavae ma Feagaiga 5
Mea e Sii mai
Tusi Atoa (PDF)
Vaefaamatalaga

Hide Footnotes

Autu

Vaega 5

Faaaliga na tuuina mai e ala mai ia Iosefa Samita le Perofeta, i Haramoni, Penisilevania, Mati 1829, i le talosaga a Matini Harisi (History of the Church, 1:28–31).

1–10, O le a maua e le tupulaga lenei le afioga a le Alii e ala mai ia Iosefa Samita; 11–18, E toatolu molimau o le a molimau i le Tusi a Mamona; 19–20, O le a faamaonia le afioga a le Alii e pei ona faia i taimi ua mavae; 21–35, E mafai e Matini Harisi ona salamo ma avea ma se tasi o molimau.

1 Faauta, Ou te fai atu ia te oe, ona ua manao laʼu auauna o aMatini Harisi i se molimau mai loʼu lima, e faapea ua ia te oe, o laʼu auauna, o Iosefa Samita, Laitiiti, epapatusi na e molimau ma tautino atu na e maua mai ia te aʼu;

2 Ma o lenei, faauta, o le mea lenei ia e fai atu ia te ia—o ia o lē na fetalai mai ia te oe, na fai mai ia te oe: O Aʼu, o le Alii, o le Atua, ma na Ou tuu atu ia te oe, o laʼu auauna o Iosefa Samita, Laitiiti, nei mea, ma ua Ou poloaiina oe e tatau ona e tu o se amolimau o nei mea;

3 Ma sa Ou faia ia e ulu mai i se feagaiga faatasi ma aʼu, o le a e lē faaalia atu ia mea vagana ai ia i latou na o atagata o e na Ou poloaiina ai oe; ma ua leai sau epule i luga o ia mea vagana ai ua Ou tuu atu ia te oe.

4 Ma ua ia te oe se meaalofa e faaliliu ai papatusi; ma o le meaalofa muamua lenei Ou te faaee atu i ou luga; ma ua Ou poloaiina ia leai se isi meaalofa e tatau ona e manatu i ai seia oo ina faataunuuina loʼu faamoemoe i lenei mea; ona e leai se isi meaalofa Ou te tuu atu ia te oe seia maea.

5 E moni, Ou te fai atu ia te oe, o le a oo mai le ōi i e o nonofo i le lalolagi pe afai latou te a faalogo mai i aʼu upu;

6 Aua a mavae nei o le a afaauuina oe ma e alu atu ma avatu aʼu eupu i le fanauga a tagata.

7 Faauta, afai latou te lē atalitonu i aʼu upu, o le a latou lē talitonu ia te oe, laʼu auauna e, Iosefa, e tusa pe a na mafai ona e faaali atu ia te i latou mea uma ua Ou tuu atu ia te oe.

8 E, lenei tupulaga e a talitonu ma le eua maaa—ua mumū aʼe loʼu ita e faasaga ia te i latou.

9 Faauta, e moni Ou te fai atu ia te oe, na Ou afaasaosaoina mea na ua Ou faatuatua atu ia te oe, laʼu auauna, Iosefa, mo se faamoemoega poto ua ia te aʼu, ma o le a faailoa atu i tupulaga o lumanai;

10 Ae o le tupulaga lenei o le a latou maua laʼu upu e ala atu ia te oe;

11 Ma e faaopoopo i lau molimau, le amolimau a le toatolu o aʼu auauna, o e o le a Ou valaaulia ma faauuina, o e o le a Ou faaali atu i ai nei mea, ma o le a latou o atu ma aʼu upu e tuu atu e ala atu ia te oe.

12 Ioe, o le a latou iloa ma le mautinoa ua moni nei mea, ona o le a Ou tautinoina atu ia te i latou mai le lagi.

13 O le a Ou tuu atu ia te i latou le mana e mafai ai ona latou vaai ma tagatagai i nei mea e pei ona i ai;

14 Ma e aleai ni isi i totonu o lenei tupulaga e ese mai ai o le a Ou tuu atu i ai lenei mana, ia mauaina lenei molimau, i le amataga lenei o le fanae ma le oo mai o laʼu eekalesia i fafo na i le vao—ua manino e pei o le imasina, ma susulu e pei o le la, ma matautia e pei o se autau ua i ai ni tagavai.

15 Ma o le a Ou auina atu le mau a amolimau e toatolu e uiga i laʼu upu.

16 Faauta foi, ai se e atalitonu i aʼu upu, o i latou ia o le a Ou easiasi atu i ai ma le ifaaaliga a loʼu oAgaga; ma o le a ufanauina i latou ia te aʼu, i le vai lava ma le Agaga—

17 Ma e ao ina outou faatalitali pea laitiiti teisi, ona e lei afaauuina outou—

18 Ma o le a alu atu foi la latou molimau mo le atausalaina o lenei tupulaga pe afai latou te faamaaa o latou loto e faasaga ia te i latou;

19 Ona o le a alu atu se asasa faatuufua i totonu o e o nonofo i le lalolagi, ma o le a faaauau ona sasaa mai mai lea taimi i lea taimi, pe afai latou te lē esalamo, seia oo ina igaogao le lalolagi, ma ua susunu ese e ua nonofo ai ma faaumatia atoa i le susulu o loʼu oalu atu.

20 Faauta, Ou te tau atu ia te oe nei mea, e pei lava foi ona sa Ou atau atu i tagata e uiga i le faafanoga o Ierusalema; ma o le a faamaonia laʼu eʼupu i le taimi nei e pei lava ona sa faamaonia e oo mai i le taimi nei.

21 Ma o lenei Ou te poloai atu ia te oe, laʼu auauna Iosefa, ia e salamo ma savali sao atili i oʼu luma, ma ia e lē toe tuu atu i faatauanauga a tagata;

22 Ma ia e tumau i le atausiga o poloaiga ua Ou poloaiina ai oe; ma afai e te faia lenei mea, faauta Ou te tuu atu ia te oe le ola e faavavau, e tusa pe efasiotia oe.

23 Ma o lenei, Ou te toe tautala atu ia te oe, laʼu auauna Iosefa, e uiga i le atagata o lē ua manao i le molimau—

24 Faauta, Ou te fai atu ia te ia, ua ia faamaualugaina o ia lava ma ua lē lava ona ia faamaualalo o ia lava i oʼu luma; ae afai e ifo o ia i lalo i oʼu luma, ma faamaualalo o ia lava i le tatalo malosi ma le faatuatua, i le faamaoni o lona loto, ona Ou tuu atu lea ia te ia se avaaiga o mea ua manao o ia e vaai i ai.

25 Ma ona ia fai atu lea i tagata o lenei tupulaga: Faauta, ua Ou vaai i mea na faaali mai e le Alii ia Iosefa Samita, Laitiiti, ma ua Ou ailoa ma le mautinoa ua moni i latou, aua ua Ou vaai i ai, ona sa faaali mai i latou ia te aʼu i le mana o le Atua a e lē o le tagata.

26 Ma o Aʼu o le Alii Ou te poloai atu ia te ia, laʼu auauna lea o Matini Harisi, ia lē toe fai atu e ia ni isi upu ia te i latou e uiga i ia mea, vagana ai le fai atu o ia: Ua Ou vaai i ia mea, ma sa faaali mai i latou ia te aʼu i le mana o le Atua; ma o upu ia ia fai atu e ia.

27 Ae afai e faafiti e ia lenei mea o le a soli e ia le feagaiga na ia osifeagaiga muamua ai ma aʼu, faauta foi, o le a tausalaina o ia.

28 Ma o lenei, vagana ai ua faalotomaualalo e ia o ia lava ma tautau mai ia te aʼu mea sese na ia faia, ma osifeagaiga ma aʼu o le a ia tausia aʼu poloaiga, ma faaaoga le faatuatua mai ia te aʼu, faauta, Ou te fai atu ia te ia, o le a lē maua e ia ni vaaiga faapena, ona o le a Ou lē tuuina atu ia te ia ni vaaiga o mea ua Ou tautala atu ai.

29 Ma afai o le tulaga lea e i ai, Ou te poloai atu ia te oe, laʼu auauna Iosefa, ia e fai atu ia te ia, ia lē toe faia e ia se mea, pe toe faalavelave mai ia te aʼu e uiga i lenei mataupu.

30 Ma afai o le tulaga lea e i ai, faauta, Ou te fai atu ia te oe Iosefa, a uma ona e faaliliu o ni isi itulau itiiti, ona e taofi lea mo se vaitau, seia oo ina Ou toe poloaiina oe; ona mafai ai lea ona e toe faaliliu.

31 Ma vagana ai ua e faia lenei mea, faauta, o le a e lē toe mauaina se meaalofa, ma o le a Ou aveese mea na Ou faatuatua atu ia te oe.

32 Ma o lenei, ona ua Ou muai iloa le lamalamaga o faatalitali mai e faaumatia oe, ioe, ua Ou muai iloa afai e lē faalotomaualaloina e laʼu auauna o Matini Harisi o ia lava ma maua se molimau mai loʼu lima, o le a paʼū atu o ia i le solitulafono;

33 Ma e toatele o loo faapupuna faatalitali mai e afaaumatia ese oe mai luga o le lalolagi; ma o le pogai lenei, ina ia mafai ona faalevalevaina o ou aso, ua Ou tuu atu ai ia te oe nei poloaiga.

34 Ioe, o le pogai lenei na Ou fai atu ai: Ia taofi, ma tu lē gaoioi, seia Ou poloaiina oe, ma o le a Ou asaunia ala e mafai ai ona e faataunuu o le mea ua Ou poloaiina ai oe.

35 Ma afai e te afaamaoni i le tausiga o aʼu poloaiga, o le a esii aʼe oe i luga i le aso gataaga. Amene.