Tusitusiga Paia
Mataupu Faavae ma Feagaiga 104
Mea e Sii mai
Tusi Atoa (PDF)
Vaefaamatalaga

Hide Footnotes

Autu

Vaega 104

Faaaliga na tuuina mai ia Iosefa Samita le Perofeta, 23 Aperila 1834, e uiga i le faatulagaga autasi, po o le faatulagaga a le Ekalesia mo le manuia o e matitiva (History of the Church, 2:54–60). O le mea na faia o se fonotaga a le aufono a le Au Peresitene Sili ma isi faitaulaga sili, sa talanoaina ai ni manaoga faavavevave o tagata o le Ekalesia. Sa faia se tonu ia soloia mo se vaitaimi le faatulagaga autasi i Katelani ma toe faatulaga, ma o meatotino sa avea ma mea-tausi ia vaevaeina i tagata o le faatulagaga.

1–10, O le Au Paia o e e solitulafono i le faatulagaga autasi o le a fetuuina; 11–16, O le a saunia e le Alii mea mo lana Au Paia i lana lava ala; 17–18, O le tulafono o le Talalelei e pulea ai le tausiga o e matitiva; 19–46, Ua faailoa mai mea-tausi ma faamanuiaga o uso eseese; 47–53, O le faatulagaga autasi i Katelani ma le faatulagaga i Siona ia faia eseese; 54–66, Ua faatu le faleteuoloa paia o le Alii mo le lomiga o tusitusiga paia; 67–77, O le faleteuoloa aoao o le faatulagaga autasi ia faia i luga o le faavae o le finagalo autasi; 78–86, O i latou o i le faatulagaga autasi ia totogi uma a latou aitalafu, ma o le a laveaiina i latou e le Alii mai le pologa i mea tau tupe.

1 E Moni Ou te fai atu ia te outou, aʼu uo e, Ou te tuu atu ia te outou le fautuaga, ma se poloaiga, e uiga i meatotino uma a le faatulagaga na Ou poloaiina ia faatulaga ma faatuina, e avea o se afaatulagaga autasi, ma o se faatulagaga tumau-faavavau mo le manuia o laʼu ekalesia, ma mo le faaolataga o tagata seia Ou alu atu—

2 Faatasi ma se folafolaga lē motusia ma lē masuia, e faapea, o le tulaga na oo i ai le faamaoni o i latou o e na Ou poloaiina o le a faamanuiaina ai i latou i faamanuiaga e tele;

3 Ae o le tulaga na oo i ai le latou lē faamaoni sa toetoe a fetuuina ai i latou.

4 O lea, o le tulaga na oo i ai le lē tausia e ni isi o aʼu auauna le poloaiga, ae ua latou solia le feagaiga e ala i le amatapeʼapeʼa, ma upu faatagāfai, ua Ou fetuu ai i latou i se fetuu tiga tele ma mamafa.

5 Aua o Aʼu, o le Alii, ua folafola i loʼu loto, e faapea, o le tulaga e oo i ai le maua o soo se tagata e auai i le faatulagaga o se solitulafono, pe, i ni isi upu, ua soli e ia le feagaiga ua fusia ai outou, o le a fetuuina o ia i lona olaga, ma o le a soli i lalo e e Ou te loto i ai;

6 Aua o Aʼu, o le Alii, ia lē aulagia i nei mea—

7 Ma o lenei mea atoa ina ia lē tausalaina e ua mamā i totonu o outou faatasi ma e amioletonu; ma ina ia lē sao e ua sala o i totonu o outou; aua o Aʼu, o le Alii, na folafola atu ia te outou se apale o le mamalu i loʼu lima taumatau.

8 O lea, o le tulaga e oo i ai le mauaina o outou o ni solitulafono, e lē mafai ona outou sao mai loʼu ita i o outou olaga.

9 O le tulaga e oo i ai le avavae eseina o outou ona o le solitulafono, e lē mafai ona outou sao i etuʼiga a iSatani seia oo i le aso o le togiolaina.

10 Ma Ou te tuu atu nei ia te outou le mana mai lenei lava itula, e faapea afai e i ai se tagata, o le faatulagaga, i totonu o outou, e maua o se solitulafono ma ua lē salamo i le leaga, ia outou tuu atu o ia i tuʼiga a Satani; ma o le a lē maua e ia le mana e aʼaumai ai le leaga i luga o outou.

11 O le poto lea ua ia te aʼu; o lea, Ou te tuu atu ia te outou se poloaiga, ia outou faatulaga outou lava ma tofi i tagata taitoatasi lana amea-tausi;

12 Ina ia mafai e tagata taitoatasi ona tuu mai ia te aʼu se tala o le mea-tausi ua tofi atu ia te ia.

13 Aua e tatau ia te Aʼu, o le Alii, ona faia tagata taitoatasi ia atali, o se etausimea i luga o faamanuiaga faaletino, ua Ou faia ma saunia mo aʼu meaola.

14 O Aʼu, o le Alii, na tosoina le lagi, ma afausia le lalolagi, o aʼu egaluega-taulima lava; o mea uma ua i ai i totonu e a aʼu ia.

15 Ma o loʼu faamoemoe o le faia lea o mea mo laʼu au paia, aua o mea uma e a aʼu.

16 Peitai e tatau ona faia i laʼu lava aala; ma faauta o le ala lenei ua folafola e Aʼu, o le Alii, e faia ai mea mo laʼu au paia, e faaea ai ee matitiva, i le faamaulaloina o e mauʼoa.

17 Aua ua tumu le alalolagi, ma ua lava ma totoe mea o i ai; ioe, na Ou saunia mea uma, ma ua tuu atu i le fanauga a tagata ia avea ma epule ia te i latou lava.

18 O lea, afai e ave e se tagata se mea mai le atele o mea ua Ou faia, ma lē tuu atu lana vaega, i e ematitiva ma e ua lē tagolima, e tusa ma le itulafono o laʼu talalelei, o le a sii aʼe e ia ona mata faatasi ma e amioleaga i oseoli, ua maua i le mafatia.

19 Ma o lenei, e moni Ou te fai atu ia te outou, e faatatau i meatotino a le afaatulagaga

20 Ia tuu atu i laʼu auauna o Sini Rikitone ia tofi atu ia te ia le nofoaga o loo nofo ai nei o ia, ma le fasi fanua o le fale ta paʼu manu, mo ana mea-tausi, mo lona tausiga aʼo galue o ia i loʼu tovine, e pei lava ona Ou loto i ai, pe a Ou poloaiina o ia.

21 Ma ia faia mea uma e tusa ai ma le fautuaga a le faatulagaga, ma le maliega aufaatasi po o le leo o le faatulagaga, o loo nonofo i le laueleele o Katelani.

22 Ma o lenei mea-tausi ma le faamanuiaga, ua faaee atu e Aʼu, o le Alii, i luga o laʼu auauna o Sini Rikitone mo se faamanuiaga i luga o ia, ma ana fanau e mulimuli mai ia te ia;

23 Ma o le a Ou faateleina faamanuiaga i luga o ia, o le tulaga e oo i ai le faamaualalo o ia i oʼu luma.

24 O lenei foi, ia tuu atu i laʼu auauna o Matini Harisi ia tofi atu ia te ia, mo ana mea-tausi le fasi fanua lea na maua e laʼu auauna o Ioane Ioanesone e fesuiaʼi ma lona tofi muamua, mo ia ma ana fanau e mulimuli mai ia te ia;

25 Ma o le tulaga e oo i ai le faamaoni o ia, o le a Ou faateleina faamanuiaga i luga o ia ma ana fanau e mulimuli mai ia te ia.

26 Ma ia tuu atu i laʼu auauna o Matini Harisi e tuuto atu ana tupe mo le folafolaina atu o aʼu upu, e pei ona o le a faatonuina ai e laʼu auauna o Iosefa Samita, Laitiiti.

27 O lenei foi, ia tuu atu i laʼu auauna o Feterika G. Viliamu ia maua e ia le nofoaga o loo nofo ai nei o ia.

28 Ma ia tuu atu i laʼu auauna o Oliva Kaotui ia maua e ia le fasi fanua lea ua tuu ese e sosoo atu ma le fale, lea o le a avea ma ofisa lomitusi, o le fasi fanua numera muamua lea, ma le fasi fanua foi o loo nofo ai lona tamā.

29 Ma ia tuu atu i aʼu auauna o Feterika G. Viliamu ma Oliva Kaotui le ofisa lomitusi ma mea uma e faatatau i ai.

30 Ma o nei mea o le a avea ma a laua mea-tausi ia tofia atu ia te i laua.

31 Ma o le tulaga e oo i ai le faamaoni o i laua, faauta o le a Ou faamanuia, ma faateleina faamanuiaga i o laua luga.

32 Ma o le amataga lenei o le mea-tausi ua Ou tofia ia te i laua, mo i laua ma a laua fanau e mulimuli mai ia te i laua.

33 Ma, o le tulaga e oo i ai le faamaoni o i laua, o le a Ou faateleina faamanuiaga i o laua luga ma a laua fanau e mulimuli mai ia te i laua, o faamanuiaga faateleina lava.

34 O lenei foi, ia tuu atu i laʼu auauna o Ioane Ioanesone ia maua e ia le fale o loo nofo ai o ia, ma le tofi, o mea uma vagana ai le fanua ua faapolopolo mo le afausia o oʼu fale, e faatatau i lena tofi, ma fasi fanua na ua taʼua mo laʼu auauna o Oliva Kaotui.

35 Ma o le tulaga e oo i ai le faamaoni o ia, o le a Ou faateleina faamanuiaga i ona luga.

36 Ma o loʼu loto ia faatau atu e ia fasi fanua ua faataatitia ese mo le faatuina i luga o le aai o laʼu au paia, e pei o le a faailoa atu ai ia te ia e le aleo o le Agaga, ma e tusa ai ma le fautuaga a le faatulagaga, ma le leo o le faatulagaga.

37 Ma o le amataga lenei o le mea-tausi ua Ou tofia ia te ia, mo se faamanuiaga ia te ia ma ana fanau e mulimuli mai ia te ia.

38 Ma o le tulage e oo i ai le faamaoni o ia, o le a Ou faateleina faamanuiaga faateleina i ona luga.

39 O lenei foi, ia tuu atu i laʼu auauna o Newel K. aWhitney fale ma le fasi fanua o loo nofo ai nei o ia, ma le fasi fanua ma le fale o loo tu ai le faleoloa, ma le fasi fanua foi lea o loo i le tulimanu i saute o le faleoloa, ma le fasi fanua foi lea o loo i ai le aseru.

40 Ma o nei mea uma ua Ou tofia i laʼu auauna o Newel K. Whitney mo ana mea-tausi, mo se faamanuiaga i ona luga ma ana fanau e mulimuli mai ia te ia, mo le manuia o le faleoloa o laʼu faatulagaga lea ua Ou faatuina mo laʼu siteki i le laueleele o Katelani.

41 Ioe, e moni, o le mea-tausi lea, le faleoloa atoa lava lenei, ua Ou tofia ia te ia o laʼu auauna o N. K. Whitney ma lona asui, ma ana fanau e mulimuli mai ia te ia.

42 Ma o le tulaga e oo i ai le faamaoni o ia i le tausiga o aʼu poloaiga, ia ua Ou tuu atu ia te ia, o le a Ou faateleina faamanuiaga i ona luga ma ana fanau e mulimuli mai ia te ia, o se faatelega lava o faamanuiaga.

43 O lenei foi, ia tuu atu i laʼu auauna o Iosefa Samita, Laitiiti, e tofi ia te ia le fasi fanua lea ua faataatia ese mo le fausiaina o loʼu fale, lea e fasefulu rota le umi ma e sefululua le lautele, ma le tofi foi o loo nofo ai nei lona tamā;

44 Ma o le amataga lenei o le mea-tausi ua Ou tofia ia te ia, mo se faamanuiaga i ona luga, ma i luga o lona tamā.

45 Aua faauta, ua Ou faapolopoloina se tofi mo lona atamā, mo lona tausiga; o lea o le a faitauina o ia i le aiga o laʼu auauna o Iosefa Samita, Laitiiti.

46 Ma o le a Ou faateleina faamanuiaga i luga o le fale o laʼu auauna o Iosefa Samita, Laitiiti, o le tulaga e oo i ai le faamaoni o ia, o se faatelega lava o faamanuiaga.

47 Ma lenei, Ou te tuu atu ia te outou se poloaiga e faatatau ia Siona, ia lē toe fusia outou o se faatulagaga autasi ma o outou uso i Siona, tau lava i le faapenei—

48 A uma ona faatulaga o outou, ia taʼua outou o le Faatulagaga Autasi o le aSiteki o Siona, o le Aai o Katelani. Ma o o outou uso, a uma ona faatulaga o i latou, ia taʼua o le Faatulagaga Autasi o le Aai o Siona.

49 Ma ia faatulaga i latou i o latou lava igoa, ma i lo latou lava igoa; ma ia latou faia a latou pisinisi i lo latou lava igoa, ma i o latou lava igoa;

50 Ma ia outou faia a outou pisinisi i lo outou lava igoa, ma i o outou lava igoa.

51 Ma ua Ou poloaiina lenei mea ina ia faia mo lo outou faaolataga, ma mo lo latou faaolataga foi, ona o le atutuliesea o i latou i fafo ma le mea o le a oo mai.

52 Ona ua motusia le afeagaiga e ala i le solitulafono, e ala i le ematapeʼapeʼa ma upu faatagāfai—

53 O lea, ua soloia ai outou o se faatulagaga autasi ma o outou uso, ua lē toe fusia ai outou ia te i latou vagana ai e oo mai i le itula nei, tau lava i le faapenei, e pei ona Ou fai atu, i faaunega tupe e pei ona o le a malilie i ai lenei faatulagaga i le fono, e pei ona mafai e tusa ma o outou tulaga ma le mea e faatonuina e le leo o le aufono.

54 O lenei foi, Ou te tuu atu ia te outou se poloaiga e faatatau i la outou mea-tausi ua Ou tofi atu ia te outou.

55 Faauta, o nei meatotino uma e a aʼu, a lē o lea ua lē aoga lo outou faatuatua, ma ua maua outou o ni pepelo, ma ua motusia feagaiga na outou faia mai ia te aʼu;

56 Ma afai o meatotino e a aʼu, o lona uiga o outou o atausimea; a lē o lea e lē o outou o ni tausimea.

57 Peitai, e moni Ou te fai atu ia te outou, ua Ou tofia outou e avea o ni tausimea i loʼu fale, o tausimea moni lava.

58 Ma o le faamoemoe lenei na Ou poloaiina ai outou e faatulaga outou lava, e lomia lava aaʼu upu, le atoatoaga o aʼu tusitusiga paia, o faaaliga ua Ou tuu atu ia te outou, ma ia o le a Ou tuu atu, mulimuli ane, ia te outou, mai lea taimi i lea taimi—

59 Mo le faamoemoe o le atiaʼeina o laʼu ekalesia ma le malo i luga o le lalolagi, ma saunia ai loʼu nuu mo le ataimi o le a Ou emau faatasi ai ma i latou, ua lata mai lava oo mai.

60 Ma ia outou saunia mo outou lava se nofoaga mo se faleteuoloa, ma faapaia mo loʼu igoa.

61 Ma ia outou tofia se tasi i totonu o outou e tausia le faleteuoloa, ma ia faauu o ia i lenei faamanuiaga.

62 Ma ia i ai se faamaufaailoga i luga o le faleteuoloa, ma ia avatu mea paia uma i le faleteuoloa; ma ia leai se tagata i totonu o outou na te taʼua o lana lava, po o se vaega o lena mea, ona ua a outou uma faatasi.

63 Ma Ou te tuu atu le faleteuoloa ia te outou mai lenei lava itula; ma o lenei ia vaai, ia outou o atu ma faaaoga le mea-tausi ua Ou tofi atu ia te outou, vagana ai mea paia, mo le faamoemoe o le lomia o nei mea paia e pei ona Ou fai atu ai.

64 Ma o atupe o mea paia ia teuina i le faleteuoloa, ma ia tuu i ai i ona luga se faamaufaailoga; ma ia lē faaaogaina pe aveesea i fafo o le faleteuoloa e soo se tasi, pe tatalaina le faamaufaailoga e tuu i ai i ona luga, tau lava i le leo o le faatulagaga, po o se poloaiga.

65 Ma ia faapea ona outou tausi o tupe o mea paia i le faleteuoloa, mo faamoemoega sa ma paia.

66 Ma ia taʼua lenei mea o le faleteuoloa paia o le Alii; ma ia tuu i ai i ona luga se faamaufaailoga ina ia paia ma faapaiaina mo le Alii.

67 O lenei foi, ia i ai se isi faleteuoloa e saunia, ma se teuoloa e tofi e tausia le faleteuoloa, ma ia tuu i ai i ona luga se faamaufaailoga;

68 Ma o tupe uma tou te maua ia outou mea-tausi, i le faaleleia atili o meatotino na Ou tofi atu ia te outou, i fale, po o i laueleele, po o i manu faatoaga, po o i mea uma lava vagana ai tusitusiga sa ma paia, ia ua Ou faapolopoloina mo aʼu lava mo faamoemoega sa ma paia, ia lafo atu i le faleteuoloa i le vave lava tou te maua ai tupe, i le taiselau, po o le tailimasefulu, po o le tailuasefulu, po o le taisefulu, po o le tailima.

69 Po o i ni isi upu, afai e maua e se tagata i totonu o outou se lima tālā, ia tuu atu ia te ia e lafo atu i le faleteuoloa; pe afai e maua e ia le sefulu, po o le luasefulu, po o le limasefulu, po o le selau, ia tuu atu ia te ia ia faapea ona faia;

70 Ma ia lē tuu atu i se tasi i totonu o outou e fai mai o lea mea o lana lava; ona o le a lē taʼua lea mea o sana, po o se vaega o lea mea.

71 Ma ia leai se vaega o lea mea e faaaoga, pe ave i fafo o le faleteuoloa, tau lava i le leo ma le finagalo autasi o le faatulagaga.

72 Ma o le leo lenei ma le finagalo autasi o le faatulagaga—soo se tagata o i totonu o outou e fai atu i le teuoloa: Ua ou manaomia le mea lenei e fesoasoani ia te aʼu i laʼu mea-tausi—

73 Afai o le mea ua manaomia o le lima tālā, po o le sefulu tālā, po o le luasefulu, po o le limasefulu, po o se selau, ia tuu atu e le teuoloa ia te ia le aofai ua manaomia e ia e fesoasoani ia te ia i lana mea-tausi—

74 Sei vagana ua maua o ia o se solitulafono, ma ua faaalia manino i luma o le aufono a le faatulagaga o ia o se tausimea lē faamaoni ma a atamai.

75 Ae a o i ai pea o ia i le faaaumeaga atoa, ma o faamaoni ma atamai i lana mea-tausi, o lana faailoga lea i le teuoloa ia lē taofia ai e le teuoloa.

76 Ae i le tulaga o le solitulafono, e pulea le teuoloa e le aufono ma le leo o le faatulagaga.

77 Ma afai e maua o le teuoloa o se tausimea lē faamaoni ma lē atamai, e pulea o ia e le aufono ma le leo o le faatulagaga, ma aveese o ia mai lona nofoaga, ma tofia se aisi i lona tulaga.

78 O lenei foi, e moni Ou te fai atu ia te outou, e faatatau ia outou aitalafu—faauta o loʼu loto e tatau ona outou atotogi a outou eaitalafu uma.

79 Ma o loʼu loto e tatau ona outou afaamaualaloina outou lava i oʼu luma, ma maua lenei faamanuiaga i lo outou efiliga ma le lotomaualalo ma le tatalo o le faatuatua.

80 Ma o le tulaga e oo i ai la outou filiga ma lotomaualalo, ma faaaoga le atatalo o le faatuatua, faauta, o le a Ou faamaluluina loto o i latou o e ua outou aitalafu ai, seia Ou auina atu mea ia te outou mo lo outou laveaiina.

81 O lea ia tusi vave atu i Niu Ioka ma tusi atu e tusa ma mea o le a faatonuina e loʼu aAgaga; ma o le a Ou faamaluluina loto o i latou o e ua outou aitalafu ai, o le a aveesea ai mai o latou mafaufau le aumaia o puapuaga i o outou luga.

82 Ma o le tulaga e oo i ai la outou alotomaualalo ma faamaoni ma valaau mai i loʼu igoa, faauta, o le a Ou tuu atu ia te outou le emanumalo.

83 Ou te tuu atu ia te outou se folafolaga, o le a laveaiina outou i le taimi e tasi lenei i fafo mai lo outou nofo pologa.

84 O le tulaga e oo i ai la outou mauaina o se avanoa e nonō ai tupe taiselau, po o le taiafe, seia oo ina lava tupe tou te nonōina e laveai ai outou mai le nofo pologa, o lo outou avanoa lena.

85 Ma folafola atu meatotino ua Ou tuu atu i o outou lima, i le taimi lenei e tasi, i le tuu atu o o outou igoa i le finagalo autasi po o se isi ala, e pei ona foliga lelei ia te outou.

86 Ou te tuu atu ia te outou lenei avanoa, i le taimi lenei e tasi; ma faauta, afai tou te aga atu e fai mea ua Ou tuu atu i o outou luma, e tusa ma aʼu poloaiga, o nei mea uma e a aʼu, ma o outou o aʼu tausimea, ma e lē tuua e le matai lona fale ia lepetia. E faapea lava. Amene.