1 Mkpughe nke Jisus Kraịst nye nwa odibo ya Joseph Smith, Nta, na ndị okenye isii, dịka ha jịkọrọ obi ha nile n’otu ma ^awelie olu ha nile n’elu.

2 E, okwu nke Onye-nwe gbasara nzukọ-nsọ ya, e hiwere n’ụbọchị ndị ikpe-azụ maka ^amwetaghachi nke ndị ya, dịka o kwuworo site n’ọnụ nke ^bndị-amụma ya, ma, n’ihi mkpọkọta nke ^cndị-nsọ ya iguzo n’elu ^dUgwụ Zaịọn, nke ga-abụ obodo-ukwu nke Jerusalem ^eỌhụrụ.

3 Nke bụ obodo-ukwu nke aga-ewu, malite n’ebe ^atemple ahụ, nke a họpụtara site na mkpisi-aka nke Onye-nwe, n’oke-ala nke ọdịda anyanwụ na Steti nke Missouri, ma doo nsọ site n’aka Joseph Smith, Nta, na ndị ọzọ ndị ihe ha dịịrị Onye-nwe ezi mma.

4 N’ezie nke a bụ okwu nke Onye-nwe, na obodo-ukwu Jerusalem ^aỌhụrụ ka a ga-ewu site na mgbakọta nke ndị-nsọ, malite n’ebe a, ọbụna ebe nke ^btemple ahụ, temple nke a ga-ewuli n’ọgbọ nke a.

5 N’ihi n’ezie ọgbọ nke a agaghị agabiga ruo mgbe a ga-ewu otu ụlọ nye Onye-nwe, ma otu igwe ojii ga-anọ n’elu ya, igwe ojii nke ga-abụ ọbụna ^aebube nke Onye-nwe, nke ga-ejupụta n’ime ụlọ ahụ.

6 Ma ụmụ nwoke nile nke Moses, dịka Ọkwa Nchụ-aja Dị Nsọ nke ọ natara n’okpuru ^aaka nke ọgọ ya nwoke, ^bJetro;

7 Ma Jetro natara ya site n’okpuru aka nke Keleb;

8 Ma Keleb natara ya n’okpuru aka nke Elaihu;

9 Ma Elaihu n’okpuru aka nke Jeremy;

10 Ma Jeremy n’okpuru aka nke Gad;

11 Ma Gad n’okpuru aka nke Esaịas;

12 Ma Esaịas natara ya n’okpuru aka nke Chineke.

13 Esaịas kwa biiri n’ụbọchị nile nke Abraham, ma buru onye a goziri site na ya—

14 Bụ ^aAbraham nke natara ọkwa nchụ-aja ahụ site n’aka ^bMelkizedek, onye natara ya site n’usoro ọmụmụ nke ndị nna ha, ọbụna ruo na ^cNoa;

15 Ma site na Noa ruo ^aInọk, site na usoro ọmụmụ nke ndị nna ha;

16 Ma site na Inọk ruo na ^aEbel, onye egburu site ^bn’izuzu mmegide nke nwanne ya nwoke, onye ^cnatara ọkwa nchụ-aja site n’iwu-nsọ nke Chineke, site n’aka nke nna ya ^dAdam, onye bụ nwoke nke mbụ—

17 Bụ ^aọkwa nchụ-aja nke na-agakwa n’iru n’ime nzukọ-nsọ nke Chineke n’ọgbọ nile, ma n’enweghi mmalite nke ụbọchị nile ma-ọbụ ngwụcha nke afọ nile.

18 Ma Onye-nwe nye kwara ^aErọn na mkpụrụ-afọ nke ya otu ^bọkwa nchụ-aja, rute n’ọgbọ agbụrụ ha nile, ọkwa nchụ-aja nke na-agakwa n’iru ma ^cna-adịgide ruo mgbe nile ya na ọkwa nchụ-aja nke bụ nke kachasị nsọ n’usoro nke Chineke.

19 Ma ọkwa nchụ-aja nke dị ukwuu karịa nke a na-elekọta ozi-ọma ahụ ma jiri ọtụghe-ụzọ nke ^aihe omimi nile nke ala-eze, ọbụna ọtụghe-ụzọ nke ^bmmata nke Chineke.

20 Ya mere, ^an’emume-nsọ nile si na ya, ike ahụ nke ndụ iyi Chineke na-apụta ìhè.

21 Na n’enweghi emume-nsọ nile si na ya, na ^aikike ahụ nke ọkwa nchụ-aja, ike ahụ nke ndụ-iyi-Chineke agaghị apụta ìhè nye mmadụ n’anụ arụ;

22 N’ihi n’enweghi nke a o nweghị ^aonye pụrụ ịhụ iru nke Chineke, ọbụna Nna, ma dị ndụ.

23 Ugbụ a nke a ka ^aMoses kụziri n’ụzọ dị mfe nghọta nye ụmụ nke Israel n’ime ọzara, ma jiri ịrụsi ọrụ ike chọọ ^bido ndị nke ya nsọ ka ha wee nwee ike ^cilekwasị iru nke Chineke;

24 Mana ha ^amesịrị obi ha nile ike ma ha enweghi ike ịnagide nnọnyere ya; ya mere, Onye-nwe ^bn’iwe ọku ya, n’ihi na iwe ya dị ọkụ megide ha, n̄ụrụ iyi na ha agaghị ^caba n’izu-ike ya ka ha nọ n’ime ọzara, izu-ike nke bụ uju nke ebube ya.

25 Ya mere, o wepụrụ ^aMoses site n’etiti ha, na kwa ^bỌkwa Nchụ-aja ahụ Dị Nsọ;

26 Ma ^aọkwa nchụ-aja nke nta nọgidere, bụ ọkwa nchụ-aja nke ji ^bọtụghe-ụzọ nke ^cnkwusa-ozi nke ndị mụọ-ozi na ozi-ọma nke njikere;

27 Ozi-ọma nke bụ ozi-ọma nke ^anchegharị na nke ^bbaptism, na ^cnsachapụ nke mmehie nile, na ^diwu nke iwu-nsọ nile banyere ^eanụ arụ, nke Onye-nwe n’oke iwe ya mere ka ọ nọgide n’ụlọ nke Erọn n’etiti ụmụ nke Israel ruo mgbe ^fJọn, onye Chineke kulitere, ebe o ^gjupụtara na Mụọ Nsọ site n’afọ nne ya.

28 N’ihi na e mere ya baptism mgbe ọ dịrịị na nwata, ma e chiri ya echichi site n’aka mụọ-ozi nke Chineke n’oge ọ dị abalị asatọ nye n’ike nke a, ichutu ala-eze nke ndị Juu, na ime ka ụzọ nke Onye-nwe ^aguzozie n’iru nke ndị ya, ijikere ha maka ọbịbịa nke Onye-nwe, onye e nyefere ^bike nile n’ọba aka ya.

29 Ma ọzọ, ọkwa-ọrụ nile nke onye-okenye, na ụkọchukwu bụ ^amgbakwụnye ndị dị mkpa nye ọkwa nchụ-aja nke dị elu.

30 Ma ọzọ, ọkwa-ọrụ nile nke onye-nkuzi na onye-dikọn bụ mgbakwụnye ndị dị mkpa nke ọkwa nchụ-aja dị nta, bụ ọkwa nchụ-aja nke e nyekwasịrị n’isi Erọn na ụmụ ya ndị nwoke.

31 Ya mere, dịka m kwuru gbasara ụmụ nwoke nke Moses—n’ihi ụmụ nwoke nke Moses na kwa ụmụ nwoke nke Erọn ga-enye ^aonyinye kwesịrị nnabata ma chụọ aja n’ụlọ nke Onye-nwe, bụ ụlọ nke a ga-ewu nye Onye-nwe n’ọgbọ nke a, n’elu ^bala nsọ dịka m họpụtaworo—

32 Ma ụmụ nwoke nke Moses na nke Erọn ga-ejupụta ^an’ebube nke Onye-nwe, n’elu ^bUgwụ nke Zaịọn n’ime ụlọ nke Onye-nwe, Onye unu bụ ụmụ ya; na kwa ọtụtụ ndị m kpọworo ma zipụ ị ga wulite ^cnzukọ-nsọ m.

33 N’ihi na ndị ọbụla nke ^akwesịrị ntụkwasị obi ruo n’inweta ^bọkwa nchụ-aja abụọ ndị a nke m kwuworo maka ha, ma n’ibulite ọkpụkpọ-oku ha, ka e ^cdoro nsọ site na Mụọ ahụ ruo na mgbanwe nke arụ ha nile.

34 Ha na-abuzị ụmụ ndịkom nke Moses na nke Erọn na ^amkpụrụ-afọ nke ^bAbraham, na nzukọ-nsọ ahụ na ala-eze, na ndị a ^chọpụtara iche nke Chineke.

35 Na kwa ndị nile ndị nabatara ọkwa nchụ-aja nke a nabatara m, ka Onye-nwe kwuru;

36 N’ihi na onye ahụ nke nabatara ụmụ ọdibo m ^anabatara m;

37 Ma onye ahụ nke ^anabatara m nabatara Nna m;

38 Ma onye ahụ nke nabatara Nna m nabatara ala-eze Nna m; ya mere ^aihe nile Nna m nwere ka a ga-enye ya.

39 Ma nke a bụ dịka ^aịn̄ụ-iyi na ọgbụgba-ndụ nke ọkwa nchụ-aja ahụ siri dị.

40 Ya mere, ndị ahụ nile ndị nabatara ọkwa nchụ-aja ahụ, nabatara ịn̄ụ-iyi na ọgbụgba-ndụ nke Nna m, nke o nweghị ike imebi, ọbụghị ma e nwere ike imegharị ya.

41 Mana onye ọbụla nke ^amebiri ọgbụgba-ndụ nke a mgbe ọ nabatasịrị ya, ma mesịa tụgharịa site na ya, ^bagaghị enwe mgbaghara nke mmehie nile n’ụwa nke a ma-ọbụ n’ụwa nke na-abịa.

42 Ma ahụhụ ga-adịrị ha nile ndị n’anataghị ọkwa nchụ-aja nke a nke unu nataworo, nke m na-enyekwasị ugbụ a n’isi unu ndị nọ ebe a taa, site n’olu nke m sitere n’elu-igwe nile; ma ọbụna mụ enyewo usuu nile nke elu-igwe na ^andị mụọ-ozi m nile iwu gbasara unu.

43 Ma ugbụ a enye m unu iwu-nsọ ka unu kpachara-anya gbasara onwe unu, inye ezi ^aịn̄a ntị n’okwu nile nke ndụ ebighi-ebi.

44 N’ihi na unu ^aga-adị ndụ site n’okwu ọbụla nke sitere n’ọnụ nke Chineke pụta.

45 N’ihi na ^aokwu nke Onye-nwe bụ ezi-okwu, na ihe ọbụla bụ ^bezi-okwu bụ ìhè ma ihe ọbula bụ ìhè bụ Mụọ, ọbụna Mụọ ahụ nke Jisus Kraịst.

46 Ma Mụọ ahụ na-enye ^aìhè nye ^bmmadụ ọbụla nke na-abịa n’ime ụwa; ma Mụọ ahụ na-agba ama nye mmadụ ọbụla rute ụwa nile, nke n̄ara ntị n’olu nke Mụọ ahụ.

47 Ma onye ọbụla nke n̄ara ntị n’olu nke Mụọ ahụ na-abịakwute Chineke, ọbụna Nna ahụ.

48 Ma Nna ahụ ^ana-akụziri ya maka ^bọgbụgba-ndụ ahụ nke o megharịworo ma mesie ike n’elu isi unu, nke e mesịrị ike n’elu isi unu maka onwe unu, ma ọ bụghị maka onwe unu nanị, mana maka n’ihi ụwa dum.

49 Ma ^aụwa dum tọgbọrọ na mmehie, ma na-asụ ude n’okpuru ^bọchịchịrị ma n’okpuru ịbụ oru nke mmehie.

50 Ma site na nke a unu ga-amata na ha nọ n’okpuru ^aịbụ-oru nke ^bmmehie, n’ihi na ha anaghị abịakwute m.

51 N’ihi na onye ọbụla n’anaghị abịakwute m nọ n’okpuru ịbụ-oru nke mmehie.

52 Ma onye ọbụla n’anabataghị olu m, a maghị ^aolu m, ma ọ bụghị kwa nke m.

53 Ma site na nke a unu ga-amata ndị ezi-omume site na ndị ajọọ-mmadụ, ma na, ^aụwa nile ^bna-asụ-ude n’okpuru ^cmmehie na ọchịchịrị ọbụna ugbụ a.

54 Ma uche unu nile n’oge gara-aga abụwo ihe gbara-ọchịchịrị site ^an’ekweghị ekwe, ma n’ihi na unu e werewo ka ihe dị mfe ihe nile nke unu nataworo—

55 Bụ ^aihe-efu na ekweghị ekwe nke wetaworo nzukọ-nsọ dum n’okpuru amamikpe.

56 Ma amamikpe nke a nọ n’isi ụmụ nke Zaịọn, ọbụna ha nile.

57 Ma ha ga-anọgide n’ọkpụrụ amamikpe nke a ruo mgbe ha ga-echegharị ma cheta ^aọgbụgba-ndụ ọhụrụ, ọbụna ^bAkwụkwọ nke Mọmọn na iwu nsọ nile ^cndị ochie nke m nyeworo ha, ọbụghị nani ikwu ya, mana ^dime ya dịka nke ahụ nke m deworo—

58 Ka ha wee nwee ike mịpụta ezi mkpụrụ kwesịrị ala-eze nke Nna ha; ma ọbụghị otu a ọ ka fọdụrụ ihe-otiti na ikpe nke a ga-awụkwasị n’isi ụmụ nke Zaịọn.

59 N’ihi ụmụ nke ala-eze ahụ ha ga-enwe ike ịmerụ ala nsọ nke m? N’ezie, a sị m unu, E e.

60 N’ezie, n’ezie, a sị m unu ndị na-anụ ^aokwu m nile ugbụ a, ndị nke bụ olu m, ngozi na-adịrị unu ma ọbụrụraa na unu na-anabata ihe ndị a nile;

61 N’ihi na a ga m ^aagbaghara unu mmehie nile jiri iwu-nsọ nke a—na unu ga-anọgide sie-ike n’echiche unu nile ^bn’idi-nwayọ na mụọ nke ekpere, n’ịgba ama nye ụwa nile maka ihe ndị ahụ nke m nyeworo unu.

62 Ya mere, ^agaa nụ n’ime ụwa nile; ma ebe ọbụla unu n’agahị agalite, unu ga-eziga, ka ama ahụ nwe ike ịga site n’unu rute ụwa nile rute ihe nile ekere-eke.

63 Ma dịka m kwuru nye ndị-ozi m, ọbụna otu a ka m na-ekwu nye unu, n’ihi na unu bụ ^andị ozi m, ọbụna ndị-isi-nchụ-aja nke Chineke, unu bụ ndị ahụ ndị Nna m ^bnyeworo m; unu bụ ^cndị enyi m;

64 Ya mere, dịka m kwuru nye ndị-ozi m, a na m ekwu nye unu ọzọ, na ^amkpụrụ obi ọbụla nke ^bkwenyere n’okwu unu nile, ma eme ya baptism site na mmiri maka ^cnsachapụ nke mmehie nile, ga-anata ^dMụọ Nsọ ahụ.

65 Ma ^aihe ịrịba-ama ndị a ga-eso ndị kwere ekwe—

66 N’aha m ha ga-arụ ọtụtụ ^aọrụ nile dị ebube;

67 ^aN’aha m ha ga-achụpụ ajọọ mụọ nile;

68 N’aha m ha ^aga-agwọ kwa ndị ọrịa;

69 N’aha m ha ga-emeghee anya nile nke ndị kpuru isi, ma meghee kwa ntị nile nke ndị ntị chiri;

70 Ma ire nke onye ogbu ga-ekwu okwu;

71 Ma ọ bụrụ na onye ọbụla enye ha ^ansi ọ gaghị emerụ ha arụ;

72 Ma nsi nke agwọ agaghị enwe ike imerụ ha arụ.

73 Mana iwu-nsọ ka m na-enye ha, ka ha ghara ^aịnyara onwe ha isi maka ihe ndị a, ọbụghị ma-ọbụ ikwụpụta ha n’iru ụwa; n’ihi na ihe ndị a ka e nyere unu maka uru unu na maka nzọpụta.

74 N’ezie, n’ezie, a sị m unu, ndị ahụ ndị n’ekweghị n’okwu unu nile, ma n’emeghị ^abaptism na mmiri n’aha m maka nsachapụ nke mmehie ha nile, ka ha wee nwee ike ịnata Mụọ Nsọ, ka a ^bga-ama ịkpe, ma ha agaghị abịa n’ime ala-eze nke Nna m ebe mụ na Nna m nọ.

75 Ma mkpughe nke a nye unu, na iwu-nsọ, dị ire site n’awa nke a n’elu ụwa nile, ma ozi-ọma ahụ bụ maka mmadụ nile ndị n’anatabeghi ya.

76 Mana, n’ezie, a sị m ndị nile ahụ ndị e nyeworo ala-eze—site n’unu ka aghaghị ikwusa ya nye ha, na ha ga-echegharị site n’ajọọ-omume ha nile mgbe gara-aga; n’ihi a ga-ata ha ụta maka ajọọ obi ha nile nke ekweghị ekwe, ma ụmụ nne unu nọ na Zaịọn maka nnupụ-isi ha megide unu n’oge ahụ m zipụrụ unu.

77 Ma ọzọ a sị m unu, ndị enyi m, n’ihi na site ugbua gaa n’iru a ga m na-akpọ unu ndị enyi, ọ dị mkpa na m ga-enye unu iwu-nsọ nke a, na unu ga-abuzi ọbụna dịka ndị enyi m n’ụbọchị nile mgbe m nọnyere ha na-aga njem ikwusa ozi-ọma n’ike m;

78 N’ihi na e gbochiri m ha iji ^aakpa ego ma-ọbụ akpa njem ọbụghị ma-ọbụ iji uwe mkpuchi abụọ.

79 Lee, e zipụrụ unu igosi ezi-okwu nye ndị ụwa, ma onye-ọrụ kwesịrị ^aụgwọ-ọrụ ya.

80 Ma mmadụ ọbụla nke ga-aga ma ^akwusaa ^bozi-ọma nke ala-eze, ma dapụghị n’ịga-n’iru n’ịkwesị-ntụkwasị-obi n’ihe nile, a gaghị ada mba n’uche, ọbụghị ma-ọbụ gbaa ọchịchịrị, ọbụghị ma-ọbụ n’arụ, ụkwụ, ma-ọbụ njikọ; ma otu ^cagịrị-isi ya a gaghị ada n’ala na ahụghị ya; ma ha a gaghị anọ agụụ, ọbụghị ma-ọbụ akpiri ịkpọnkụ.

81 Ya mere, ^aechegbula onwe unu maka echi, maka ihe unu ga-eri, ma-ọbụ ihe unu ga-an̄ụ, ma-ọbụ ihe unu ga-eji ekpuchi arụ.

82 N’ihi, tulee okoko osisi lili nile nke ubi, otu ha si na-eto, ha anaghị arụ ọrụ, ọbụghị ma ha na-ekwe akwa; ma ala-eze nile nke ụwa, n’ebube ha nile, achọghị ha mma dịka otu n’ime ndị a.

83 N’ihi na ^aNna unu, nke bi n’elu-igwe, ^bmaara na unu nwere mkpa nke ihe ndịa a nile.

84 Ya mere, ka echi ^acheere onwe ya echiche maka ihe nke onwe ya.

85 Ọbụghị ma-ọbụ unu iche echiche tutu oge ahụ ^aihe unu ga-ekwu; mana ^bkpakodo n’echiche unu nile mgbe nile okwu nile nke ndụ, ma a ^cga-enye unu ya n’awa ahụ akụkụ ahụ nke a ga-enyefe mmadụ nile.

86 Ya mere, ka a ghara inwe onye ọbụla n’etiti unu, n’ihi na iwu-nsọ nke a bụ nye ndị nile ^akwesịrị ntụkwasị-obi ndị Chineke kpọrọ n’ime nzukọ-nsọ nye mgbasa ozi ahụ, sịte n’awa nke a, were akpa ego ma-ọbụ akpa-njem, ndị na-apụ ị ga maa ọkwa ozi-ọma nke a nke ala-eze.

87 Lee, e ^azipụrụ m unu ịkatọ ndị ụwa maka ajọọ-omume ha nile, ma kuziere ha maka ikpe nke ga-abịa.

88 Ma onye ahụ nke ^anabatara unu, ebe ahụ ka m ga-anọ kwa, n’ihi na a ga m aga n’iru gị. A ga m a nọ n’aka nri gị ma n’aka ekpe gị, ma Mụọ nke m ga-anọ n’obi unu nile, ma ^bndị mụọ-ozi m ga-anọ gburu-gburu unu ịkwalite unu.

89 Onye ọbụla nabatara unu nabatara m; ma otu onye ahụ ga-enye unu nri, na nye unu uwe, ma nye unu ego.

90 Ma onye ahụ nke ga-enye unu nri, ma-ọbụ nye unu uwe, ma-ọbụ nye unu ego, enweghi otu ọ ga-esi ^aetufu ụgwọ-ọrụ ya.

91 Ma onye ahụ nke n’emeghị ihe ndị a nile abụghị onye na-eso ụzọ m; site na nke a unu ga-amata ^andị na-esọ ụzọ m.

92 Onye n’anabataghị unu, pụọ nụ site n’ebe ọ nọ n’onwe unu, ma ^asachaa ụkwụ unu ọbụna jiri mmiri, ezigbo mmiri, ma-ọbụ n’okpọm ọkụ ma-ọbụ n’oyi, ma gbaa-ama maka ya nye Nna unu nke bi n’elu-igwe, ma alọghachikwala azụ ọzọ bịakwute onye ahụ.

93 Ma n’ime ọnụmara ọbụla ma-ọbụ ọbodọ-ukwu ọbụla unu bara, unu mee otu a.

94 Otu o sila dị; unu chọsie ike ma unu ahapụkwala nke ọbụla; ma ahụhụ ga-adịrị ụlọ ahụ ma-ọbụ ọnụmara ahụ ma-ọbụ obodo-ukwu nke jụrụ ịnabata unu, ma-ọbụ okwu unu nile, ma-ọbụ ịgba-ama unu banyere mụ.

95 Ahụhụ, ka m na-ekwu ọzọ, ga-adịrị ụlọ ahụ, ma-ọbụ ọnụmara ahụ ma-ọbụ obodo-ukwu nke jụrụ ịnabata unu, ma-ọbụ okwu unu nile, ma-ọbụ ịgba-ama unu banyere mụ.

96 N’ihi na mụ, ^aOnye Pụrụ Ime Ihe nile, e bịkwasịwo aka m abụọ n’elu mba nile, ị ti ha ^bihe-otiti maka ^cajọọ-omume ha.

97 Ma ajọọ ahụhụ nile ga-agbasa, ma a gaghị ewepụ ha site n’ụwa ruo mgbe m rụsịworo ọrụ nke m, nke a ga-egbu ^amkpụ mkpụ n’ezi-omume—

98 Ruo mgbe mmadụ nile ga amata m, ndị nọgidere, ọbụna site na nke kachasị nta rute na nke kachasị ukwuu, ma ga-ejupụta na mmata nke Onye-nwe, ma ^aga-ahụ anya na anya, ma ga-eweli olu ha elu, ma jikọkwa olu ha ^bbụọ abụ ọhụrụ nke a na-asị:

99 Onye-nwe a kpọtawo Zaịọn ọzọ;Onye-nwe ^aagbapụtawo ndị ya ^bIsrael,Dịka ^cnhọpụta nke ^damara siri dị,Nke e nwetara na mmezu site n’okwukweNa ^eỌgbụgba-ndụ nke ndị nna ha.

100 Onye-nwe a gbapụtawo ndị ya;Ma Setan ka e ^akeworo agbụ ma oge adịkwaghị,Onye-nwe achịkọtawọ ihe nile ^bn’otu.Onye-nwe e zidatawo ^cZaịọn site n’elu.Onye-nwe ^dakpọlitawo Zaịọn site n’okpuru.

101 ^aỤwa ahụsiwo anya n’ọrụ ma mipụta ike nile nke ya;Ma ezi-okwu ka ehiweworo n’afọ ya nile;Ma elu-igwe nile egosiwo ya iru ọchị.Ma e yinyewo ya uwe nke ^bebube nke Chineke ya;N’ihi na ọ na-eguzo n’etiti ndị nke ya.

102 Otuto, na nnukwu ugwu, ma ike, na ume,Bụrụ ihe e nyere Chineke anyị; n’ihi na ọ jupụtara ^an’ebere,Ikpe ziri ezi, amara na ezi-okwu na ^budo,Ruo mgbe nile na mgbe nile, Amen.

103 Ma ọzọ, n’ezie, ezie, a sị m unu, ọ dị mkpa na onye ọbụla nke pụrụ ikwusa ozi-ọma mgbe nile na-adigide m, na ọbụrụraa na ha nwere ezi na ụlọ nile, ma, nata ego site n’onyinye, na ha ga-eziga ya nye ha, ma-ọbụ were ya mee ihe maka uru ha, dịka Onye-nwe ga-eduzi ha, n’ihi na otu a ka ọ dị m nnọọ mma.

104 Ma ka ndị nile n’enweghi ezi na ụlọ, ndị na-anata ^aego, zigara ya onye ụkọchukwu na Zaịọn, ma-ọbụ nye ụkọchukwu na Ohio, ka e wee nwee ike nyefee ya maka iweputa mkpughe nile na ibipụta ya, na kwa ihiwe Zaịọn.

105 Ma ọbụrụ na onye ọbụla ga-enye onye ọbụla n’ime unu uwe mkpuchi ime, ma-ọbụ uwe ntizu, were ndị ochie ma nye ^andị ogbenye, ma gaa n’ụzọ gị n’an̄ụrị.

106 Ma ọbụrụ na onye ọbụla n’etiti unu esie ike na Mụọ, ka ọ ^akpọrọ onye ahụ nke n’adịghị ike, ka o wee nwee ike inweta mbuli muọ ^bn’ịdị nwayọ nile, ka ọ wee nwe ike ịdị kwa ike.

107 Ya mere, unu kpọrọ ndị ahụ ndị e chiri echichi n’ọkwa nchụ-aja ^anke nta, ma zịpụ ha n’iru unu ị ga mee eyiri-eyi nile, na ịkwado ụzọ, na ije nzukọ e yiri eyi nke unu onwe unu agaghị enwe ike ejezu.

108 Lee, nke a bụ ụzọ nke ndị-ozi m nile, n’ụbọchị nile mgbe ochie, jiri wulite nzukọ-nsọ m nye m.

109 Ya mere, ka onye ọbụla guzoro n’ọkwa-ọrụ nke ya, ma rụọ ọrụ n’ọkpụkpọ-oku nke ya; ma ka isi ghara ịgwa ụkwụ nile na ya enweghi mkpa nke ụkwụ; n’ihi na ma ụkwụ adịghị olee otu arụ ga-eji guzo?

110 Arụ kwa chọrọ ^aakụkụ ọbụla, ka ha nile wee kwalite ibe ha n’ọtụ, ka usoro unu nwee ike ịnọ n’ozuzu oke.

111 Ma lee, ^andị-isi-nchụ-aja ga-aga njem, na kwa ndị-okenye, na kwa ^bndị nchụ-aja dị nta; mana ^cndị dikọn na ^dndị nkuzi ka a ga-ahọpụta ^eilekọta nzukọ-nsọ anya, ị bụrụ ndị mgbasa ozi ga-eguzogide nye nzukọ-nsọ.

112 Ma ụkọchukwu, Newel K. Whitney, kwesị kwara ịga-njem gburu gburu ma n’etiti nzukọ-nsọ nile, na-achọpụta ndị ogbenye ^ailekọta mkpa ha nile site n’ime ka ndị ọgaranya na kwa ndị mpako dị ^bumeala.

113 O ga-ewekwa onye ^annọchi-anya ga-elekọta ma na-arụ ọrụ ya nke anụ arụ dịka o siri tụzie ntụzi aka.

114 Otu osila dị, ka ụkọchukwu gaa n’ime obodo-ukwu New York, na kwa n’obodo ukwu Albany, na kwa n’obodo-ukwu Boston, ma dọọ ndị obodo ukwu ndị ahụ aka na ntị jiri ụda nke ozi-ọma, jiri olu na-adasi ike, maka ^ambibi na mkpochapụ kpam kpam nke na-eche ha ma ọbụrụ na ha ajụ ịnabata ihe ndị a nile.

115 N’ihi na ọbụrụ na ha ajụ ịnabata ihe ndị a nile oge awa nke ikpe ha dị nso, ma ụlọ ha ka a ga-ahapụrụ ha na ^ambibi.

116 Ka ọ ^atụkwasị obi na m ma ọ gaghị enwe ^bmgbagwoju anya; ma ^cagịrị nke isi ya ọbụla a gaghị ada n’ala n’ahụghị ya.

117 Ma n’ezie a sị m unu, ndị odibo m ndị fọdụrụ, unu ga-apụ dịka ọnọdụ unu nile ga-esi kwere n’ime ọkpụkpọ-oku unu di iche iche, rute na nnukwu obodo ukwu nile na ọnụmara nile amara aha ha, na-akatọ ndị ụwa n’ezi-omume maka ajọọ-omume ha na omume-amaghị Chineke ha nile, na akọwa n’ụzọ doro anya ma kwe nghọta ịtọgbọrọ n’efu—nke ihe-arụ n’ụbọchị ndị ikpe-azụ.

118 N’ihi na jiri unu ka Onye-nwe Pụrụ Ime Ihe nile kwuru, a ga m ^aebibi ala-eze ha nile; a gaghị m ^bakwagharị ụwa nanị, mana elu-igwe nile jupụtara na kpakpando ga-ama jijiji.

119 N’ihi na mụ, Onye-nwe, esetịpụwo aka m itinye n’ezigbo ọrụ ike nile nke elu-igwe; unu enweghi ike ịhụ ya ugbụ a, mana nwa-ntịị oge ma unu ga-ahụ ya, ma mata na m nọ, ma na m ^aga-abịa ma ^bchịa mụ na ndị nke m.

120 A bụ m ^aAlfa na Omega, mmalite ahụ na ọgwụgwụ ahụ. Amen.