1 N’ezie a si m unu, gbasara ụmụnna unu ndị esogbuworo na ndị nwetara ^amkpagbu, na ^bnchụpụ achụpụrụ ha site n’ala nke ihe nketa ha—

2 Mu, Onye-nwe, kwenyere ka ^amkpagbu nke a bịakwasi ha, nke ejiworo sogbue ha, maka ^bnjehie ha nile;

3 Otu ọ dị, ha ga-abụ ^anke m, m ga-enwekwa ha n’ụbọchị ahụ mgbe m ga-abia ịhọzu ọla-ịchọ mma m nile.

4 Ya mere, o kwesịrị ^aịta ha ahụhụ ma nwalee ha, ọbụna dika ^bAbraham, onye e nyere iwu ka o nye nwa ya nwoke ọ mụrụ nanị ya.

5 N’ihi ndị nile n’agaghị anagide ịta ahụhụ, ma ^agọnari m, enweghi ike ịbụ ndị ^bedoro nsọ.

6 Lee, a si m unu, enwere ịkwa emo nile, na ^andọrọ-ndọrọ nile, na ^bntaji anya nile, na esem-okwu nile na ^cagụụ anụ arụ na anya ukwu n’etiti ha; ya mere site n’ihe ndị a ha meruru ihe nketa ha nile.

7 Ha emeghị ngwa ^an’in̄a nti nye olu Onye-nwe Chineke ha; ya mere Onye-nwe ha Chineke emeghị ngwa n’in̄a nti na-ekpere ha nile, iza ha n’ụbọchị nke nsogbu ha.

8 N’ụbọchị nke udo ha, ha weere ndụmọdụ nke m ihe efu; mana, n’ụbọchị nke ^ansogbu ha, n’ihi mkpa, ha ^benwee mmetuta gbasoo m.

9 N’ezie a si m unu, na-agbanyeghị mmehie ha nile, afọ m nile juputara ^an’ọmiko n’ebe ha nọ. Agaghị m ^bachụpụcha ha kpam kpam, ma n’ụbọchị nke ^coke iwe a ga m echeta ebere.

10 An̄uwo m iyi, ma iwu ọkụ ahụ apụwo site na iwu nsọ nke m nyeworo unu, na m ga-ekwe ka ọ daa bụ ^amma agha nke oke iwe m n’aha ndị nke m; ma ọbụna dịka m kwuworo, ọ ga-abia na mmezu.

11 Iwe ọkụ nke m ga-awụpụ n’oge na-adịghị anya, n’enweghi atụ, n’elu mba nile; ma nke a ka m ga-eme mgbe iko nke ajọ omume ha ^ajuru.

12 Ma n’ụbọchị ahụ ndị nile ahụrụ n’elu ^aụlọ-nche ma-ọbụ n’okwu ọzọ, Israel nke m nile, ka a ga-azọpụta.

13 Ma ha ndị ekposasiworo ka a ^aga-ekpokọta.

14 Ma ha nile ndị ^aruworo uju ka-aga akasi obi.

15 Ma ha nile ndị nyeworo ^andụ ha n’ihi aha m ka a ga-ekpuwe okpu-eze.

16 Ya mere, ka akasie unu obi gbasara Zaịọn; n’ihi anụ arụ nile nọ ^an’aka m; dere duu ma ^bmata na a bụ m Chineke.

17 ^aZaịọn agaghị abụ ihe ewepụrụ n’ọnọdụ ya, na-agbanyeghị n’ekposasịrị ụmụ ya.

18 Ndị ha, ndị fọdụrụ, ma dị kwa ọcha n’obi, ga-alọta ma bịakute ^aihe nketa ha nile, ha na ụmụ ha, jiri ^babụ nile nke ọn̄ụ mgbe nile na-adigide, ^ciwulite nkpọnkpọ ebe nile nke Zaịọn—

19 Ma ihe ndị a nile bụ ka e mezue ihe nile ndị amụma kwuru.

20 Ma, lee, onweghị ^aebe ọzọ a họputara karia nke ahụ m họpụtaworo, ọ bụghi ma n’aga-enwe ebe ọzọ a họpụtara karia nke ahụ m họpụtara maka ọrụ nke mkpọkọta nke ndị nsọ m nile—

21 Ruo mgbe ụbọchị ahụ ga-abia mgbe a na-agaghị achọta ohere maka ha; mgbe ahụ e nwere m ebe ndị ọzọ nke m ga-ahọpụtara ha, ma a ga-akpọ ha ^astek nile, maka akwa-mkpuchi nile ma-ọbụ ike nke Zaịọn.

22 Lee, ọ bụ uche m ka ha nile ndị na-akpọku aha m, ma na-akpọ isiala nye m dịka ozi-ọma mgbe nile na-adigide siri dị, ^aga-agbakọta, ma ^bguzo n’ebe nsọ nile.

23 Ma jikere maka mkpughe nke ga-abia, mgbe ^aakwa-mgbochi nke mkpuchi temple, n’ime ụlọ-nzukọ m, nke zoro ụwa, ka aga ewepu, ma anụ arụ nile ^bga-ahụzu m n’otu.

24 Ma ihe nile nke ^arere ure, ma nke mmadụ, ma-ọbụ anụ ọhịa nile, ma-ọbụ anụ ufe nile nke elu-igwe, ma-ọbụ azụ nile nọ na osimiri, nke bi, n’iru elu ụwa nile ahụ, ka a ^bga-erepịa.

25 Na kwa akọrọngwa di n’ime ya ^aga-agbaze site n’oke okpomọkụ ma ihe nile ga-aghọ ihe ^bọhụrụ, ka ọmụma ihe m na ^cebube m nọrọ n’elu ụwa nile.

26 Ma n’ụbọchị ahụ ^aịkpọ asi nke mmadụ, na ịkpọ asi nke anụmanụ nile, e, ịkpọ asi nke anụ arụ nile ^bga-akwụsị idi n’iru m.

27 Ma n’ụbọchị ahụ ihe ọbula nke onye ọbula ga-arịọ, a ga-enye kwa ya.

28 Ma n’ụbọchị ahụ ^aSetan a gaghị enwe ike ịnwa mmadụ ọbụla ọnwụnwa.

29 Ma agaghị enwe kwa ^airi uju n’ihi na ọnwụ adịghịkwa.

30 N’ụbọchị ahụ ^anwata agaghị kwa anwụ ruo mgbe ọ kara nka; ma ndụ ya ga-adị dị ka afọ nke osisi;

31 Ma mgbe ọ nwụrụ ọ gaghị arahụ-ụra, nke ahụ bụ ka asi n’ime ala, mana a ga-^aagbanwe ya n’otu ntabi anya, ma ^baga-ewelikọ ya, ma izu-ike ya ga-adị ebube.

32 E, n’ezie a si m unu, ^an’ụbọchị ahụ mgbe Onye-nwe ga-abia, ọ ^bga-ekpughe ihe nile—

33 Ihe nile ndị gara aga, na ihe ^anzuzo nile nke n’enweghi onye ma ha, ihe nile nke ụwa, nke e jiri kee ya ma ebum-n’obi na ọgwụgwụ nke ya—

34 Ihe nile dị oke ọnụ-ahịa, ihe nile dị n’elu, na ihe nile dị n’okpuru, ihe nile dị n’ime ụwa, na n’elu ụwa na n’ime elu-igwe.

35 Na ha nile ndị ^aesogburu n’ihi aha m, ma ha anọgide n’okwukwe, ọ bụ ezie n’akpọrọ ha ịtọgbọ ndụ ha ^bn’ihi m, otu ọ dị, ha ga-eketa oke n’ebube nke a nile.

36 Ya mere, atụla ụjọ ọbuna ruo ^an’ọnwu, n’ihi n’ime ụwa nke a ọn̄ụ unu ezughị oke ma n’ime m ^bọn̄ụ unu zuru oke.

37 Ya mere, enwela nchekasi maka arụ ahụ, ma-ọbụ ndụ nke arụ, mana nwee nchekasi maka ^amkpụrụ obi ahụ, ma n’ihi ndụ nke mkpụrụ obi ahụ.

38 Ma ^achọọ iru nke Onye-nwe oge nile, ka n’ime ^bndidi, ka unu nweta mkpụrụ obi unu nile, na unu ga-enweta ndụ ebighi-ebi.

39 Mgbe a kpọrọ ndị mmadụ n’ozi-ọma ^amgbe nile na-adigide nke m, ma jiri ọgbụgba-ndụ mgbe nile na-adigide, ha ka a ga-agụ ka ^bnnu nke ụwa na ụtọ nke mmadụ;

40 Ha ka akpọrọ ịbụ ụtọ nke mmadụ; ya mere, ọ bụrụ nnu ahụ nke ụwa etufuo ụtọ ya, lee, ọ dịghị kwa sịte mgbe ahụ ihe ọ di mma ya nani ka atụfuo ya na ka ndị mmadụ na-azọ ya ụkwụ;

41 Lee, n’ebe a ka amamihe dị, gbasara ụmụ nke Zaịọn, ọbụna ọtụtụ, mana ọbụghị ha nile, a chọpụtara ha ndị mmehie, ya mere a garịrị ^aịta ha ahụhụ—

42 Onye nke ^an’ebulite onwe ya elu ka a ga-eweda, ma onye nke ^bn’ewedata onwe ya a ga-ebuli ya elu.

43 Ma ugbụ a, a ga-egosi unu otu ilu, ka unu wee mara uche m gbasara mgbapụta nke Zaịọn.

44 Otu ^aọgaranya nwoke nwere otu mpekele ala nke mara mma; ma ọ sịrị ndị odibo ya: gaa nụ ^bn’ubi vine m, ọbụna n’elu ala nke a mara mma, ma kụọ osisi olive iri na abụọ;

45 Ma dota ^andị nche gburugburu ha, ma wuo ụlọ-elu tọwa, ka otu onye legide ala nke nọ gburugburu. Ka onye nche nọ n’elu n’ụlọ nche legide anya ka aghara ịgbaji osisi olive nke m mgbe onye iro ahụ ga-abia imebi ma were mkpuru nke ubi vine nke m.

46 Ugbụ a, ụmụ odibo ọgaranya nwoke ahụ pụrụ ma mee ka onye-nwe ha nyere ha n’iwu, ma kụọ ọtụtụ osisi olive, ma wuo ọgba gburugburu, ma tinye ndị nche, ma malite iwu ụlọ-elu tọwa.

47 Ma mgbe ha nọrịị na ntọ-ala ya, ha malitere na-asị n’etiti onwe ha. Olee mkpa onye-nwe nwere maka ụlọ-elu tọwa nke a?

48 Ma ha tụgharịrị uche ogologo oge, na-asi n’etiti onwe ha. Mkpa gịnị ka onye-nwe nwere maka ụlọ-elu tọwa nke a, ebe oge a bụ nke udo?

49 E nweghị ike iwere ego a tinye n’aka ndị na-agbanwe ego? N’ihi na enweghi mkpa maka ihe ndị a.

50 Ma mgbe ha nọ n’enweghi nkwekọrịta n’etiti ha, ha ghọrọ ndị ume-ngwụ, ma ha egeghị kwa ntị n’iwu-nsọ nile nke onye-nwe ha.

51 Ma onye-iro ahụ biara n’abali ma kwatue ^aọgba ahụ; ma ndị odibo, nke ọgaranya nwoke ahụ bilitere n’ụjọ ma gbafue. Ma onye-iro ahụ bibisiri ọrụ ha nile, ma kwatue osisi olive nile ahụ.

52 Ugbụ a, lee, ọgaranya nwoke ahụ, onye-nwe ubi vine, kpọrọ ụmụ odibo ya, ma si ha, Gịnị! Olee ihe kpatara oke ihe ọjọọ nke a?

53 Unu ekwesighi ime ọbụna dị ka m nyere unu n’iwu, na—mgbe unu kụsịrị ubi vine ahụ, ma wuo ọgba ahụ gburugburu, na tinye ndị nche na mgbidi ya nile ebe ahụ—wuo kwa ụlọ-elu tọwa, ma dota onye nche n’ụlọ-elu tọwa ahụ, ma lekọta ubi vine m, na ghara ịrahụ ụra, eleghị anya onye-iro ahụ abiakute unu?

54 Ma lee, onye nche ahụ nọ n’elu ụlọ-elu tọwa gaara ahụ onye iro ahụ mgbe ọ nọ n’ebe dị anya; ma mgbe ahụ unu gaara-adi na njikere ma kwusị onye iro ahụ site n’ikwatu ọgba ahụ, ma zọpụta ubi vine m n’aka onye mbibi ahụ.

55 Ma onye-nwe ubi vine ahụ sịrị otu n’ime ndị odibo ya. Gaa ma chikọta ndị fọdụrụ n’ime ụmụ odibo m, ma were ume ^anile nke ụlọ m, nke bụ ndị ọlụ agha m, ụmụ okorọbịa m, na ndị dimkpa n’ime ndị odibo m nile, ndị bụ ume nke ụlọ m, ewezuga ndị ahụ nanị m họpụtara ka ha nọrọ;

56 Ma gaa nụ ugbụ a n’ala nke ubi vine m ahụ, ma gbapụta ubi vine m, n’ihi ọ bụ nke m; a zụtawo m ya n’ego.

57 Ya mere, gaa nụ ugbụ a banye n’ala m; kwatue mgbidi nile nke ndị iro m; kụda ụlọ-elu tọwa ha, ma chụpụsia ndị nche ha—

58 Ma ọbụrụraa na ha a kpọkọta n’otu megide unu, ^abọọrọ m ọbọ nke ndị iro m, ka n’oge na-adịghị anya a ga m abia mụ na ndị fọdụrụ n’ụlọ m, ma nwere ala ahụ.

59 Ma nwa odibo ahụ sịrị onye-nwe ya: Olee mgbe ihe ndị a ga-abụ?

60 Ma ọ sịrị nwa odibo ya: Mgbe m chọrọ; gaa nụ ugbụ a, ma mee ihe nile dịka m nyere unu n’iwu;

61 Ma nke a ga-abụ ihe nrachi m na ngọzi nye gị—onye-ọrụ ^amaara ihe ma kwesi ntụkwasị-obi n’ime ụlọ nke m, ^bonye ọchịchị n’ala eze nke m.

62 Ma nwa odibo ya gara otu mgbe ahụ, ma mee ihe nile ọbụla, dịka onye-nwe ya nyere ya n’iwu; ma mgbe ọtụtụ ụbọchị ^agasịrị ihe nile mezuru.

63 Ọzọ, n’ezie a si m unu, a ga m egosi unu amamihe n’ime m gbasara Nzukọ-nsọ nile, ọ bụrụ na ha nọ na njikere ka e duzie ha n’ụzọ ziri ezi ma di mma maka nzọpụta ha—

64 Ka ọrụ ahụ nke mkpọkọta n’otu nke ndị nsọ m wee gaa n’iru na-agan’iru, ka m wee nwe ike wulie ha elu nye aha m, n’ebe ^adị nsọ nile; n’ihi oge ^bowuwe ihe ubi a bịawo, ma okwu m kwesịrị ^cimezu.

65 Ya mere, aghaghị m ikpọkọta ndị m otu ebe, dịka ilu nke ^aata nile na ọka, ka echekwaa ọka n’ime ọba ọka nile inweta ndụ ebighi-ebi; ma e jiri ebube nke ^bselestịal kpube ya okpu, mgbe m ga-abịa n’ala eze nke nna m inyeghachi onye ọbụla dịka ọrụ ya siri di.

66 Ebe a ga-ekekọta ata nile ahụ n’ukwu, e mesie edebe ha iche, ka ha wee ^aree n’ime ọkụ anapụghi imenyụ emenyu.

67 Ya mere, iwu-nsọ ka m na-enye nzukọ-nsọ nile, ka ha gaa-n’iru na-agbakọta na n’otu ebe nile nke m họpụtara.

68 Otu o sila dị, dịka m kwuworo nye gị na iwu-nsọ mgbe mbu, ka ^amgbakọ unu ghara ị bụ ọsọ ọsọ, ma-ọbụ site na mgbapụ; kama ka akwado ihe nile n’iru unu.

69 Ma ime ka-akwado ihe nile n’iru unu, debe iwu-nsọ ahụ nke m nyeworo gbasara ihe ndị a nile—

70 Nke sịrị, ma-ọbụ kuzie, ka ^aazụta ala nile n’ego, ndị e nwere ike ịzụta n’ego, n’ime mpaghara nile gbaa gburu-gburu ala ahụ nke m họpụtara ị bụ ala nke Zaịọn, maka mmalite nke mkpọkọta nke ndị nsọ m nile.

71 Ala nile enwere ike ịzụta na ógbè Jackson, n’obodo nile gbaa-gburu-gburu, ma hapụ nke fọdụrụ n’aka m.

72 Ugbụ a, n’ezie a sị m unu, ka nzukọ-nsọ nile wekọta ego ha nile otu ebe; ka e mee ihe ndị a nile n’oge ha, mana ọbụghị ^aọsọ ọsọ; ma hụkwa na enwetara ihe nile akwadoro n’iru unu.

73 Ma ka ahọpụta ndị nile a maara aha ha, ọbụna ndị nwere uche, ma zipụ ha ịzụta ala ndị a nile.

74 Ma nzukọ-nsọ nile nọ na mba ọwụwa anyanwụ nile, mgbe ewusiri ha, ọ bụrụ na ha ga-ege nti na ndụmọdụ nke a, ha nwere ike zụọ ala nile ma gbakọta na ha, ma site otu a ha enwee-ike hiwe Zaịọn.

75 E nwere ọbụna ugbụ a ihe akwadoro zuru oke, e ọbụna maa ụma, ịgbapụta Zaịọn, ma hiwe mkpọ mkpọ ebe ya nile, a gaghị akwatu ya ọzọ, ma-asị na nzukọ-nsọ nile, ndị kpọrọ onwe ha n’aha m, ^achọrọ ịn̄a nti n’olu m.

76 Ma ọzọ a sị m unu, ndị ahụ ndị-iro ha kposasịrị, ọ bụ uche m ka ha gaa-n’iru ịrịo maka ndozi, na mgbapụta, site n’aka ndị ahụ etinyere dịka ndị ọchịchị na-achị ha—

77 Dịka iwu nile na ^aakwụkwọ iwu nke ndị mmadụ, nke m kweworo ka ehiwe, ma kwesi ka akwado ya maka ^boke ruru-onye na nchekwa nke anụ arụ nịle, dịka ụkpụrụ nile ziri ezi na dị nsọ;

78 Ka onye ọbụla jee ije na ozizi na ụkpụrụ metụtara ọdị n’iru dịka ^aohere ịhọrọ n’etiti mma na njọ nke m nyeworo ya, ka onye ọbụla nwee-ike ^bịzara onwe ya maka mmehie ya nile n’ụbọchị nke ^cikpe.

79 Ya mere, ọ dịghị mma ka mmadụ ọbụla nọrọ n’agbụ, otu onye nye ibe ya.

80 Ma n’ihi ebum n’obi nke a, ka m jiri hiwe ^aakwụkwọ iwu nke obodo nke a, site n’aka ndị nwere uche, ndị m welitere maka ebum n’obi nke a, ma gbapụta ala ahụ site na ^bnkwafu ọbara.

81 Ugbụ a, gịnị ka m ga-eji atụnyere ụmụ nke Zaịọn? A ga m atụnyere ha ka ^ailu nke nwanyị na onye ọka-ikpe ahụ na-ekpe ikpe n’ezighi ezi, n’ihi na mmadụ kwesịrị i nọ ^bn’ekpere oge nile ma ghara ịda mba, nke sịrị—

82 E nwere n’otu obodo onye ọka ikpe nke na-anaghi atụ egwu Chineke, ọbụghị ma ọ na-asọpụrụ mmadụ.

83 Ma e nwere otu nwanyị isi-mkpe n’obodo ahụ, ma ọ bịakutere ya, na-asị, bọọ-rọm ọbọ nke onye-iro m.

84 Ma ọ chọghi ime ya na mbụ, mana emesịa ọ sịrị n’onwe ya: Ọ bụ ezie na-adịghị m atụ-egwu Chineke, ma-ọbụ nwee nsọpụrụ ebe mmadụ nọ, ma n’ihi na nwanyị nke a di ya nwụrụ na-esogbu m, a ga m abọrọ ya ọbọ, ma ọbụghị otu a, site na ọbịbịa ya mgbe na mgbe ọ ga-eme ka ike gwụ m.

85 Otu a ka m ga-eji atụnyere ụmụ nke Zaịọn.

86 Ka ha rịọ n’ụkwụ onye ọka-ikpe ahụ.

87 Ma ọ bụrụ na o geghị ha nti, ka ha rịọ n’ụkwụ nke aka na-achị obodo ahụ,

88 Ma ọ bụrụ onye na-achị obodo e geghị ha nti, ka ha rio n’ụkwụ nke onye-isi ala;

89 Ma ọ bụrụ na onye-isi-ala e geghị ha nti, mgbe ahụ ka Onye-nwe ga-ebili ma pụta site n’ebe ^anzuzo ya, na n’iwe siri ike nke ya, Ọ ga-ewesi mba ahụ iwe;

90 Na n’iwe ya dị ọkụ, na n’ime ọnụma ya, n’oge nke ya, ọ ga-egbuchapụ ndị ajọ omume ahụ, n’ekwesighi ntụkwasị obi, na ^andị ọrụ n’ekpe ikpe n’ezighi ezi, ma họpụtara ha oke ha n’etiti ndị iru-abụọ, na ^bndị n’ekweghị ekwe;

91 Ọbụna n’oke ọchịchịrị ebe e nwere ^aoke ịkwa-akwa, na iri uju, na ịta-ikikere eze.

92 Kpee nụ ekpere, ya mere, ka nti ha nile wee mepee nụrụ akwa nile unu, ka m nwee ^aobi-ebere nye ha, ka ihe nile ụdị a ghara ịdakwasị ha.

93 Ihe m kwuworo nye unu, ahaghị ịbụ, ka mmadụ nile ghara inwe ^angọpụ.

94 Ka ndị amamihe na ndị ọchịchị wee nụrụ ma mara ihe nke ha ^an’echetabeghi;

95 Ka m wee gaa n’iru iweta na mmezu omume m nke bụ ^aahụrụ mbụ, ma ruo ọrụ m, ọrụ bụ ahụrụ mbụ, ka ndị mmadụ ^bmara ihe di iche site na onye ezi omume na onye ajọọ-omume, ka Chineke unu kwuru.

96 Ma ọzọ, a si m unu, o megidere iwu-nsọ m na uche nke m ka nwa odibo m Sidney Gilbert ga-ere ^aụlọ-aku m, nke m họpụtaworo nye ndị m, nye n’aka ndị-iro m.

97 Ekwela ka nke ahụ m họpụtaworo wee bụrụ ihe emerụrụ site n’aka ndị-iro m, sitekwa na nkwekọrịta nke ndị ahụ ndị ^akpọrọ onwe ha n’aha m;

98 N’ihi nke a bụ nnukwu mmehie ruru-inyi megide m, ma megide ndị m, n’ihi ihe ndị ahụ nile nke m nyeworo n’iwu ọkụ, na nke na-aga ịdakwasị mba nile.

99 Ya mere ọ bụ ụche m ka ndị m nara na jịdekwa nke ahụ m họpụtara nye ha, ọ bụ ezie na-agaghị ekwe ha biri ebe ahụ.

100 Otu o sila di, asighi m na ha agaghị ebiri ebe ahụ; n’ihi ọ bụrụ na ha-amịpụta mkpụrụ na ọrụ nile kwesịrị ala-eze nke m ha ga-ebi ebe ahụ.

101 Ha ga-ewu ụlọ ma onye ọzọ agaghị ^aeketa ya; ha ga-akọ ubi vine, ma ha ga-eri mkpụrụ si na ya. Ọbụna otu a. Amen.