Tusitusiga Paia
Mataupu Faavae ma Feagaiga 64
Mea e Sii mai
Tusi Atoa (PDF)
Vaefaamatalaga

Hide Footnotes

Autu

Vaega 64

Faaaliga na tuuina mai e ala mai ia Iosefa Samita le Perofeta, i toeaina o le Ekalesia, i Katelani, Ohaio, 11 Setema 1831 (History of the Church, 1:211–214). Sa sauni le Perofeta e sii atu i Hairama, Ohaio, e faaauau ai lana galuega i le faaliliuga o le Tusi Paia, lea na faamatuu ese aʼo i ai o ia i Misuri. O se vaega o uso o e sa poloaiina ia malaga atu i Siona (Misuri) sa auai ma le malolosi i le faia o sauniuniga e malaga atu ia Oketopa. O le taimi pisi tele lea, na maua ai le faaaliga.

1–11, Ua poloaiina le Au Paia ia faamagalo le tasi i le isi, neʼi tumau ia te i latou le agasala e sili atu; 12–22, O e e lē salamo ia aumai i luma o le Ekalesia; 23–25, O ia o lē e totogi lana sefuluai o le a lē mu i le afio mai o le Alii; 26–32, Ua lapataia le Au Paia e faatatau i le aitalafu; 33–36, O e e fouvale o le a vavae ese i fafo mai Siona; 37–40, O le a faamasino e le Ekalesia atunuu; 41–43, O le a tupuolaola Siona.

1 Faauta, ua faapea ona fetalai mai o le Alii lo outou Atua ia te outou, e outou e toeaina o laʼu ekalesia, ia outou faafofoga ma faalogo mai, ma talia loʼu loto e faatatau ia te outou.

2 Aua e moni Ou te fai atu ia te outou, Ou te loto ia outou amanumalo i le lalolagi; o le mea lea o le a i ai loʼu eagaalofa i luga o outou.

3 E i ai ni isi o i latou o e o i totonu o outou ua agasala; ae e moni Ou te fai atu, i le taimi e tasi lenei, mo loʼu lava amamalu, ma mo le faaolataga o agaga, ua Ou efaamagaloina outou ia outou agasala.

4 O le a Ou alofa mutimutivale ia te outou, ona ua Ou tuu atu ia te outou le malo.

5 Ma o aki o mealilo o le malo, e ala i auala ua Ou tofia, o le a lē aveesea mai laʼu auauna o Iosefa Samita, Laitiiti, aʼo soifua o ia, fuafuaina i le tulaga e oo i ai lana usiusitai i aʼu esauniga.

6 Ua i ai ni isi o i latou o e ua latou saili ni mea e faasaga ia te ia e aunoa ma se pogai;

7 E ui i lea, sa agasala o ia; ae e moni Ou te fai atu ia te outou, o Aʼu, o le Alii, Ou te afaamagaloina agasala a i latou o e e etaʼutaʼu mai a latou agasala i oʼu luma ma ole mai mo se faamagaloga, o e ia e lei agasala i le ioti.

8 O oʼu soo, i aso anamua, sa latou saili ni amea e faasaga i le tasi ma lē faamagalo i le isi i o latou loto; ma o lenei mea leaga na faapuapuagatia ma eaoai mamafa tele ai i latou.

9 O le mea lea, Ou te fai atu ai ia te outou, e tatau ona outou afaamagalo i le tasi; ona o ia o lē e lē efaamagalo atu i lona uso i ana agasala, e tu taʼusalaina o ia i luma o le Alii; aua e tumau ia te ia le agasala tele atu.

10 O Aʼu, o le Alii, Ou te afaamagalo i lē o le a Ou faamagaloina, ae o outou ua poloaiina ia efaamagalo atu i tagata uma.

11 Ma e tatau ona outou fai ifo i o outou loto—ia tuu i le Atua e afaamasino i le va o aʼu ma oe, ma taui ia te oe e tusa ma au egaluega.

12 Ma o ia o lē e lē salamo i ana agasala, ma lē taʼutaʼu atu i latou, ia outou aumai i luma o le aekalesia, ma fai ia te ia e pei ona fai mai tusitusiga paia ia te outou, pe ala i le poloaiga po o i le faaaliga.

13 Ma ia outou faia lenei mea ina ia faamamaluina ai le Atua—e lē ona ua outou lē faamagalo atu, ona ua leai so outou agaalofa, ae ina ia mafai ona taʼuamiotonu ai outou i mata o le tulafono, ina ia outou lē faatausuai ai ia te ia o lē o lo outou faitulafono—

14 E moni Ou te fai atu, o le pogai lenei ia outou faia ai ia mea.

15 Faauta, o Aʼu, o le Alii, sa Ou ita ia te ia o lē sa avea ma aʼu auauna, o Ezra Booth, ma laʼu auauna foi o Isaako Morley, ona sa laua lē tausia le tulafono, po o le poloaiga;

16 Sa laua saili le leaga i o laua loto, ma o Aʼu, o le Alii, na taofia loʼu Agaga. Sa laua ataʼu ua leaga lena mea sa leai se leaga na i ai; e ui i lea, ua Ou faamagaloina laʼu auauna o Isaako Morley.

17 Ma o laʼu auauna foi o aEteuati Paterika, faauta, ua agasala o ia, ma ua saili eSatani e faaumatia lona agaga; ae a faailoa atu nei mea ia te i latou, ma latou salamo ai i le leaga, o le a faamagaloina i latou.

18 Ma o lenei, e moni Ou te fai atu ua tatau ai ia te aʼu ona toe foi atu o laʼu auauna o Sini Gilbert, pe a mavae ni nai vaiaso, i lana pisinisi, ma i lona tofi o le sui i le laueleele o Siona;

19 Ma o mea na na vaai ma faalogo i ai o ia e mafai ona faailoa atu i oʼu soo, ina ia lē fano i latou. Ma o le pogai lenei ua Ou tautala atu ai i nei mea.

20 O lenei foi, Ou te fai atu ia te outou, ina ia lē afaaosoosoina laʼu auauna o Isaako Morley e sili atu i luga o le mea e mafai ona ia gafatia, ma fautua sese atu ai i mea tou te tiga ai, na Ou tuu atu ai le poloaiga e tatau ona faatau atu lana faatoaga.

21 Ou te lē loto ia faatau atu e laʼu auauna o Feterika G. Viliamu lana faatoaga, ona o Aʼu, o le Alii, Ou te loto ia i ai pea se taofiga malosi i le laueleele o Katelani, mo le va o le lima tausaga, lea o le a Ou lē faatoilaloina ai e ua amioleaga, ina ia mafai ona Ou faaolaina ai ni isi.

22 Ma a mavae lena aso, o Aʼu, o le Alii, o le a lē ataʼusalaina soo se tasi e alu atu ma le loto matala i luga i le laueleele o Siona; ona o Aʼu, o le Alii, Ou te manaomia eloto o le fanauga a tagata.

23 Faauta, ua taʼua nei o le aasō seia oo i le eafio mai o le Atalii o le Tagata, ma e moni o se aso o le itaulaga, ma o se aso mo le totogiina o le sefuluai e loʼu nuu; ona o ia o lē ua totogi le osefuluai o le a lē umu i lona afio mai.

24 Aua a mavae le aso o le a oo mai le amu—o le tautala lea e tusa ma le ala a le Alii—aua e moni Ou te fai atu, o taeao, o le a faapei o tagutugutu o saito e uma ua efaamaualuluga ma i latou o e ua fai amioleaga; ma o le a Ou susunuina i latou, aua o Aʼu o le Alii o Au; ma o le a Ou lē faasaoina soo se tasi e tumau i iPapelonia.

25 O le mea lea, afai tou te talitonu mai ia te Aʼu, o le a outou galulue manū o taʼua o le asō.

26 Ma ua lē o se mea tatau i aʼu auauna, o aNewel K. Whitney ma Sini Gilbert, ona faatau atu lo laʼua efaleoloa ma a laʼua mea ua maua, iinei; ona ua lē poto lena mea seia o atu i luga i le laueleele o Siona e o totoe o le ekalesia, o loo tumau pea i le nofoaga lenei.

27 Faauta, ua fai mai i aʼu tulafono, pe ua faasaina, le aʼaitalafu i o outou fili;

28 Ae faauta, ua lē o fai mai i soo se taimi, e lē tatau i le Alii ona ia ave pe a ia finagalo i ai, ma totogi atu e pei ona lelei ia te ia.

29 O le mea lea, ona o oulua o sui, ua oulua o atu i le feau a le Alii; ma o soo se mea lua te faia e tusa ma le finagalo o le Alii o le pisinisi lea a le Alii.

30 Ma ua ia faatutuina oulua e saunia mea mo lana au paia i aso nei e gata ai, ina ia mafai ona latou maua se atofi i le laueleele o Siona.

31 Ma faauta, o Aʼu, o le Alii, Ou te tautino atu ia te oulua, ma o aʼu aupu e mautinoa ma e lē eiʼuvale, o le a latou maua lava.

32 Peitai o le a oo mai mea uma i lo latou taimi.

33 O le mea lea, aua le afaavaivai i le faia o mea lelei, ona o lo o oulua faataatiaina le faavae o se galuega tele. Ma o emea iti e tutupu mai ai mea tetele.

34 Faauta, e amanaomia e le Alii le eloto ma le mafaufau malie; ma o e e loto malilie ma iusiusitai o le a ʼaia le lelei o le laueleele o Siona i aso nei e gata ai.

35 Ma o e e afouvale o le a evavae ese i fafo mai le laueleele o Siona, ma o le a auina ese atu, ma o le a lē mautofi i le laueleele.

36 Aua, e moni Ou te fai atu o e e fouvale ua lē mai le toto o aEfaraima, o le mea lea o le a tau ese ai i latou i fafo.

37 Faauta, o Aʼu, o le Alii, ua Ou faia laʼu ekalesia i aso nei e gata ai e faapei o se faamasino o loo nofo i luga o se mauga, po o i se nofoaga maualuga, e faamasino atunuu.

38 Aua o le a oo mai o le a afaamasinoina mea uma e faatatau ia Siona e e nonofo i Siona.

39 Ma o e e pepelo ma faatagālelei o le a faamaonia e i latou, ma o i latou o e e lē o ni aaposetolo ma perofeta o le a iloa.

40 Ma e oo i le aepikopo, o lē o se efaamasino, ma ona fesoasoani, afai latou te lē faamaoni ia latou imatafaioi o le a tausalaina, ma o le a tuu oisi i o latou tulaga.

41 Aua, faauta, Ou te fai atu ia te outou o le a tupu olaola aSiona, ma o le a i ona luga le emamalu o le Alii;

42 Ma o le a avea o ia o se atagavai i le nuu, ma o le a o mai i fafo ia te ia tagata mai atunuu uma o i lalo o le lagi.

43 Ma e oo mai le aso o le a agatete ai atunuu uma o le lalolagi ona o ia, ma o le a matataʼu ona o ona tagata matautia. Ua fetalai mai ai le Alii. Amene.