Tusitusiga Paia
Mataupu Faavae ma Feagaiga 125
Mea e Sii mai
Tusi Atoa (PDF)
Vaefaamatalaga

Hide Footnotes

Autu

Vaega 125

Faaaliga na tuuina mai e ala mai ia Iosefa Samita le Perofeta, i Navu, Ilinoi, Mati 1841, e faatatau i le Au Paia i le teritori o Aioua (History of the Church, 4:311–312).

1–4, Ia fausia e le Au Paia aai ma ia faapotopoto i siteki o Siona.

1 O le a le finagalo o le Alii e faatatau i le au paia i le Teritori o Aioua?

2 E moni, ua faapea ona fetalai mai o le Alii, Ou te fai atu ia te outou, afai e fia faia e i latou o e ua ataʼua i latou e i latou lava i loʼu igoa ma o loo taumafai e avea ma aʼu au paia, afai latou te fia faia loʼu loto ma tausi i aʼu poloaiga e faatatau ia te i latou, ia tuu atu ia te i latou e faapotopoto faatasi i latou lava i nofoaga o le a Ou tofia mo i latou e ala atu i laʼu auauna o Iosefa, ma ati aʼe aai i loʼu igoa, ina ia latou saunia mo mea ua faapolopoloina mo se taimi o le a oo mai.

3 Ia tuu atu ia te i latou e fausia se aai i loʼu igoa i luga o le laueleele fesagaʼi ma le aai o Navu, ma ia tuu atu le igoa o aSaraʼemila e faaigoa ai.

4 Ma ia tuu atu ia i latou uma o e e o mai mai sasaʼe, ma sisifo, ma matu, ma saute, o e e mananao e nonofo ai i totonu, e ave o latou tofi i lena lava aai, faapea foi i le aai o aNasavila, po o i le aai o Navu, ma i esiteki uma ua Ou tofia, ua fetalai mai ai le Alii.