1 N̄aa-ntị, ma lee otu olu dịka nke onye e zidatara n’ala site n’elu, onye dị ukwuu ma dịkwa ike, onye ngapụ ya bụ ruo na nsọtụ nile nke ụwa, e, onye olu ya bụ nye ụmụ mmadụ—^aDozienụ ụzọ nke Onye-nwe, mee ka ụzọ ya nile guzozie.

2 ^aỌtụghe-ụzọ nile nke ^bala-eze Chineke ka e nyefere mmadụ n’ụwa ma site n’ebe ahụ ka ozi-ọma ahụ ga-apụ ruo nsọtụ nile nke ụwa, dịka ^cokwute awapụtara n’elu ugwu n’ejighi aka si agawa, ruo mgbe o ^djupụtara ụwa nile.

3 E, otu olu na-akwa akwa—Dozienụ ụzọ nke Onye-nwe, dozienụ ^anri anyasị nke Nwa-atụrụ ahụ, jịkere nụ maka ^bOnye na-alụ nwunye.

4 Kpee ekpere nye Onye-nwe, kpọkuo aha nsọ ya, mee ka amata ọrụ ya nile dị ebube n’etiti ndị mmadụ.

5 Kpọkuo nụ Onye-nwe, ka ala-eze ya gaa n’iru n’elu ụwa, ka ndị bi n’ebe ahụ nwee ike inata ya, ma nọrọ na njikere maka ụbọchị ndị na-abịa, n’ime nke Ọkpara nke Mmadụ ^aga-arịda site n’elu-igwe, ^byikwasị ịdị-ọcha nke ^cebube ya, izute ^dala-eze nke Chineke nke e hiwere n’elu ụwa.

6 Ya mere, ka ^aala-eze nke Chineke gaa n’iru, ka ^bala-eze nke elu-igwe bịa, ka gị. O Chineke, bụrụ onye e buliri-elu n’elu-igwe otu a n’ụwa ka ndị-iro gị nile bụrụ ndị emerịrị n’ihi na nnukwu nsọpụrụ ahụ bụ nke ^cgị, ike na ọtutọ ruo mgbe nile na mgbe nile. Amen.