1 N̄aa-ntị, O unu ndị nke nzukọ nsọ m, ka Onye-nwe Chineke unu kwuru, na nụrụ nụ okwu nke Onye-nwe gbasara unu.

2 Onye-nwe, onye nke ^aga-abịa na temple ya; na mberede, Onye-nwe, onye nke ga-agbadata n’elu ụwa jiri ịbụ ọnụ na ^bikpe-ikpe, e, n’elu mba nile na-echefu Chineke, na n’elu isi ndị nile na-amaghị Chineke n’etiti unu.

3 N’ihi na ọ ^aga-agbawa ogwe aka ya ọtọ n’anya nile nke mba nile, na nsọtụ nile nke ụwa ga-ahụ ^bnzọpụta nke Chineke ha.

4 Ya mere, kwadobe nụ, kwadobe nụ, O ndị nke m, sachaanụ onwe unu nile, gbakọtaanụ ọnụ, O unu ndị nke nzukọ nsọ m, n’elu ala nke Zaịọn, unu nile ndị na-enyeghị iwu ka unu chere.

5 Si nụ na ^aBabịlọn pụọ. Dị nụ ^bọcha bụ ndị na-ebu ngwa-ọrụ nile nke Onye-nwe.

6 Kpọọ ọgbakọ ofufe ime mụọ unu nile, na ^akwuo nụ okwu ugboro ugboro otu onye nye onye ọzọ. Na ka nwoko ọbụla kpọkuo aha nke Onye-nwe.

7 E, n’ezie asị m unu ọzọ, oge ahụ abịawo mgbe olu-okwu nke Onye-nwe na-adara unu: Sinu na Babịlọn pụọ, ^agbakọta nụ site n’etiti mba nile, site ^bn’ifufe anọ nile, site n’otu ngwụcha nke elu-igwe ruo na nke ọzọ.

8 ^aZipụ ndị okenye nke nzukọ nsọ m nye mba nile, bụ ndị nọ n’ebe dị anya; nye ^bala nile mmiri gbara gburu gburu, ziga nye ala ndị ọzọ nile, kpọkuo mba nile, nke mbụ nye ^cndị Jentaịlụ nile, na mgbe ahụ ^dndị Juu nile.

9 Na lee, na hụ, nke a ga-abụ iti mkpu ha, na olu-okwu nke Onye-nwe nye mmadụ nile: Gaa nụ baa n’ime ala nke Zaịọn, ka oke ala ndị m buwanye ibu, na ka ^astek ya nile nwee agbam-ume, na ka ^bZaịọn wee gaa n’iru baa n’ime mpaghara nile dị gburu gburu.

10 E, ka iti mkpu ahụ gaa n’iru n’etiti madụ nile: Teta na bilie na gaa n’iru izute ^aOnye ahụ na-alụ nwunye ọhụrụ; lee na hụ, Onye na-alụ nwunye ọhụrụ na-abia; pụọ nụ gaa zute ya. Kwadobe onwe unu nile maka ^boke ụbọchị nke Onye-nwe.

11 Ya mere, ^achee nu nche, n’ihi na unu ^bamataghị ụbọchị ahụ ma-ọbụ oge awa ahụ.

12 Ya mere, ka ha-ra, bụ ndị nọ ^an’etiti ndị Jentaịlụ nile gbaba na ^bZaịọn.

13 Na ka ha ra bụ ndị ^aJuda gbaba na ^bJerusalem, ^cn’ugwụ nile nke ^dụlọ nke Onye-nwe.

14 Pụọ nụ site n’etiti mba nile, ọbụladị site na Babịlọn, site n’etiti ajọọ omume nke bụ Babịlọn nke mụọ.

15 Mana n’ezie, otu a ka Onye-nwe kwuru, ka mgbapụ unu ghara ịdị ^aọsọ ọsọ, mana ka a kwado ihe nile n’iru unu, na onye na-aga, ya ^belekwala anya n’azụ, ka mbibi mberede ghara ịdakwasị ya.

16 N̄aa ntị na nụrụ, O unu ndị bi n’elu ụwa. ^aGekọtaa nụ ntị ọnụ unu ndị okenye nile nke nzukọ nsọ m, na nụrụ nụ olu okwu nke Onye-nwe; n’ihi na ọ na-akpọ madụ nile oku, ọ na enyekwa madụ nile ịwu n’ebe nile ka ha ^bchegharịa.

17 N’ihi lee, Onye-nwe Chineke ^aezipụwori mụọ-ozi ahụ na-eti mkpu n’etiti nke elu-igwe, na-asị: Kwado nụ ụzọ nke Onye-nwe, na mee ka okporo ụzọ ya dị ^bwarawara, n’ihi na oge awa ahụ nke ^cọbịbịa ya adịwo nso—

18 Mgbe ^aNwa-atụrụ ahụ ga-eguzo, n’elu ^bUgwụ Zaịọn, ya na otu ^cnarị puku na iri puku anọ na anọ, bụ ndị e deworo aha nke Nna ya n’egedege iru ha nile.

19 Ya mere, kwado nụ maka ^aọbịbịa nke ^bOnye na-alụ nwunye ọhụrụ; gaa nụ, gaa nụ n’ezi i zute ya.

20 N’ihi lee, ọ ^aga-eguzo n’elu ugwụ Olivet, na n’elu nnukwu oke osimiri, ọbụna ebe miri oke emi, na n’elu ala nile mmiri gbara gburu gburu, na n’elu ala nke Zaịọn.

21 Na ọ ^aga-ekwupụta olu okwu ya site n’ime ^bZaịọn, na ọ ga-ekwu okwu site na Jerusalem, a ga-anụkwa olu okwu ya n’etiti ndị nile;

22 Ọ ga-abụkwa olu okwu dika ^aolu okwụ nke ọtụtụ mmiri nile, dika kwa olu okwu nke oke ^begbe elu-igwe, nke ^cga-akwatu ugwu ukwu nile, na ndagwurugwụ nile ka na-agaghị achọta.

23 Ọ ga-enye ebe miri oke emi iwu, ma e wee chụghachi kwa ya azụ n’obodo nile nke elu elu, na ^aala nile mmiri gbara gburu-gburu ga-aghọ otu ala;

24 Na ala nke ^aJerusalem na ala nke Zaịọn ka a ga-eweghachi azụ bịa n’ime ọnọdụ nke ha, na elu ụwa ga-adị dịka ọ dịworo n’ụbọchị nile tutu e ^bkewaa ya.

25 Na Onye-nwe, ọbụna Onye nzọpụta ga-eguzo n’etiti ndị nke ya, na o ^aga-achị eze nye anụ arụ nile.

26 Na ka ha ra bụ ndị nọ n’obodo nke ^aelu elu nile ga-abịa na ncheta n’iru nke Onye-nwe, na ndị amụma ha nile ga-anụ olu okwu ya, na ha a gaghị kwa akwụsị onwe ha, ha ga-emekpa kwa nkume nile arụ, na mmiri jụrụ oyi ga-eruda n’iru ha.

27 A ga ewu kwa ^aokporo ụzọ n’ime etiti ebe ahụ miri oke emi.

28 Ndị iro ha ga-abụrụ ha anụ mgburi.

29 Na n’ime ọzara nile nke ^ana-enweghi ike ịmịta mkpụrụ, ebe ahụ ka ọdọ mmiri nile nke ndụ ga-esi pụta, na ala ahụ nke kpọrọ nkụ a gaghị abụ kwa ala nwere agụụ mmiri.

30 Na ha ga-eweta ụba akụ ha nile nye n’aka ụmụ ^aIfrem, ndị odibo m nile.

31 Na oke ala nile nke ^augwụ nile nke mgbe nile na-adigide ga-ama jijiji n’iru ha.

32 N’ebe ahụ kwa ka ha ga-ada n’ala, e wee kpube ha okpu eze ebube, ọbụladị n’ime Zaịọn, site n’aka nile nke ndị odibo nke Onye-nwe, ọbụna ụmụ nke Ifrem.

33 Na ha ga-ejupụtakwa ^an’abụ nile nke ọn̄ụ mgbe nile na-adigide.

34 Lee, nke a bụ ngọzi ahụ nke Chineke mgbe nile na-adigide n’elu ^aagbụrụ nile nke Israel, na ngọzi nke kacha n’ụba n’elu isi nke ^bIfrem na ndị ibe ya nile.

35 Na ha onwe ha kwa nke agbụrụ ^aJuda, mgbe ahụ mgbu ha gafere, a ga-asacha ha n’ime ^bịdị nsọ n’iru Onye-nwe, ibi n’iru ya ehihie na abalị, ruo mgbe nile na mgbe nile.

36 Na ugbụ a, n’ezie ka Onye-nwe kwuru, ka-amata ihe ndị a n’etiti unu, O ndị nile bi n’elu ụwa, ezipuwo m ri ^amụọ-ozi nke m ka ọ na-efe n’etiti elu-igwe, na-enwe ^bozi-ọma mgbe nile na-adigide, onye gosiworo onwe ya nye ụfọdụ, o nyefewo kwa ya n’aka mmadụ, onye ga-egosikwa onwe ya nye ọtụtụ ndị bi n’elu ụwa.

37 Na ^aozi-ọma nke a ka a ^bga-ezisa nye mba ^cnile, na ebo nile, na asụsụ nile, na ndị nile.

38 Na ndị odibo nile nke Chineke ga-aga n’iru, na-asị n’oke olu okwu: Tụọ nụ Chineke egwu na nye ya otuto, n’ihi n’oge awa nke ikpe ya abiawo;

39 ^aKpọọ kwa nụ isi ala nye ya bụ onye kere elu-igwe, na ala na oke osimiri, na isi iyi nile nke mmiri nile—

40 Na-akpọku aha nke Onye-nwe, ehihie na abali, na-asị: O asị na ị ^aga-adọwa elu-igwe nile ka i wee rịdata, asi na ugwụ ukwu nile ga-eruda dika mmiri n’iru gị.

41 Na a ga-aza ya n’isi ha nile; n’ihi na iru nke Onye-nwe ga-adị ka ọkụ na-agbaze ihe nke na-ere, na dịka ọkụ na-eme ka mmiri nile ^asụọ.

42 O Onye-nwe, ị ga-aridata ime ka aha gị pụta ìhè nye ndị iro gị, na mba nile ga-amakwa jijiji n’iru gị—

43 Mgbe i mere ihe nile di egwu, ihe nile ha na-eleghị anya ha;

44 E, mgbe i rịdatara, na ugwu ukwu nile esi n’iru gị ruda dịka mmiri, ị ^aga-ezute onye ahụ nke na-an̄ụrị ọnụ ma na-arụkwa ọrụ ezi omume, onye nke na-echeta kwa gị n’ime ụzọ gị nile.

45 N’ihi site na mbido nke ụwa, mmadụ anụghị, ha anụtaghị kwa na ntị, ma-ọbụ anya ọbụla ahụghi kwa, O Chineke, ewezuga gị, ka ihe nile sị dị ukwuu nke i ^akwadoworo nye onye nke ^bna-echere gị.

46 Na a ga-ekwu sị: ^aOnye bụ nke a na-esi na Chineke nke elu-igwe ^bna-arịdata, yi uwe nsọ e tejiri ọbara-ọbara; e, site na mpaghara nile nke na-amaghị ama, onye na-eyi uwe dị ebube mara nma ya, na-azọ ije na ịba-ụba nke ike ya?

47 Na onye ahụ ga-asị: Abụ m ya onye nke kwuworo okwu n’ezi omume, dị ike ịzọpụta.

48 Onye-nwe ga-adi ^aọbara ọbara n’uwe ya, na uwe nsọ ya dịka nke onye ahụ nke na-ayọcha mmanya n’ebe ịnara mmanya.

49 Na ọ ga-adị ukwuu bụ ebube nke iru ya, nke mere na ^aanyanwụ ga-ezopụ iru ya n’ihere, na ọnwa ga-ejide ìhè ya, na kpakpando nile ka a ga-atụda site n’ebe nile nke ha.

50 Na a ga-anụ olu okwu ya: ^aazọchawo m ebe ịnara mmanya nanị m, na ewetawo m ikpe megide ndị nile; na ọ dịghị onye ọbula mụ na ya nọ;

51 Na azọpịawo m ha n’oke iwe m, na m zọdara ha na ọnụma m, na ọbara ha ka m ^afesara n’uwe nsọ m nile, na merụọ uwe oyiyi m nile, n’ihi na nke a bụ ụbọchị ịbọ ọbọ nke dịworị n’ime obi m.

52 Na ugbua afọ nke ndị m agbapụtaworo abịawo, na ha ga-ekwupụta ịhụnanya obi-ọma nke Onye-nwe ha, na-ihe nile o nyeworo n’aka ha dịka ịdị nma ya siri dị, na dịka ịhụnanya obi-ọma ya siri dị ruo mgbe nile na mgbe nile.

53 N’ime ^amkpagbu nile ha, ya ka-akpagburu. Na mụọ-ozi nke iru ya azọpụtawo ha, na n’ime ^bịhụnanya ya, na ọmiko ya, ọ ^cgbapụtara ha, na palie ha, na kụrụ ha ụbọchị nile nke mgbe ochie;

54 E, na ^aInọk kwa, na ndị ahụ bụ ndị nọnyeere ya; ndị amụma nile ndị bu ya ụzọ; na ^bNoa kwa, na ndị ahụ bụ ndị bu ya ụzọ; na ^cMoses kwa, na ndị ahụ bu ndị bu ya ụzọ;

55 Na site na Moses ruo na Elaịja, na site na Elaịja ruo na Jọn, ndị nonyeere Kraịst n’ime ^ambilite n’ọnwụ ya, na ndị-ozi nile dị nsọ, tinyere Abraham, Aịsak, na Jekọb ga-anọ n’iru nke Nwa-atụrụ ahụ.

56 Na ^aili nile nke ^bndị-nsọ ka a ga ^cemeghe; na ha ga-apụta, guzokwa ^dn’aka nri nke Nwa-atụrụ ahụ, mgbe ọ ga-eguzo n’elu ^eUgwu ukwu Zaịọn, na n’elu obodo ukwu ahụ dị nsọ, Jerusalem ^fỌhụrụ ahụ; na ha ga-abụ ^gabụ nke ^hNwa-atụrụ ahụ, ehihie na abalị ruo mgbe nile na mgbe nile.

57 Na n’ihi nke a, ka e mee ka ndị mmadụ keta oke ^an’ebube nile nke a ga-ekpughe, Onye-nwe ezipuwo uju nke ^bozi-ọma ya, ọgbụgba-ndụ mgbe nile na-adigide nke ya na-ịtụgharị uche na ịdị mfe nghọta na enweghị mpako.

58 Ka e wee kwadobe ndị na-adịghị ike maka ihe ndị ahụ na-abịa n’elu ụwa, na n’ihi ozi nke Onye-nwe, n’ụbọchị ahụ mgbe ^andị na-adịghị ike ga-eme ka ihere mee ndị oke amamihe, na ^bonye dị nta ga-aghọ mba dị ike, na madụ ^cabụọ ga-eme ka puku mmadụ iri ha nile gbalaga.

59 Na site n’ihe nile na-adịghị ike nke ụwa, Onye-nwe ^aga-azọcha mba nile site n’ike nke Mụọ ya.

60 Na n’ihi nke a ka-enyeworo iwu nsọ nile ndị a; e nyere iwu nsọ ndị a ka-ewezuga ha site n’ụwa n’ụbọchị nke e nyere ha, mana ugbụ a ha ^aga-aga n’iru nye ^banụ arụ nile—

61 Na nke a dịka uche na ọchịchọ obi nke Onye-nwe siri dị, onye na-achị eze nye anụ arụ nile.

62 Na nye onye ahụ nke ^ana-echegharị ma ^bna-asacha onwe ya n’iru Onye-nwe ka a ga-enye ndụ ^cebighi-ebi.

63 Na n’isi ha bụ ndị ^ana-an̄aghị ntị nye olu okwu nke Onye-nwe ka a ga-emezu nke ahụ e dere site n’aka onye-amụma Moses, na-aga ^bebepụ ha site n’etiti ndị mmadụ.

64 Na kwa nke ahụ e dere site n’aka onye-amụma ^aMalakaị: N’ihi na, lee, ^bụbọchị ahụ na-abịa nke ^cga-ere ọkụ ka ite ọkụ, na ndị nfuli-elu nile, e, na ndị nile na-eme ihe mmebi iwu, ga-abụ ahịhịa ọka, na ụbọchị ahụ nke na-abia ga-erechapụ ha, ka Onye-nwe nke usuu nile nke ndị agha kwuru, nke mere na a gaghị ahapụrụ ha, ọbụghị mgbọrọgwụ, na-ọbụghị alaka.

65 Ya mere, nke a ga-abụ ọzịza nke Onye-nwe nye ha.

66 N’ụbọchị ahụ mgbe m bịakwutere ndị nke m, ọ dịghị onye ọbụla n’etiti unu nke ^anabatara m, ma a chụpụrụ unu n’ezi.

67 Mgbe m kpọrọ oku ọzọ, ọ dịghị onye ọbụla n’ime unu nọ maka ịza; mana ^aaka m adịghị mkpụ mkpụ ma ọlị nke m agaghị agbapụta, ma-ọbụ ^bike m ịnapụta.

68 Lee, na-ibasi mba ike m, ana m eme ka oke osimiri ^ataa. Ana m eme ka osimiri nile ghọọ ọzara; azụ ha na-esi-isi, na ha na-anwụ n’ihi akpịrị ịkpọ nkụ.

69 Ana m eyikwasị elu-igwe nile uwe ojii, na ana m eme akwa uwe ịgba mkpe ihe mkpuchi ahụ ha.

70 Na ^anke a ka unu ga-enweta n’aka m—unu ga-edina ala na mwute.

71 Lee, na hụ, ọ dịghị ndị ọbụla ga-enwe ike ịnapụta unu, n’ihi na unu erubeghị isi n’olu okwu m mgbe m kpọrọ unu oku site n’ime elu-igwe nile; unu ekwenyeghị okwu ndị odibo m, na mgbe e ^azitere ha nye unu, unu a nabataghị ha.

72 Ya mere, ha ^aarachiwo ọgbụgba ama ahụ na kechie iwu ahụ, na e nyefewo unu n’aka ọchịchịrị.

73 Ndị a ga-apụ baa n’ime ọchịchịrị nke ezi, ebe ^aịkwa akwa, ịkwa arịrị, na-ịta ikekere eze dị.

74 Lee Onye-nwe bu Chineke gị ekwuwo ya. Amen.