Tusitusiga Paia
Mataupu Faavae ma Feagaiga 44


Vaega 44

Faaaliga na tuuina mai ia Iosefa Samita le Perofeta ma Sini Rikitone, i Katelani, Ohaio, i le tau faaiuiuga o Fepuari 1831. I le usiusitai i le tulaga manaomia ua ta’u mai i le faaaliga lenei, na fuafua ai e le Ekalesia se konafesi e faia i le amataga o le masina o Iuni na sosoo ai.

1–3, Ia faapotopoto faatasi toeaina i se konafesi; 4–6, Ia faatulagaina i latou e tusa ai ma tulafono o le laueleele ma ia tausi i e ua matitiva.

1 Faauta, ua faapea ona fetalai mai o le Alii ia te oulua o a’u auauna, ua tatau ai ia te a’u ona valaaulia toeaina o la’u ekalesia ia faatasi mai, mai sasae ma sisifo, ma mai matu ma saute, i se tusi po o se isi ala.

2 Ma o le a oo mai e tusa ai ma lo latou faamaoni, ma faatino le faatuatua mai ia te a’u, o le a Ou liligi ifo lo’u aAgaga i luga o i latou i le aso o le a latou faapotopoto faatasi ai i latou lava.

3 Ma o le a oo mai o le a latou o atu i nofoaga o faataamilo ai, ma atalai atu le salamo i tagata.

4 Ma e toatele o le a aliliu mai, e oo ina outou maua ai le pule tou te faatulaga ai outou lava e etusa ma tulafono a tagata;

5 Ina ia leai se mana o o outou afili i luga o outou; ina ia mafai ona faasaoina o outou i mea uma; ina ia mafai ona outou tausia a’u tulafono; ina ia mafai ona motusia o noanoaga uma ua saili le fili e faaumatia ai o’u tagata.

6 Faauta, Ou te fai atu ia te oulua, e ao ina oulua aasiasi atu i e ua matitiva ma e ua lē tagolima ma fesoasoani atu i lo latou toomaga, ina ia mafai ona tausia i latou seia mafai ona faia o mea uma e tusa ai ma la’u tulafono ua oulua maua. Amene.