Nkeji 49
Mkpughe e nyere site n’aka Joseph Smith Onye-amụma nye Sidney Rigdon, Parley P. Pratt na Leman Copley, na Kirtland, Ohio, Maach 1831 (History of the Church, 1:167–169). (Ụfọdụ ebe-nnweta akụkọ na-enye oge mkpughe nke a dịka Mee 1831). Leman Copley anabataworịị ozi-ọma mana kwesịe ike n’ụfọdụ nkuzi nke ndị Shaker (Otu Njikọ nke ndị Kwere na Mpụta nke Kraịst nke Ugboro Abụọ), nke ọ banyere na mbụ. Ụfọdụ okwukwe nke, ndị Shaker bụ na ọbịbịa nke ugboro abụọ nke Kraịst emezuworị ma na ọ bịara n’ụdị nke nwanyị, Ann Lee; baptism site na mmiri esoghi n’ihe agụnyere dị mkpa; iri anụ ezi bụ kwa ihe asị emela, ma ọtụtụ erikwaghị anụ ọbụla; ma ndụ alụghị nwanyị ma-ọbụ di bụ nke a sị na ọ dị elu karịa ọlụlụ di na nwunye. Mgbe ọ na-ede okwu mmalite mkpughe nke a, Onye-amụma dere, “N’ihi inwe nghọta zuru-oke karịa n’okwu nke a, a jụrụ m Onye-nwe, ma nata nke a na-eso (History of the Church, 1:167). Mkpughe ahụ gosịrị ụgha nke echiche ntọ-ala nile nke ndị otu Shaker. Ndị ụmụnne ndị ahụ a kpọrọ aha na mbụ weere otu kọpi nke mkpughe a ga-nye ndị ogbe ndị Shaker (na nso Cleveland, Ohio) ma gụọ ihe nile dị na ya nye ha, mana ha jụrụ ya.
1–7, Ụbọchị ahụ na awa nke Kraịst ji-abịa ga-anọrọ n’enweghi onye ma ya ruo mgbe ọ bịara; 8–14, Ndị mmadụ aghaghị ichegharị, kwere n’ozi-ọma, ma rube isi n’emume-nso nile maka inweta nzọpụta; 15–16, Ọlụlụ di na nwunye bụ ihe Chineke hiwere; 17–21, Iri anụ bụ ihe a kwadoro; 22–28, Zaịọn ga-aba ụba ma ndị Leman ga-agbawa dịka okoko-rose tutu Ọbịbịa nke Ugboro Abụọ.
1 N̄aa-ntị n’okwu m, ụmụ odibo m Sidney, na Parley, na Leman; n’ihi na lee, n’ezie a sị m unu, na e nye m unu iwu-nsọ na unu ga-aga ma akwusaa ozi-ọma m nke unu nataworo, ọbụna otu unu si nata ya nye ndị Shaker.
2 Lee, a sị m unu, na ha chọrọ, ịma akụkụ ezi-okwu, mana ọbụghị ha nile, n’ihi na ha aezighị-ezi n’iru m ma kwesịrị ichegharị.
3 Ya mere, a na m eziga unu ndị odibo m Sidney na Parley, ikwusa ozi-ọma ahụ nye ha.
4 Na nwa odibo m Leman ka a ga-echi echichi nye ọrụ nke a, ka ọ wee nwee ike ịtụgharị kọta uche ya na ha, ọbụghị dịka nke ahụ nke ọ natara ha, mana dịka nke ahụ nke a aga-akụziri ya site n’aka unu ndị odibọ m; ma site n’ime otu a, a ga m agọzi ya, ma ọbụghị otu a ọ gaghị enwe ọgan’iru.
5 Otu a ka Onye-nwe kwuru; n’ihi na a bụ m Chineke, ma azipụwo kwa Ọkpara nke M Mụrụ Nanị ya n’ime ụwa maka bmgbapụta nke ụwa, ma e nyewo m iwu-ọkụ na onye ahụ nke nabatara ya ka a ga-azọpụta, ma onye ahụ nke n’anabataghị ya ka a cga-ama ikpe–
6 Na ha emewo nye aỌkpara nke Mmadụ ọbụna dịka ha chọrọ rịị ma o werewo ike ya bn’aka nri nke cebube ya, ma ugbụ a ọ na-achị n’elu-igwe nile ma ga-achịgide ruo mgbe ọ ga-arịdata n’ụwa ịdebe ndị-iro nile dn’okpuru ụkwụ ya, nke oge ya dịkwa nso n’ọba aka—
7 Mụ, Onye-nwe Chineke, ekwuwo ya; mana awa na aụbọchị ahụ ọdịghị onye matara, ọbụladị ndị mụọ-ozi bi n’elu-igwe, ọbụghị ma ha ga-amata ruo mgbe ọ ga-abịa.
8 Ya mere, a chọrọ m ka mmadụ nile chegharịa, n’ihi na mmadụ nile nọ n’okpuru ammehie, ewezuga ndị ahụ m dọtara nye onwe m, ndị mmadụ bdị-nsọ nke unu n’amataghị gbasara ha.
9 Ya mere, a sị m unu na e zipụwo m nye unu aọgbụgba-ndụ mgbe nile na-adigide m, ọbụna nke ahụ sitere na mmalite.
10 Ma nke ahụ nke m kweworo na nkwa e mezuwo m ya, ma amba nile nke ụwa bga-akpọ isi-ala nye ya; ma, ma ọ bụghị ha n’onwe ha, ha ga-alọda-ala, n’ihi na nke ahụ nke buliri onwe ya elu ugbu a ka a cga-eweda ike ya ala.
11 Ya mere, e nye m unu iwu-nsọ ka unu agaa n’etiti ndị a, ma sị ha dịka onye-ozi m mgbe ochie, nke aha ya bụ Peter:
12 Kwere n’aha nke Onye-nwe Jisus, onye nọọro n’ụwa, ma ga-abịa, mmalite na ọgwụgwụ;
13 aChegharịa ma mee baptism n’aha nke Jisus Kraịst dịka iwu-nsọ dị nsọ siri dị, maka nsachapụ nke mmehie nile;
14 Ma onye ọbụla mere nke a ga-anata aonyinye nke Mụọ Nsọ, site n’ibịkwasị baka n’isi nke ndị okenye nke nzukọ-nsọ.
15 Ma ọzọ, n’ezie a sị m unu na onye ọbụla ana-egbochi ịlụ di ma-ọbụ nwunye abụghị nke Chineke chiri echichi, n’ihi na bọlụlụ di na nwunye bụ ihe Chineke chiri echichi nye mmadụ.
16 Ya mere, iwu kwadoro na nwoke ga-enwe otu anwunye, ma ha abụọ ga-abụ otu banụ arụ, na ihe ndị a nile ka cụwa wee mezuo ihe eji kee ya.
17 Ma ka o wee ju n’ọnụ-ọgụgụ mmadụ, dịka aokike ha btutu ụwa amalite.
18 Ma onye ọbụla ana-egbochi iri banụ nile, na mmadụ ekwesikwaghị iri ya, e chighi ya site nke Chineke;
19 N’ihi na, lee, aanụ ọhịa nile na anụ ufe nile nke ikuku, na nke ahụ na-esite n’ala pụta, ka e chiri maka mmadụ iri ha dịka nri na maka uwe, ma ka o wee nwee n’uju.
20 Mana enyeghi ya ka otu onye anwee karịa onye ọzọ, ya mere bụwa jupụtara na mmehie.
21 Ma ahụhụ ga-adịrị onye ọbụla nke akwafụrụ ọbara ma-ọbụ nke ji anụ arụ laa n’iyi ma o nweghị mkpa.
22 Ma ọzọ, n’ezie a sị m unu, na Ọkpara nke Mmadụ a gaghị aabịa n’ụdị nke nwanyị, ma-ọbụ na nke nwoke na-eje njem n’ụwa.
23 Ya mere, ekwela ka e aduhie unu, mana nọgide n’ịkwụsike bna-elepụ-anya mgbe elu-igwe nile ga-eme mkpọtụ, ma ụwa ịma jijiji na ịma ririri gaa n’iru ma n’azụ dika onye n̄ụbigara mmanya oke, na mgbe a ga-ebuli cndagwurugwụ nile elu, na mgbe a ga-ewedata dugwụ nile ala, na mgbe ebe nkume nile ga-aghọ kwa ebe dị larịị—na ihe nile a mgbe mụọ-ozi ga-afụ eopi ya.
24 Mana tutu nnukwu ụbọchị nke Onye-nwe ga-abịa, aJekọb ga-aba ụba n’ime ọzara, ma ndị Leman bga-agbawa dịka okoko-rose.
25 Zaịọn aga-aba ụba n’elu bugwu nta nile ma ga-an̄ụrị n’elu ugwu nile, ma a ga-agbakọta ọnụ n’ebe nke ahụ m họpụtaworo.
26 Lee, a sị m unu, gaanụ dịka m nyeworo unu n’iwu; chegharịa nụ site na mmehie nile nke unu; arịọnụ ma unu ga-arịọta; kụọ nụ aka ma a ga-emeghe ya nye unu.
27 Lee, a ga m aga n’iru unu ma bụrụ kwa onye ana-aga n’azụ unu; ma a ga m anọ bn’etiti unu, ma unu agaghị enwe cmgbagwọ-ju-anya.
28 Lee, a bụ m Jisus Kraịst, ma a na m abịa aọsọ-ọsọ. Ọbụna otu a. Amen.