Faaaliga na tuuina mai ia Iosefa Samita le Perofeta, i Feiete, Niu Ioka, i le aso 6 o Aperila, 1830. O lenei faaaliga na tuuina mai i le faatulagaga o le Ekalesia, i le aso ua taua, i le fale o Peter Uitimera Matua. E toaono alii, o e na uma ona papatisoina ae lei oo mai i le taimi lea, na auai. I se siilimaga autasi, na faaalia ai e nei alii lo latou manao ma le naunautai e faatulaga le Ekalesia, e tusa ma le poloaiga a le Atua (tagai i le vaega 20). Sa latou siilima foi e talia ma lagolagoina Iosefa Samita, Le Itiiti ma Oliva Kaotui, o taitai pulefaamalumalu o le Ekalesia. Ona faauu lea e Iosefa o Oliva, i le faaee atu o lima, o se toeaina o le Ekalesia, ma sa faapea foi ona faauu e Oliva o Iosefa i lea lava ala e tasi. Ina ua maea le tauaaoina o le faamanatuga, sa faaee e Iosefa ma Oliva lima i luga o i latou taitoatasi na auai mo le faaee atu o le Agaga Paia, ma mo le faamauga o i latou taitoatasi o se tasi o le Ekalesia.