1 O n̄aa-ntị, unu ndị okenye nke Nzukọ-nsọ m. Ma gee nụ ntị n’okwu nile nke m kwuru nye unu.

2 N’ihi na lee, n’ezie, n’ezie, a sị m unu, na unu anataworịị otu iwu-nsọ ka ọ bụrụ ^aiwu nye nzukọ-nsọ m, site n’aka ya onye nke m họpụtaworo nye unu ka ọ nata ^biwu-nsọ nile na mkpughe nile sitere n’aka m.

3 Ma nke a ka unu ga-ama n’ezie—na ọdịghị onye ọzọ a họpụtara nye unu ịnata iwu-nsọ nile na mkpughe nile rue mgbe a ga-ewere ya, ma ọbụrụ na ọ ^anọrọ n’ime m.

4 Mana n’ezie, n’ezie, a sị m unu na ^aonweghị onye ọzọ a ga-ahọpụta nye onyinye nke a ewezuga na ọ bụ site na ya; n’ihi na ọ bụrụ na a napụ ya, ọ gaghị enwe ike m’ọbụghị ịhọpụta onye ọzọ n’ọnọdụ ya.

5 Ma nke a ga-abụ iwu nye unu, na unu agaghị anata nkụzi nile nke onye ọbụla ga-abịa n’iru unu dịka mkpughe nile ma-ọbụ iwu nsọ nile;

6 Ma nke a ka m na-enye unu ka unu ghara ibu ndị e ^aduhiere, ka unu wee mata na ha abụghị site na m.

7 N’ihi n’ezie a sị m unu, na onye ọbụla e ^achiri echichi site na m ga-abata site ^bn’ọnụ ụzọ ama ma e chie ya echichi dịka m gwaworo unu na mbụ, ka unu kụzie mkpughe nile ndi ahụ unu nataworo ma ga-anata site na ya, onye nke m họpụtaworo.

8 Ma ugbua, lee, e nye m unu iwu-nsọ, na mgbe unu ga-agbakọta ọnụ, unu ^aga-akụzi na wulie onwe unu, ka unu wee mata ihe unu ga-eme ma duzie nzukọ-nsọ m, ihe unu ga-eme n’elu isi okwu ihe nile nke iwu m na iwu-nsọ m nile, nke m nyeworo.

9 Ma otu a, unu ga-abụ ndị akụziiri n’iwu nke nzukọ-nsọ m, ma bụrụ ndị ^aedoro-nsọ site na nke ahụ unu nataworo, ma unu ga-ejịkọ onwe unu ọnụ ime ihe n’ịdị nsọ nile n’iru m—

10 Na ọbụrụra na unu e mee nke a, a ^aga-atụkwasị ebube n’ala-eze nke unu nataworo. Ọbụrụra na unu emeghị nke a, a ^bga-ewere ya, ọbụna nke ahụ unu nataworo.

11 Sachapụ nụ ^aajọọ-omume nke dị n’etiti unu; doo nụ onwe unu nsọ n’iru m;

12 Ma ọbụrụ na unu achọọ ebube nile nke ala-eze, họpụta nụ nwa odibo m Joseph Smith, Nta, ma ^akwado ya n’iru m site n’ekpere nke okwukwe.

13 Ma ọzọ, a sị m unu, na ọbụrụ na unu achọọ ^aihe omimi nile nke ala-eze, dotara nụ ya nri na uwe, na ihe ọbụla ọ chọrọ iji mezuo ọrụ nke m nyeworo ya n’iwu;

14 Ma ọbụrụ na unu emeghị ya ọ ga-anọgide nye ha ndị nabatara ya, ka m wee kwado nye onwe m ndị ^an’enweghi ntụpọ n’iru m.

15 Ọzọ a sị m, n̄aa ntị unu ndị okenye nke nzukọ-nsọ m, ndị m họpụtaworo: Ezipụghị unu ka a kụziere unu ihe, kama ka unu ^akụziere ụmụ nke mmadụ ihe nile nke m tinyeworo unu n’aka site n’ike nke ^bMụọ m.

16 Ma a ^aga-akụziri unu site n’elu. ^bSachaa nụ onwe unu ma a ga-eji ike ^cnye unu onyinye dị nsọ, ka unu wee nye ọbụna dịka m kwuworo.

17 N̄aa-nu ntị, n’ihi na, lee, ^annukwu ^bụbọchị nke Onye-nwe dịkwa nso.

18 N’ihi na ụbọchị ahụ na-abịa mgbe Onye-nwe ga-ekwu ^an’olu ya sịte n’elu-igwe; elu-igwe nile ^bga-eme mkpọtu ma ụwa ^cga-ama jijiji, ma ^dopi nke Chineke ga-ada ogologo oge ma dasikwa ike, ma ga-asị mba ndị nọ na-ụra: Unu ndị-nsọ nile ^ebilie ma dịrị ndụ; unu ndị mmehie ^fnọrọ nụ na-a ^grahụ-ụra ruo mgbe m ga-abịa ọzọ.

19 Ya mere kee ihe-okike n’ụkwụ gị nile, ka a ghara ịchọta gị n’etiti ndị ajọọ-mmadụ.

20 Welite olu unu nile elu ma egbochila. Kpọkuo mba nile ka ha chegharịa, ma okenye ma nwata, ma ohu ma ndị nwere onwe ha, na-asị: Jikere nụ onwe unu maka nnukwu ụbọchị ahụ nke Onye-nwe;

21 N’ihi ọbụrụ na mụ, onye bụ nwoke, na-ewelite olu m ma na-akpọ unu ka unu chegharịa ma unu na-akpọ m asị, gịnị ka unu ga-asị mgbe ụbọchị ahụ ga-abịa mgbe ^aegbe elu-igwe nile ga-ekwu olu ha nile site na nsọtụ nile nke ụwa, na-ekwu nye ntị nile nke ndị dị ndụ, na-asị—Chegharịa, ma jikere maka nnukwu ụbọchị ahụ nke Onye-nwe?

22 E, ma ọzọ, mgbe amụma elu nile na-adọ akara ya site n’ọwụwa anyanwụ ruo n’ọdịda anyanwụ, ma ga-ekwu olu ha nile nye ndị nile dị ndụ, ma mee ntị nile ọbụla ga-anụ ya zụọ wuruwuru, na-ekwu okwu nile ndị a—Chegharịa nụ, n’ihi na nnukwu ụbọchị nke Onye-nwe na-abịa?

23 Ma ọzọ, Onye-nwe ga-ekwu olu ya site n’elu-igwe, na-asị: N̄aa nụ ntị, O unu mba nile nke ụwa, ma nụrụ okwu nile nke Chineke onye kere unu.

24 O, unu mba nile nke ụwa, ugboro ole ka m kwesịrị ịkpọkọta unu ọnụ dịka ^annekwu-ọkụkọ na-esi achikọ ụmụ-ya n’okpuru nku ya abụọ, mana unu ^bachọghị!

25 Ugboro ole ka m ^akpọworo unu site n’ọnụ nke ^bndị odibo m, ma site na ^cnkwusa-ozi ọma nke ndị muo-ozi, ma site n’olu nke m, ma site n’olu nke egbe elu-igwe nile, na site n’olu amụma-elu nile, na site n’olu nke oke-ikuku mmiri nile na site n’olu nke ala-ọma jijiji nile, na nnukwu ụzụ mmiri na-enwe akụ mmiri igwe nile, na site n’olu ^dụnwụ nile na ajọọ-ọrịa nile n’ụdị ọbụla, na site na nnukwu ụda nke opi, na site n’olu nke ikpe, na site n’olu nke ^eebere n’ogologo ụbọchị nile, na site n’olu nke ebube na nsọpụrụ na akụ na ụba nile nke ndụ ebighi-ebi, ma gaara azọpụta unu n’ime nzọpụta ^fmgbe nile na-adigide, ma unu achọghị!

26 Lee, ụbọchị ahụ abịawo mgbe iko nke ọnụma nke iwe ọkụ m juru.

27 Lee, n’ezie a sị m unu, na ndị a bụ okwu nile nke Onye-nwe Chineke unu.

28 Ya mere, rụọ nụ ọrụ, ^arụọ nụ n’ụbị vine m maka oge nke ikpeazụ—maka oge nke ikpe-azụ kpọkuo ndị nile bi n’ụwa.

29 N’ihi na n’oge nke m ka m ^aga-abịa n’elu ụwa n’ikpe, ma ndị nke m ka a ga-agbapụta ma ga-esoro m chịa n’ụwa.

30 N’ihi na ^aOtu puku afọ ahụ Jisus ga-abịa n’ụwa chịa, nke m kwuworo site n’ọnụ ụmụ odibo m, ga-abịa:

31 N’ihi na ^aSetan ka a ^bga-eke agbụ, ma mgbe a tọpụrụ ya ọzọ, ọ ga-achị nanị ^cnwa-oge nta, mgbe ahụ ka ^dọgwụgụ nke ụwa ga-abịa.

32 Ma onye ọbụla nke biri ^an’ezi-omume ^bga-agbanwe n’otu ntabi-anya, ma ụwa nile ga-agafe otu ahụ dịka site n’ọkụ.

33 Ma ndị ajọọ-mmadụ ga-agapụ baa n’ime ^aọkụ na-anaghị ekwe mmenyụ, ma nsọtụ ha onweghị onye ma ya n’ụwa, ma-ọbụ ga-amata ya mgbe ọbụla, rụọ mgbe ha ga-abịa n’iru m ^bn’ikpe.

34 N̄aa nụ ntị n’okwu ndia. Lee, abụ m Jisus Kraịst, ^aOnye-nzọpụta nke ụwa. ^bChekwaa ihe ndịa nile n’obi unu nile, ma kwe ka ^cịdị mkpa nile nke mgbe ebighi-ebi ^dnọrọ ^en’uche unu nile.

35 Nwee ^aanya udo. Debe iwu-nsọ m nile. Ọbụna otu a. Amen.