Ọ́hụ̀ e nyere Joseph Smith Onye-amụma na Sidney Rigdon, na Hiram, Ohio, 16 Februarị 1832 (History of the Church, 1:245–252). Mgbe o na-ede okwu mmalite nke ndekọta ọ́hụ̀ a Onye-amụma dere “Mgbe m lọghachiri site n’ọgbakọ Amherst, a malitekwara m ntụgharị-asụsụ nke Akwụkwọ-nsọ nile. Site n’ọtụtụ mkpughe nile nke m nataworo, o doro anya na ọtụtụ akụkọ dị mkpa gbasara mgbapụta nke mmadụ, ka e wepụrụ na Bible, ma-ọbụ na o furu tutu a chikọta ya. Ọ gbara ama nke onwe ya, site n’ezi okwu nile ndị a hapụrụ, na ọbụrụ na Chineke na-akwụghachi onye ọbụla ụgwọ-ọrụ ya nile dika ihe ndị e mere na arụ siri dị, ebe ahụ bụ ‘Elu-igwe’, dịka akwadoro ya ịbụ ụlọ ebe-obibi ebighi-ebi nke Ndị-nsọ, garịrị ịgụnye ala-eze karịrị otu. Maka nke a,…dịka a na-atụgharị Ozi-ọma nke Jọn Onye-nsọ, mụ onwe m na Okenye Rigdon hụrụ ọ́hụ̀ nke a na-eso”. (History of the Church, 1:245), Ọ bụ mgbe Onye-amụma tụgharịsịworo Jọn 5:29 ka e nyere ọ́hụ̀ nke a.