Tusitusiga Paia
Mataupu Faavae ma Feagaiga 24
Mea e Sii mai
Tusi Atoa (PDF)
Vaefaamatalaga

Hide Footnotes

Autu

Vaega 24

Faaaliga na tuuina mai ia Iosefa Samita le Perofeta ma Oliva Kaotui, i Haramoni, Penisilevania, Iulai 1830 (History of the Church, 1:101–103). E ui ina itiiti ifo mai le fa masina na mavae talu ona faatulaga o le Ekalesia, sa oo ina faateteleina sauaga, ma sa tatau ai i taitai ona saili le saogalemu i le lalafi i ni isi taimi. O faaaliga e tolu ua sosoo ai na tuu mai i le taimi lea e faamalosi, faalototele, ma faatonu ai i latou.

1–9, Ua valaaulia Iosefa Samita e faaliliu, talai, ma faamalamalama atu tusitusiga paia; 10–12, Ua valaaulia Oliva Kaotui e talai atu le talalelei; 13–19, Ua faailoa mai le tulafono e faatatau i vavega, fetuu, tutuina ese o le efuefu o vae o se tasi, ma le alu atu e aunoa ma se atotupe po o se ete.

1 Faauta, na valaaulia ma filifilia oe e tusi le Tusi a Mamona, ma i laʼu auaunaga; ma ua Ou sii oe i luga i fafo o ou puapuaga, ma fautuaina oe, o lea ua laveaiina ai oe mai ou fili uma, ma ua laveaiina oe mai mana o Satani ma mai le pouliuli!

2 E ui i lea, ua lē tuufaanoia oe i au asolitulafono; e ui i lea, alu i lou ala ma aua le toe agasala.

3 aFaalautele lou tofi; ma a uma ona e lulu o ou fanua ma puipui malu lelei i latou, alu atu vave i le ekalesia o loo i eKolesavile, Feiete, ma Manaseta, ma o le a latou itausia oe; ma o le a Ou faamanuia i latou faaleagaga ma faaletino;

4 Ae afai latou te lē talia oe, o le a Ou auina atu i o latou luga se fetuu nai lo o se faamanuiaga.

5 Ma ia faaauau pea ona e valaau atu i le Atua i loʼu igoa, ma ia tusi mea o le a tuu atu ia te oe e le aFaamafanafana, ma faamalamalama atu tusitusiga paia uma i le ekalesia.

6 Ma o le a tuu atu ia te oe i le taimi tonu lava mea e te atautala atu ai ma tusia, ma o le a latou faalogo i ai, po o le a Ou auina atu ia te i latou se fetuu nai lo o se faamanuiaga.

7 Aua ia e tuu atu lau aauaunaga atoa i Siona; ma o le a e maua le malosi i lenei mea.

8 aOnosai i epuapuaga, ona o le a tele o le a oo mai ia te oe; ae ia e ionosaia i latou, aua, faauta, ua Ou faatasi ma oe, e oo lava i le oiuga o ou aso.

9 Ma o le a e lē maua le malosi i galuega faaletino, ona e lē o lou avalaauga lea. Faasaga i lou valaaulia ma o le a e maua ai mea e faalautele ai lou tofi, ma ia faamalamalama atu tusitusiga paia uma, ma faaauau pea i le faaee atu o lima ma faamaumau aulotu.

10 Ma ia faaauau pea lou uso o Oliva i le tautino atu o loʼu igoa i luma o le lalolagi, ma i le ekalesia foi. Ma aua neʼi manatu o ia e faapea e mafai ona lava ona ia fai atu e uiga i loʼu faamoemoe; ma faauta, ua Ou faatasi ma ia e oo i le iuga.

11 O aʼu e maua ai e ia le mamalu, ae lē o ia lava, pe i le vaivai po o le malosi, pe i le pologa po o le saoloto;

12 Ma ia tatala atu e ia i taimi uma, ma i nofoaga uma, lona fofoga, ma aalaga atu laʼu talalelei i le ao ma le po, e pei o le leo o se epu. Ma o le a Ou tuu atu ia te ia se ituaiga o malosi e lei iloa lava i totonu o tagata.

13 Aua le mananao i avavega, vagana ai ua Ou epoloaiina ai oulua, vagana ai le itutuli i fafo o otiapolo, le ufaamalologa o e mamai, ma e faasaga i fgata uogo, ma faasaga i mea oona e oti ai;

14 Ma o anei mea ia oulua lē faia, vagana ua manaomia ai oulua e i latou o e e mananao i ai, ina ia faataunuuina tusitusiga paia; aua ia oulua faia e tusa ma le mea ua tusia.

15 Ma i soo se nofoaga e te lua aulu atu i ai, ma latou lē talia oulua i loʼu igoa, ia oulua tuu ai se fetuu nai lo o se faamanuiaga, i le tutu ese lea o le eefuefu o o oulua vae o se molimau e faasaga ia te i latou, ma faamama o oulua vae i le ala.

16 Ma o le a oo mai, o soo se tasi e faaoo atu o latou lima i o oulua luga i le faasaua, ia oulua poloaiina i loʼu igoa ia taiaina; ma, faauta, o le a Ou taiaina i latou e tusa ma a oulua upu, i loʼu lava taimi e tatau ai.

17 Ma o soo se tasi na te ave oe i le tulafono, o le a fetuu e le tulafono.

18 Ma ia e lē ave se aʼatotupe, po o se ete, po o ni tootoo, po o ni peleue se lua, ona o le a tuu atu e le ekalesia ia te oe i le itula tonu lava mea e te manaomia mo meaai ma mo lavalava, ma mo seevae ma mo tupe, ma mo ete.

19 Ona ua valaaulia oe e te ateuteu loʼu tovine i se teuga tele, ioe, mo le taimi mulimuli lava; ioe, ma i latou uma foi o e ua e efaauuina, ma ia latou faia e tusa ai ma lenei lava ala. Amene.