Tusitusiga Paia
Mataupu Faavae ma Feagaiga 86
Mea e Sii mai
Tusi Atoa (PDF)
Vaefaamatalaga

Hide Footnotes

Autu

Vaega 86

Faaaliga na tuuina mai e ala mai ia Iosefa Samita le Perofeta, i Katelani, Ohaio, 6 Tesema 1832 (History of the Church, 1:300). Na maua lenei faaaliga aʼo toe silasila ma teuteuina e le Perofeta kopi tusilima o le faaliliuga o le Tusi Paia.

1–7, Ua tuuina mai e le Alii le uiga o le faataoto i saito ma titania; 8–11, Ua ia faamalamalama mai faamanuiaga o le perisitua ia te i latou o e o suli tatau ai e tusa ma le tino.

1 E Moni, ua faapea ona fetalai mai o le Alii ia te outou o aʼu auauna, e uiga i le afaataoto i saito ma titania:

2 Faauta, e moni Ou te fai atu, o le fanua o le lalolagi lea, ma o aposetolo o i latou ia o e na luluina fatu;

3 Ma ina ua uma ona latou momoe, o lē ua faasauā tele i le ekalesia, o lē ua liliuese, o lē o le fafine talitane, o aPapelonia lava lea, o lē ua faia atunuu uma ia feinu i lana ipu, o e o o latou loto, ua nofo ai le fili, o Satani lava, e pule ai—faauta, ua lulu e ia titania; o le mea lea, ua tineia ai e le titania le saito ma tuli le eekalesia i le vao.

4 Ae faauta, i aaso e gata ai, i le taimi nei lava aʼo amata ona aumai e le Alii le afioga, ma ua totogo aʼe le lau saito ma o loo muʼamuʼa lava—

5 Faauta, e moni Ou te fai atu ia te outou, o loo tagi atu aagelu i le Alii i le ao ma le po, o e ua sauni ma faatalitali e auina atu e eselesele i lalo fanua;

6 Peitai ua fetalai atu le Alii ia te i latou, aua le liaʼiina i luga titania aʼo muʼamuʼa le lau (aua e moni o loo vaivai lo outou faatuatua), neʼi outou faaumatia ai foi le saito.

7 O lea, ia tuu pea le saito ma le titania e tutupu faatasi seia matua atoa le seleselega; ona outou faaputu ese muamua lea o le saito mai totonu o titania, ma a uma ona faaputuina o le saito, faauta ma tagai, ia fusi titania i fusi, ma tuu ai le fanua e susunu.

8 O lea, ua faapea ona fetalai mai o le Alii ia te outou, o e ua faaauau ai pea le aperisitua e ala i le gafa o o outou tamā—

9 Aua o outou o asuli tatau i le tulafono, e tusa ma le tino, ma na enatia mai le lalolagi faatasi ma Keriso i le Atua—

10 O lea ua tumau ai pea lo outou ola ma le perisitua, ma e tatau lava ona tumau pea e ala atu ia te outou ma lo tou gafa seia oo i le atoefuataiga o mea uma na fetalaia e fofoga o perofeta paia uma talu mai le amataga o le lalolagi.

11 O lea, amuia lava outou pe afai tou te tumau pea i loʼu agalelei, o se amalamalama i Nuuese, ma o se faaola i loʼu nuu o eIsaraelu, e ala atu i lenei perisitua. Na fetalai mai ai le Alii. Amene.