Tusitusiga Paia
Mataupu Faavae ma Feagaiga 106
Mea e Sii mai
Tusi Atoa (PDF)
Vaefaamatalaga

Hide Footnotes

Autu

Vaega 106

Faaaliga na tuuina mai e ala mai ia Iosefa Samita le Perofeta, i Katelani, Ohaio, 25 Novema 1834 (History of the Church, 2:170–171). O lenei faaaliga ua tuuina mai ia Warren A. Kaotui, o se uso matua o Oliva Kaotui.

1–3, Ua valaaulia Warren A. Kaotui e avea o se taitai pulefaamalumalu i le alaalafaga; 4–5, O le a lē faateʼia e le Afio Mai Faalua fanau o le malamalama e pei o se gaoi; 6–8, E mulimuli mai faamanuiaga tetele i e galulue faamaoni i le Ekalesia.

1 O Loʼu loto ia tatau ona tofia ma faauuina laʼu auauna o Warren A. Kaotui o se faitaulaga sili pulefaamalumalu i laʼu ekalesia, i le laueleele o aSaolotoga ma itulagi faataamilo ai;

2 Ma e tatau ona talai atu laʼu talalelei tumau-faavavau, ma siʼi atu lona leo ma lapatai atu i tagata, e lē gata i lona lava nuu, ae i itumalo faataamilo ai;

3 Ma ia tuu atu lona taimi atoa i lenei valaauga maualuga ma paia, ua Ou tuu atu nei ia te ia, e asaili ma le filiga i le emalo o le lagi ma lona amiotonu, ma o mea uma e tatau ai o le a faaopoopo i ai; ona e agavaa i e galue i lona totogi.

4 O lenei foi, e moni Ou te fai atu ia te outou, ua alatalata mai le eafio mai o le Alii, ma o le a faateʼia ai le lalolagi e pei o ise gaoi i le po—

5 O lea, ia fusi i o outou sulugatiti, ina ia mafai ona avea o outou ma fanau o le amalamalama, ma o le a lē efaateʼia outou e lena aso e pei o se gaoi.

6 O lenei foi, e moni Ou te fai atu ia te outou, sa i ai le olioli i le lagi ina ua ifo mai laʼu auauna o Warren i loʼu tootoo, ma vavae ese o ia lava mai faiva o tagata;

7 O lea, amuia lava laʼu auauna o Warren, ona o le a Ou alofa mutimutivale ia te ia; ma, e ui i le afiafaalialia o lona loto, o le a Ou sii o ia i luga, e fuafuaina i le tulaga e oo i ai le faamaualalo e ia o ia lava i oʼu luma.

8 Ma o le a Ou tuu atu ia te ia le aalofa tunoa ma le faamautinoaga e mafai ona tu ai o ia; ma afai e tumau pea o ia o se molimau faamaoni ma se malamalama i le ekalesia, ua Ou saunia se pale mo ia i emaota o loʼu Tamā. E faapea lava. Amene.