Tusitusiga Paia
Mataupu Faavae ma Feagaiga 31
Mea e Sii mai
Tusi Atoa (PDF)
Vaefaamatalaga

Hide Footnotes

Autu

Vaega 31

Faaaliga na tuuina mai e ala mai ia Iosefa Samita le Perofeta, ia Thomas B. Marsh, Setema 1830 (History of the Church, 1:115–117). O le taimi lea faatoa mavae atu ai lava se konafesi a le Ekalesia (tagai i le ulutala o le vaega 30). Sa uma ona papatisoina o Thomas B. Marsh i le amataga o le masina ma sa faauuina o se toeaina i le Ekalesia ae lei tuuina mai le faaaliga lenei.

1–6, Ua valaaulia Thomas B. Marsh e talai atu le talalelei ma ua tautino mai ia te ia le manuia o lona aiga; 7–13, Ua fautuaina o ia ia onosai, tatalo e lē aunoa, ma mulimuli i le Faamafanafana.

1 aTomasi, loʼu atalii e, amuia oe ona o lou faatuatua i laʼu galuega.

2 Faauta, e tele puapuaga ua oo ia te oe ona o lou aiga; e ui i lea, o le a Ou faamanuiaina oe ma lou aiga, ioe, au fanau laiti; ma e oo mai le aso o le a latou talitonu ma iloa ai le upumoni ma tasi faatasi ai ma oe i laʼu ekalesia.

3 Ia fiafia lou loto ma olioli, ona ua oo mai le itula o lau misiona; ma o le a tatala lou laulaufaiva, ma ia e folafola atu atala fiafia o le olioli tele i lenei tupulaga.

4 Ia e afolafola atu mea ua faaali atu i laʼu auauna, o Iosefa Samita, Laitiiti. Ia amata ona e talai atu mai le taimi nei i luma, ioe, e selesele i le fanua ua epaʼe ua saunia e susunuina.

5 O lea, asasau atu lau selesaito ma lou agaga atoa, ma ua efaamagaloina oe i au agasala, ma o le a faafafa ia te oe ifusisaito e tele i luga o lou tua, ona e agavaa o e galue mo lona totogi. O le mea lea, o le a ola lou aiga.

6 Faauta, e moni Ou te fai atu ia te oe, alu ese mai ia te i latou mo nao se taimi itiiti, ma folafola atu laʼu upu, ma o le a Ou saunia se nofoaga mo i latou.

7 Ioe, o le a Ou atatalaina loto o tagata, ma o le a latou talia oe. Ma o le a Ou faatuina se aulotu e ala i lou lima;

8 Ma ia e afaamalosia i latou ma saunia i latou aua le taimi o le a faapotopotoina ai i latou.

9 aOnosai i epuapuaga, aua le faifai atu ia te i latou o e e faifai mai. Ia pulea lou iaiga i le agamalu, ma ia tumau.

10 Faauta, Ou te fai atu ia te oe, ia avea oe ma fofo i le ekalesia, ae lē o le lalolagi, ona o le a latou lē talia oe.

11 Alu i lou ala i soo se mea Ou te loto i ai, ma o le a tuu atu ia te oe e le aFaamafanafana le mea e te faia ma le mea e te alu i ai.

12 aTatalo e lē aunoa, neʼi e ulu atu i efaaosoosoga ma toesea ai lou taui.

13 Ia afaamaoni e oo i le iuga, ma faauta, ua Ou efaatasi ma oe. O nei upu ua lē a se tagata pe a ni tagata, ae ua a aʼu, o Iesu Keriso lava, lou Togiola, e ala i le ifinagalo o le Tamā. Amene.