1 ^aElu-igwe nile meghere nye anyị, na m wee hụ ala-eze ^bselestịal nke Chineke na ebube nke dị na ya, ma anọ ^cn’arụ ma-ọbụ pụta site n’arụ enweghị m ike ịkọ.

2 M wee hụ ịdị nma nke karịrị akarị nke ^aọnụ-ụzọ-ama ahụ ebe ndị nketa oke nke ala-eze ahụ ga-esi banye, nke dịka ^bire ọkụ gbara okirikiri;

3 Nakwa oche-eze nke Chineke nke ^ana-enwu ka ọkụ na-ere ere ebe ^bNna na ^cỌkpara ahụ na-anọdụ n’elu ya.

4 M wee hụ okporo ụzọ ọma nile nke ala-eze ahụ nke nwere oyiyi ihe akpụrụ n’ọrụ aka nke ^aọla-edo.

5 M wee hụ Nna ^aAdam na ^bAbraham; na ^cnna m na ^dnne m, nwanne m nwoke ^eAlvin, nke dawororị n’ụra ogologo oge;

6 Ma o juru m anya otu o si bụrụ na o nwetawo ^aòkè n’ime ala-eze ahụ, ọ hapuwororị ndụ nke a tutu Onye-nwe e setipụ aka ya ikpọkọta Israel nke ^bugboro abụọ, na o ^cmeghị baptism n’ihi nsachapụ mmehie nile.

7 Otu a ka ^aolu-okwu nke Onye-nwe bịakwutere m na-asị: Ka ha ra bụ ndị nwụworo ^bna-amaghị maka ozi-ọma nke a, ndị gaara anata ya ma ọbụrụ na ekwere ka ha nọgide, ga-abụ ^cndị nketa òkè nke ala-eze ^dselestịal nke Chineke;

8 Otu aka ahụ kwa ka ha ra bụ ndị ga-anwụ site ugbu a gawa na-amataghị ya ndị ^agaara anata ya n’obi ha nile, ga-abụ ndị nketa òkè nke ala-eze ahụ;

9 N’ihi na mụ bụ Onye-nwe, ^aga-ekpe mmadụ nile ikpe dịka ^bọrụ ha nile siri dị, dịka ^cọchịchọ nke obi ha nile siri dị.

10 Na m wee hụkwa na ụmụ-ntakịrị nile ndị nwụrụ tutu ha eruo ^aafọ nke nkọwasị ka a ^bzọpụtara n’ime ala-eze selestịal nke elu-igwe.