Tusitusiga Paia
Mataupu Faavae ma Feagaiga 129
Mea e Sii mai
Tusi Atoa (PDF)
Vaefaamatalaga

Hide Footnotes

Autu

Vaega 129

O aoaoga na tuuina mai e Iosefa Samita le Perofeta, i Navu, Ilinoi, 9 Fepuari 1843, ua faailoa mai ai ki autu e tolu e mafai ona iloa ai natura saʼo o agelu auauna ma agaga (History of the Church, 5:267).

1–3, O loo i ai tino toetutu ma tino agaga i le lagi; 4–9, Ua tuu mai ki e mafai ona iloa ai avefeau mai tala atu o le veli.

1 E i ai ni ituaiga e lua o tagata i le alagi, ua taʼua: O eagelu, o e o ni peresona itoetutu, ua i ai ni tino o aano ma ivi—

2 Mo se faataitaiga, na fetalai Iesu: Tagotago mai ia te aʼu ma vaai, ona o se agaga e leai ni aaano ma ni ivi, e pei ona outou vaai mai ua ia te aʼu.

3 Lua: O aagaga o etagata amiotonu ua faaatoatoaina, i latou ia o e e lei toetutu mai, ae ua mauaina lea lava mamalu e tasi.

4 A sau se avefeau ma fai mai ua ia te ia se savali mai le Atua, tuu atu ia te ia lou lima ma talosaga atu ia te ia e faatalofa ma oe.

5 Afai o ia o se agelu o le a faia faapea e ia, ma o le a e lagona lona lima.

6 Ae afai o ia o le agaga o se tagata amiotonu ua faaatoatoina o le a sau o ia i lona mamalu; ona ua pau lena o le ala e mafai ona faaali mai ai o ia—

7 Fesili atu ia te ia e faatalofa ma oe, ae o le a lē gaioi, ona ua lē tusa ai ma le tulafono o le lagi mo se tagata amiotonu ia taufaasese; ae o le a tuu mai pea e ia lana savali.

8 Ae afai o le atiapolo ua pei o se agelu o le malamalama, a e fesili atu ia te ia e faatalofa o le a tuu mai e ia lona lima ia te oe, ae o le a e lē lagonaina se mea; o lea o le a mafai ai ona e iloa o ia.

9 O ki autu ia e tolu e mafai ai ona outou iloa pe ua mai le Atua soo se auaunaga.