Tusitusiga Paia
Mataupu Faavae ma Feagaiga 61
Mea e Sii mai
Tusi Atoa (PDF)
Vaefaamatalaga

Hide Footnotes

Autu

Vaega 61

Faaaliga na tuuina mai e ala mai ia Iosefa Samita le Perofeta, i luga o le auvai o le Vaitafe o Misuri, i le Afega o Mekuina, 12 Aokuso 1831 (History of the Church, 1:202–205). I la latou malaga foi atu i Katelani, na malaga ai i lalo i paopao i le Vaitafe o Misuri le Perofeta ma toeaina e toasefulu. I le aso lona tolu o le malaga, e tele mea lamatia-ola na oo mai. Sa vaaia e Elder Viliamu V. Phelps se faaaliga vaaia i le ao teatea le faaumatia-mea o tietie i le mana i luga o fogāvai.

1–12, Ua faatutu e le Alii faafanoga e tele i luga o vai; 13–22, Ua fetuu e Ioane vai, ma ua tietie ai i luga o vai le faaleaga-mea; 23–29, Ua i ai i ni isi le mana e faatonu ai vai; 30–35, Ia malaga atu taitoalua toeaina ma talai atu le talalelei; 36–39, Ia latou saunia mo le afio mai o le Atalii o le Tagata.

1 Faauta, ma faalogo mai i le leo o ia o lē ua i ai le amana uma, o lē ua mai le faavavau-tumau i le faavavau-tumau, o le eAlefa ma le Omeka lava, o le amataga ma le gataaga.

2 Faauta, e moni ua faapea ona fetalai mai o le Alii ia te outou, o toeaina e o laʼu ekalesia, o e ua potopoto i luga o lenei laufanua, o e o a latou agasala ua faamagaloina nei, ona o Aʼu, o le Alii, e afaamagaloina agasala, ma ua Ou ealofa mutimutivale ia te i latou o e e itaʼutaʼu mai a latou agasala ma loto maualalalo;

3 Peitai e moni Ou te fai atu ia te outou, ua lē manaomia ona o atu faavavevave le vaega atoa lenei o aʼu toeaina i luga o vai, ae o loo fano i le lē talitonu tagata o loo nonofo ai i le isi itu ma le isi itu.

4 E ui i lea, na Ou tuuina atu ina ia mafai ona outou molimauina; faauta, e tele mea lamatia-ola o loo i ai i luga o vai, ma aemaise lava pe a mavae le taimi nei;

5 Aua o Aʼu, o le Alii, ua Ou faatonuina i loʼu ita faafanoga e tele i luga o vai; ioe, ma aemaise lava i luga o vai nei.

6 E ui i lea, ua i ai tagata uma i loʼu lima, ma o lē o i totonu o outou ua faamaoni o le a lē fano i vai.

7 O le mea lea, ua tatau ai lava i laʼu auauna o Sini Gilbert ma laʼu auauna o aViliamu V. Phelps ona faavave atu i la laua feʼau ma le misiona.

8 E ui i lea, Ou te lē tuuina atu ia outou taapeape seia aaoaiina outou ona o a outou agasala uma, ina ia tasi outou, ina ia outou lē fano i le eamioleaga;

9 Ae o nei, e moni Ou te fai atu, ua tatau ai ia te aʼu ona outou taapeape. O lea ia tuu atu i aʼu auauna o Sini Gilbert ma Viliamu V. Phelps e ave la laua aumalaga muamua, ma tuu atu ia te i latou e alu faavave la latou malaga ina ia mafai ona latou faataunuu la latou misiona, ma o le a latou manumalo e ala i le faatuatua;

10 Ma o le tulaga e oo i ai le latou faamaoni o le a faasaoina i latou, ma o Aʼu, o le Alii, o le a faatasi ma i latou.

11 Ma ia tuu atu i toeaina e totoe latou te ave mea e manaomia mo lavalava.

12 Ia tuu atu i laʼu auauna o Sini Gilbert na te ave faatasi ma ia mea e lē manaomia, e pei ona o le a outou malilie i ai.

13 Ma o lenei, faauta, e mo lo outou alelei na Ou tuu atu ai ia te outou se epoloaiga e faatatau i nei mea; ma o Aʼu, o le Alii, o le a talatala faatasi ma outou e pei ona sa faia ma tagata i aso anamua.

14 Faauta, o Aʼu, o le Alii, na faamanuiaina avai i le amataga; ae i aso e gata ai, ua Ou efetuu ai vai, e ala i le fofoga o laʼu auauna o Ioane.

15 O le mea lea, e oo mai aso o le a lē saogalemu ai se tasi i luga o vai.

16 Ma o le a fai ane faapea i aso e oo mai, e leai se tasi e mafai ona alu aʼe i luga i le laueleele o Siona i luga o vai, nao ia o lē ua saʼo i le loto.

17 Ma, e pei ona afetuu, e Aʼu, o le Alii, le laueleele i le amataga, ua faapea foi ona Ou faamanuiaina i aso e gata ai, i lona taimi, mo le faaaogaina e laʼu au paia, ina ia latou aai i lona lololo.

18 Ma o lenei Ou te tuu atu ia te outou se poloaiga, o mea Ou te fai atu ai i le toatasi Ou te fai atu ai i tagata uma, ia outou muai lapataia o outou uso e faatatau i vai nei, ina ia latou lē malaga mai ai i luga o nei vai, neʼi vaivai lo latou faatuatua ma maua ai i latou i mailei;

19 O Aʼu, o le Alii, ua Ou poloaia, ma ua tietie le faaleaga-mea i luga o vai, ma Ou te lē aveesea le poloaiga.

20 O Aʼu, o le Alii, sa Ou ita ia te outou ananafi, ae o le asō ua liliuese loʼu ita.

21 O le mea lea, ia tuu atu ia te i latou o e na Ou tautala atu ai, e tatau ona alu faavave la latou malaga—Ou te toe fai atu ia te outou, ia tuu atu ia te i latou e alu faavave la latou malaga.

22 Ma e lē afaina ia te aʼu, pe a mavae se taimi itiiti, pe afai latou te faataunuu la latou misiona, pe latou te malaga atu i le vai po o le laueleele; ia tuu lenei mea ia faia e pei ona faailoa atu ia te i latou e tusa ma a latou filifiliga pe a mavae le taimi nei.

23 Ma o lenei, e faatatau i aʼu auauna, o Sini Rikitone, Iosefa Samita, Laitiiti, ma Oliva Kaotui, ia tuu atu ia te i latou ia aua neʼi toe o mai i luga o vai, vagana i luga o le alavaa vaiti, aʼo malaga atu i o latou aiga; po o i ni isi upu, aua neʼi o latou o mai i luga o vai e malaga atu ai, vagana ai i luga o le alavaa vaiti.

24 Faauta, o Aʼu, o le Alii, ua ʼOu tofia se ala mo le malaga a laʼu au paia; ma faauta, o le ala lenei—a mavae ona latou tuua le alavaa vaiti, ia latou malaga e ala atu i le laueleele, talu ai ona ua poloaiina i latou e malaga atu ma o atu i luga i le laueleele o Siona;

25 Ma ia latou faia e pei ona sa faia e le fanauga a Isaraelu, e afaatutu o latou faleie i tafatafa o le ala.

26 Ma, faauta, o lenei poloaiga ia outou tuu atu i o outou uso uma.

27 E ui i lea, o lē ua tuu atu i ai le amana e faatonu ai vai, ua tuu atu ia te ia e le Agaga ia iloa e ia ona ala uma;

28 O le mea lea, ia tuu atu ia te ia e fai e pei ona poloaiina ai o ia e le Agaga o le Atua soifua, pe i luga o le laueleele po o luga o vai, e pei ona tumau ai pea ia te aʼu e fai pe a mavae atu nei.

29 Ma ua tuu atu ia te outou le ala mo le au paia, po o le ala mo le au paia o le tolauapiga a le Alii, e malaga ai.

30 O lenei foi, e moni Ou te fai atu ia te outou, aʼu auauna o Sini Rikitone, Iosefa Samita, Laitiiti, ma Oliva Kaotui, ia aua le tatalaina o latou fofoga i faapotopotoga a e amioleaga seia latou taunuu i Sinasinati;

31 Ma i le nofoaga lena, ia sii i luga o latou leo i le Atua e faasaga i lena nuu, ioe, ia te Ia o lē o lona toasa ua mumū e faasaga i lo latou amioleaga, o ni tagata o e ua lata ona amatua mo le faafanoga.

32 Ma mai iina, ia tuu atu ia te i latou e malaga atu i faapotopotoga a o latou uso, ona ua manaomia tele atu i le taimi nei lava a latou galuega i totonu o i latou, nai lo totonu o faapotopotoga a e amioleaga.

33 Ma o lenei, e faatatau i toeaina o totoe, ia tuu atu ia te i latou e malaga atu ma atalai atu le afioga i totonu o faapotopotoga a e amioleaga, e pei ona tuuina mai ai;

34 Ma o le tulaga e oo i ai le latou faia o lenei mea o le a latou atafi ai o latou ofu, ma o le a latou lē pona ai i oʼu luma.

35 Ma ia tuu atu ia te i latou e malaga faatasi, pe ataitoalua, e pei ona lelei ia te i latou, tau ina tuu atu i laʼu auauna o Reynolds Cahoon, ma laʼu auauna o Samuel H. Samita, o e ua Ou fiafia tele i ai, ia aua neʼi o eseese seia toe foi atu i o laua aiga, ma o lenei mea ua mo se faamoemoega poto ua ia te aʼu.

36 Ma o lenei, e moni Ou te fai atu ia te outou, ma o le mea Ou te fai atu ai i le toatasi ua Ou fai atu ai i tagata uma, ia fiafia, le fanau aiti e; ona ua Ou i ai i lo outou elotolotoi, ma Ou te lei ituulafoaia outou;

37 Ma talu ai ona ua outou faamaualaloina outou lava i oʼu luma, ua a outou faamanuiaga o le amalo.

38 Fusi i o outou sulugatiti ma amataala ma faamamalu, ma tulimatai i luma mo le afio mai o le Atalii o le Tagata, ona e afio mai o ia i le itula tou te lē manatu i ai.

39 aTatalo e lē aunoa ina ia outou lē ulu atu i efaaosoosoga, ina ia mafai ona outou gafatia le aso o lona afio mai, pe i le ola po o le oti. E faapea lava. Amene.