1 Enwere, n’ime nzukọ-nsọ, ọkwa nchụ-aja abụọ, n’ikpọ ha aha, nke ^aMelkizedek na ^bnke Erọn, ma-ọbụ Ọkwa Nchụ-aja nke Livaị.

2 Ihe mere eji kpọọ nke mbụ Ọkwa Nchụ-aja Melkizedek bụ na ^aMelkizedek bụụrụ nnọọ nnukwu onye isi nchụ-aja.

3 Tutu oge ya a naara akpọ ya Ọkwa Nchụ-aja Dị Nsọ, n’ịgbaso ^aUsoro ahụ nke Ọkpara nke Chineke.

4 Mana site na nkwanye ugwu ma-ọbụ ^ansọpụrụ nye aha nke Onye-Kachasị-Elu, ịkwụsị ị nakpọ aha ya ugboro, ugboro, ha nzukọ-nsọ, n’ụbọchị ndị ochie, kpọrọ ọkwa nchụ-aja ahụ aha Melkizedek, ma-ọbụ Ọkwa Nchụ-aja Melkizedek.

5 Ikike ndị-ọzọ nile ma-ọbụ ọkwa-ọrụ nile n’ime nzukọ-nsọ bụ ^amgbakwụnye nye ọkwa nchụ-aja nke a.

6 Mana e nwere nkewa abụọ ma-ọbụ nnukwu nkewa abụọ-nke mbụ bụ Ọkwa Nchụ-aja Melkizedek, ma nke ọzọ bụ Ọkwa Nchụ-aja Erọn ma-ọbụ ^aLivaị.

7 Ọkwa-ọrụ nke ^aonye okenye bịara n’okpuru ọkwa nchụ-aja nke Melkizedek.

8 Ọkwa Nchụ-aja Melkizedek nwere ikike ahụ nke ịnọ n’otu ndị-isi nduzi, ma nwee ike na ^aikike n’ebe Ọkwa-ọrụ nile na nzukọ-nsọ n’oge nile nke ụwa, ilekọta n’ihe nile nke mụọ.

9 ^aOtu ndị-isi nduzi nke Ọkwa Nchụ-aja Dị Elu, nke nọ na usoro nke Melkizedek, nwere ike iduzi n’ọkwa-ọrụ nile n’ime nzukọ-nsọ.

10 ^aNdị-isi nchụ-aja nke nọ na usoro nke Ọkwa Nchụ-aja Melkizedek nwere ike ^biduzi, n’ọkwa ọrụ nke ha, n’okpuru ntụzi-aka nke otu ndị-isi nduzi, n’ilekọta n’ihe nile nke Mụọ, na kwa n’ọkwa-ọrụ nke onye okenye, onye nchụ-aja (nke usoro nke Livaị), onye-nkuzi, dikọn, na onye otu.

11 Onye okenye nwere ike iduzi n’ọkwa-ọrụ nke ya mgbe onye isi nchụ-aja na-anọghị.

12 Onye isi nchụ-aja na okenye ga-elekọta n’ihe nile nke Mụọ, n’usoro ọgbụgba ndụ ahụ nile na iwu-nsọ nile nke nzukọ-nsọ; ma ha nwere ike iduzi n’ọkwa-ọrụ nile ndị a nke nzukọ-nsọ mgbe n’enweghi ndị ikike dị-elu nọ n’ebe ahụ.

13 Ọkwa nchụ-aja nke abụọ ka a na-akpọ ^aỌkwa Nchụ-aja nke Erọn, n’ihi na enyefere ya n’isi ^bEron na mkpụrụ ya, n’ọgbọ ha nile.

14 Ihe e jiri kpọ ya ọkwa nchụ-aja nke nta bụ na ọ bụ ^amgbakwụnye nye nke nnukwu ma-ọbụ Ọkwa Nchụ-aja Melkizedek na nwere ike n’ilekọta emume-nsọ nile pụtara ìhè.

15 ^aNdị-otu ụkọchukwu bụ ndị-isi nduzi nke ọkwa nchụ-aja nke a, ma na-ejide ọtụghe-ụzọ nile ma-ọbụ ikike nke ọkwa ahụ.

16 Onweghị onye nwere ike iwu kwadoro inye ọkwa-ọrụ nke a, ijide ọtụghe ụzọ nile nke ọkwa nchụ-aja nke a, m’ọbụghị ma-ọbụ ^aonye agbụrụ nke Erọn.

17 Mana dịka onye isi nchụ-aja nke Ọkwa Nchụ-aja Melkizedek nwere ikike iduzi n’ọkwa-ọrụ nta nile, ọ ga-enwe ike iduzi n’ọkwa-ọrụ nke ụkọchukwu mgbe n’enweghi onye agbụrụ nke Erọn a hụrụ, ọ bụrụ raa na akpọrọ ya ọkpụkpọ na dopu ya iche na ^achiri ya echichi baa n’ike nkea site n’aka ^botu ndị-isi nduzi nke Ọkwa Nchụ-aja Melkizedek.

18 Ike ahụ na ikike nke Ọkwa Nchụ-aja ma-ọbụ nke ka ukwuu nke Melkizedek bụ iji ^aọtụghe-ụzọ nile ahụ nke ngọzị nile nke mụọ nke Nzukọ-nsọ—

19 Inwe ohere nke ịnata ^aihe omimi nile nke ala-eze elu-igwe, inwe elu-igwe nile ahụ imepe nye ha, inwe mmekọrịta ya na ^bọgbakọ-ọha nile na nzukọ-nsọ nke Onye e Burụ Ụzọ muọ ahụ na inwe ọn̄ụ nke mkpakọrịta na iru nke Chineke Nna ahụ, na Jisus ^conye ogbugbo nke ọgbụgba ndụ ọhụrụ.

20 Ike ahụ na ikike nke ka nta, ma-ọbụ Ọkwa Nchụ-aja Erọn, bụ iji ^aọtụghe-ụzọ nile nke nkwusa-ozi nke ndị mụọ-ozi nile, na ilekọta ^bemume nsọ nile a na-ahụ-anya, nke okwu nke ozi-ọma, ^cbaptism nke nchegharị maka ^dnsachapụ nke mmehie nile, dabara n’ọgbụgba ndụ nile na iwu-nsọ nile.

21 Site na mkpa, enwere ndị-isi nduzi, ma-ọbụ ndị-ọrụ na-anọ n’isi na-etopụta ma-ọbụ ahọpụtara site ma-ọbụ sitere n’etiti ndị ahụ ndị echiri echichi baa n’ọtụtụ ọkwa ọrụ ruo n’ọkwa nchụ-aja abụọ ndịa.

22 Site na Ọkwa Nchụ-aja ^aMelkizedek, mmadụ atọ ^bNdị nọ-n’isi Ndị-isi-nchụ-aja, otu ahụ họpụtara, nye ọkwa na chie echichi baa n’ọkwa ọrụ ahụ, ma ^cakwadoro site na nchekwube, okwukwe, na ekpere nke nzukọ-nsọ, mejupụtara otu ọnụ-ọgụgụ-juru-aka nke Otu Ndị-isi Nduzi nke Nzukọ-nsọ.

23 Mmadụ ^airi na abụọ ndị kansụl na-agagharị agagharị ka a kpọrọ i bụ ^bNdị-ozi Iri na Abụọ ahụ, ma-ọbụ ndị aka-ebe pụrụ-iche nke aha nke Kraịst n’ụwa nile—site otu a pụọ iche site na ndị-ọrụ ndị ọzọ nke nzukọ-nsọ, n’ọrụ nile nke ọkpụkpọ ha.

24 Na ha ga-abụ otu ọnụ-ọgụgụ-juru-aka hara-otu na ikike na ike ha nye ndị-isi nduzi atọ ndị ahụ akpọrọ aha na mbụ.

25 Ndị ^aIri Asaa ahụ kwa, ka akpọrọ ịma-ọkwa ozi-ọma ahụ, na ka ha bụrụ ndị aka-ebe pụrụ iche nye ndị Jentaịlụ nile na n’ime ụwa—Site otu a pụọ-iche site na ndị ozi nile ndị-ọzọ na nzukọ-nsọ n’ọrụ nile nke ọkpụkpọ ha.

26 Na ha ga-abụ otu ọnụ-ọgụgụ-juru-aka, hara-otu na ikike ka nke ndị aka-ebe Iri na Abuo pụrụ iche ma-ọbụ Ndị-ozi a kpọturu aha.

27 Na mkpebi ọbụla nke otu n’ime ọnụ-ọgụgụ-juru-aka ndị a mere ga-abụrịrị site na otu olu nke ha; nke bụ, onye ọbụla n’otu ọnụ-ọgụgụ-juru-aka ọbụla ga-ekwerịrị na mkpebi nile, iji mee ka mkpebi ha nile nwee otu ike na nnabata otu n’ibe ya.

28 Ndị ka n’ọnụ ọgụgụ nwere ike buru otu ọnụ-ọgụgụ-juru-aka mgbe ọnọdụ n’ekweghị ka ọ hara idi otu a.

29 M’ọbụghị na ọ dị otu a, mkpebi ha nile agaghị enweta ngọzi nile nke mkpebi nke otu ọnụ-ọgụgụ-juru-aka nke ndị-isi nduzi atọ nwere mgbe ochie ndị echiri echichi baa na usoro nke Melkizedek, na bụrụ ndị ezi-omume na ndị dị nsọ.

30 Mkpebi nile nke otu ọnụ-ọgụgụ-juru-aka nile a, ma-ọbụ otu n’ime ha, ka a ga-eme ^an’ezi-omume nile, n’ịdị nsọ, na n’inwe umeala-n’obi, idi-nwayọ na ogologo ntachi-obi, na n’okwukwe, na ^bezigbo omume na ọmụma ihe, nnagide, ndidi, ndụ iyi Chineke, obi-ebere-ụmụnna na afọ-ọma.

31 N’ihi na nkwa ahụ bụ nke a, ọ bụrụ na ihe ndị-a adị n’ime ha, ha a gaghị abụ ndị ^an’agaghị ami mkpụrụ n’ịmata-ihe nke Onye-nwe.

32 Ma ọ bụrụ na e mee mkpebi ọbụla nke ndị ọnụ-ọgụgụ-juru-aka ọbụla na ajọọ-omume, enwere-ike iwepụta ya n’iru ọgbakọ ọha nke ọtụtụ ọnụ-ọgụgụ-juru-aka, nke mejupụtara ikike nile nke ihe nke mụọ nke Nzukọ-nsọ; ma ọbụghị otu a, a gaghị enwe nkpesa megide mkpebi ha.

33 Iri na Abụọ ahụ bụ Ndị-isi Nduzi Kansụl Ngagharị dị Elu na-arụ ọrụ n’aha nke Onye-nwe, site na ntụzi-aka nke ndị Otu Ndị-isi Nduzi nke Nzukọ-nsọ, dabara na nhiwe nke elu-igwe; iwulite nzukọ-nsọ, na hazie ihe nile nke ya na mba nile, na mbụ nye ^andị Jentaịlụ na nke abụọ nye ndị Juu.

34 Ndị Iri Asaa ahụ ga-arụ ọrụ n’aha nke Onye-nwe, site na ntụzi-aka nke ^aNdị-ozi Iri na Abụọ ma-ọbụ kansụl ngagharị dị elu na iwulite nzukọ-nsọ na hazie ihe nile nke ya na mba nile, na mbụ nye ndị Jentaịlụ na emesie nye ndị Juu—

35 Iri na Abụọ ahụ ka a na ezipụ, n’ijide ọtụghe-ụzọ nile, iji mepee ọnụ-ụzọ site na ịma-ọkwa nke ozi-ọma nke Jisus Kraịst, na mbụ nye ndị Jentaịlụ na emesịa nye ndị Juu—

36 ^aNdị kansụl dị elu nọ, na stek nile nke Zaịọn, bụ otu ọnụ-ọgụgụ-juru-aka ha otu n’ikike n’ihe nile gbasara nzukọ-nsọ, na mkpebi ha nile, ya na ọnụ-ogụgụ-juru-aka ahụ nke otu ndị-isi nduzi, ma-ọbụ ya na ndị kansụl ngagharị dị elu ahụ.

37 Kansụl dị elu na Zaịọn bụ otu ọnụ-ọgụgụ-juru-aka ha-otu n’ikike n’ihe nile gbasara nzukọ-nsọ, na mkpebi ha nile, dịka kansụl nile nke Iri na Abụọ nọ na stek nile nke Zaịọn.

38 Ọ bụ ọrụ nke kansụl dị elu na-agagharị ị kpọku ^andị Iri Asaa ahụ, mgbe ha chọrọ e nyem-aka, ime ọkpụkpọ oku nile maka ima-ọkwa, n’ịhazi ọru ịgbasa ozi-ọma, ọ bụghị ndị ọzọ ọbula.

39 Ọ bụ ọrụ nke Iri na Abụọ ahụ, na ngalaba ukwu nile nke nzukọ-nsọ, ichi ^andị-mgbasa ozi-ọma echichi dịka a ga-esi-akpọ ha site na mkpughe—

40 Usoro nke ọkwa nchụ-aja nke a ka e hiwere ka enyefee site na nna ruo na nwa, ma bụrụ n’ezie ndị so n’agbụrụ nke mkpụrụ ahụ ahọrọworo, ndị ekwere nkwa nile ahụ.

41 Usoro nke a ka ehiwere n’ụbọchị nile nke ^aAdam, ma lọtue site ^bna-agbụrụ n’ụzọ dị otu a.

42 Site na Adam ruo ^aSet, onye nke Adam chiri echichi mgbe ọ nọrọ afọ iri-isii na itolu, ma bụrụ onye agọziri afọ atọ tutu ya (Adam) anwụọ, ma ọ natara ngọzi nke Chineke site na nna ya, na ụmụụmụ ya ga-abu ndị ahọọrọ nke Onye-nwe, ma na ha ga-abụ ndị echekwara ruo n’ọgwụgwụ nke ụwa;

43 N’ihi ya (Set) bụụrụ onye ^azuru-oke, na ^bụdị ya, bụrụ kwa oyiyi nke nna ya, nke ruru na ọ dịka ọchọrọ iyi nna ya n’ihe nile, na ihe a ga-eji amata ihe di iche bụ afọ-ọ gbara.

44 Inọs ka echiri echichi ka ọ gbara otu nari afọ na iri-anọ na ọnwa anọ, site n’aka nke Adam.

45 Chineke kpọrọ Kenan n’ime ọzara mgbe ọ di afọ iri-anọ; ma ọ biakutere Adam n’ije ya ị ga n’ebe Shedolamak. Ọ nọrọ afọ iri asaa mgbe ọ natara-echichi ya.

46 Mahalalel dị narị afọ anọ na iri-itolu na isii na ụbọchị asaa mgbe echiri ya echichi site n’aka nke Adam, onye gọzi-kwara ya.

47 Jared dị nari-afọ abụọ mgbe echiri ya echichi site n’aka Adam, onye gọziri-kwara ya.

48 ^aInọk dị iri afọ abụọ na ise mgbe echiri ya echichi site n’aka nke Adam; na ọ dịịrị iri afọ isii na ise mgbe Adam gọziri ya.

49 Na ọhụrụ Onye-nwe, na soro ya jegharịa, na ọ nọọrọ n’iru ya mgbe nile; na ya na Chineke ^ajegharịrị nari afọ-atọ na iri isii na ise, nke mere na ọ dị nari afọ anọ na iri atọ mgbe ^benwogharịrị ya.

50 ^aMetusela dịịrị otu nari afọ mgbe echiri ya echichi site n’aka nke Adam.

51 Lamek dịịrị iri afọ atọ na abụọ mgbe echiri ya echichi site n’aka nke Set.

52 ^aNoa dịịrị afọ iri mgbe echiri ya echichi site n’aka nke Metusela.

53 Afọ atọ tutu Adam anwụọ, ọ kpọrọ Set, Inọs, Kenan, Mahalalel, Jared, Inọk na Metusela, ndị bụụrụ ^andị-isi-nchụ-aja, tinyere ndị ọzọ n’ime ụmụụmụ ndị bụ ndị ezi-omume, baa na ndịda nke ^bAdam-ondi-Ahman, nọọ n’ebe ahụ nye ha ngọzi nke ikpe-azụ.

54 Na Onye-nwe gosiri ha onwe ya, na ha biliri ọtọ ma gọzie ^aAdam, na kpọọ ya ^bMaikel, ọkpara-eze ahụ, onye-isi muọ-ozi ahụ.

55 Na Onye-nwe nyere Adam nkasi-obi, na sị ya, E mewo m gị ka ị nọ n’isi; igwe nke mba nile ga-esi na gị pụta, na ị bụ ^aọkpara-eze ga-achi ha ruo mgbe nile.

56 Na Adam biliri ọtọ n’etiti nke ọgbakọ ahụ; na n’agbanyeghị nhuda ya maka afọ nka ya, ebe o jupụtara na Mụọ Nsọ, o ^akwupụtara ihe ọbula ọbụ gaje i dakwasị ụmụụmụ ya ruo na ọgbọ nke ikpeazụ.

57 Ihe ndia nile ka edeworo n’akwụkwọ nke Inọk, na bụkwara nke a ga-agba ama ya mgbe oge ya ruru.

58 Ọ bụ ọrụ nke ^aIri na Abụọ ahụ kwa, ^bichi echichi ma doo n’usoro ndị-ọrụ ndị-ọzọ nile nke nzukọ-nsọ dabara na mkpughe nke na-asi.

59 Nye nzukọ-nsọ nke Kraịst n’ala nke Zaịọn, tinyere ^aiwu nile nke nzukọ-nsọ gbasara ọrụ nzukọ-nsọ—

60 N’ezie, a sị m unu, ka Onye-nwe nke Usuu nile nke ndị agha kwuru, a ga-enwerịrị ^andị-isi nduzi ndị okenye ga-anọ-n’isi ilekọta ndị ahụ nọ n’ọkwa-ọrụ nke okenye;

61 Na kwa ^andị nchụ-aja ga-anọ n’isi ilekọta ndị ahụ nọ n’ọkwa-ọrụ nke onye nchụ-aja;

62 Na kwa ndị nkuzi ^aga-anọ n’isi ilekọta ndị ahụ nọ n’ọkwa-ọrụ nke onye nkuzi; n’otu aka ahụ, na kwa ndị ọkwa dikọn—

63 Ya mere, site na dikọn, ruo na onye nkuzi, na site na onye nkuzi ruo n’onye nchụ-aja, na site onye nchụ-aja ruo na okenye, n’otu n’otu dịka a họpụtara ha, dịka ọgbụgba-ndụ nile na iwu-nsọ nile nke nzukọ-nsọ.

64 Mgbe ahụ abịa na Ọkwa Nchụ-aja Dị Elu, nke bụ nke kachasị ha-nile.

65 Ya mere, ọ dị mkpa ka a họpụta otu onye site na Ọkwa Nchụ-aja Dị Elu ịnọ n’isi ilekọta ọkwa onye nchụ-aja ahụ, na a ga-akpọ ya Onye-isi nduzi nke Ọkwa Nchụ-aja Dị Elu nke Nzukọ-nsọ;

66 Ma-ọbụ, asụgharịa ya ^aOnye isi-nduzi Onye Isi Nchụ-aja n’elekọta Ọkwa Nchụ-aja Dị Elu nke Nzukọ-nsọ.

67 Site n’otu ebe ahụ abịa na nlekọta nke emume-nsọ nile na ngọzi nile nye nzukọ-nsọ, site ^an’ibikwasị aka abụọ n’isi.

68 Ya mere, ọkwa-ọrụ nke ^aụkọchukwu enweghi-ike ịha ka ya; n’ihi na ọkwa-ọrụ nke ụkọchukwu bụ n’ilekọta ihe nile nke ụwa nkea:

69 Otu o sila dị, onye ụkọchukwu ga-abụrịrị onye a họpụtara site na ^aỌkwa Nchụ-aja Di Elu, nanị ma-ọbụ ^bonye agbụrụ nke Erọn;

70 N’ihi nanị ma-ọbụ onye agbụrụ Erọn ọ gaghị e ji ọtụghe ụzọ nile nke ọkwa nchụ-aja ahụ.

71 Otu ọ sina dị, onye isi nchụ-aja, nke bụ, dịka usoro nke Melkizedek siri dị; ka enwere ike i dopụ iche maka ilekọta ihe nile nke ụwa, ebe ọ ga-amata banyere ha site na mụọ nke ezi-okwu;

72 Na kwa ị bụ ^aonye ikpe na Israel, ịrụ-ọrụ nile nke nzukọ-nsọ, ị nọdụ n’ikpe-ikpe megide ndị njehie n’elu ịgba-ama dịka a ga-agba ya n’iru ya dịka iwu nile siri dị, site na enyem-aka nke ndị-ndụmọdụ ya, ndị ahọrọworo ma-ọbụ na a ga-ahọrọ n’etiti ndị okenye nke nzukọ-nsọ.

73 Nke a bụ ọrụ nke ụkọchukwu na-abụghị onye agbụrụ nke Erọn, mana echiwo ya echichi baa na Ọkwa Nchụ-aja Dị Elu dịka usoro nke Melkizedek siri dị.

74 Otu a ka ọ ga-abụ onye ikpe, ọbụna onye ikpe ọha n’etiti ndị bi na Zaịọn, ma-ọbụ na stek nke Zaịọn, ma-ọbụ na ngalaba ọbụla nke nzukọ-nsọ ebe a ga-edopụ ya iche n’ije ozi nke a, ruo mgbe oke-ala nile nke Zaịọn ga-agbasa, na ọ dị mkpa ka e nwee ndị ụkọchukwu ma-ọbụ ndị ikpe na Zaịọn ma-ọbụ ebe ọzọ.

75 Na ọbụrụ raa na e nwere ndị ụkọchukwu ọzọ ahọpụtara ha ga-arụ n’otu ọkwa-ọrụ ahụ.

76 Mana Onye agbụrụ nke Erọn nwere nkwado nke iwu i bụ onye-isi nduzi nke ọkwa nchụ-aja nke a, iji ^aotughe-ụzọ nile nke ije-ozị nke a, ịrụ n’ọkwa-ọrụ nke ụkọchukwu nke onwe ya n’enweghị ndị ndụmọdụ, e wezuga ma-ọbụ ebe Onye-isi nduzi nke Ọkwa Nchụ-aja Dị Elu, dịka usoro nke Melkizedek siri dị, ka-anwalere, ị nọdụ dịka onye ikpe na Israel.

77 Na ime mkpebi nke ọbụla n’ime kansụl ndia, ga-adabere na iwu-nsọ nke n’asị.

78 Ọzọ, n’ezie, a sị m unu, ọrụ ahụ kachasị mkpa na nzukọ-nsọ, na ikpe ndị ahụ kachasị ^aike nke nzukọ-nsọ, ọbụrụ raa na enweghị afọ ojuju na mkpebi nke-onye ụkọchukwu ma-ọbụ ndị ikpe, a ga-enyefe ya ma bulie ya zigara kansụl nke nzukọ-nsọ, tupu ezigara ya ^bOtu Ndị-isi Nduzi nke Ọkwa Nchụ-aja Dị Elu.

79 Na Otu Ndị-isi Nduzi nke kansụl nke Ọkwa Nchụ-aja Di Elu ga-enwe ike ịkpọ ndị-isi-nchụ-aja ndị ọzọ, ọ bụna, iri-na abụọ, inye-aka dịka ndị ndụmọdụ; na site otu a Otu Ndị-isi Nduzi nke Ọkwa Nchụ-aja Di Elu na ndị ndụmọdụ ya ga-enwe ike ikpebi site na ama dịka iwu nile nke nzukọ-nsọ.

80 Na mgbe e nwechara mkpebi nke a, a gaghị e chetekwa ya ọzọ n’iru Onye-nwe; n’ihi nke a bụ kansụl kachasị-elu nke nzukọ-nsọ nke Chineke, na mkpebi nke ikpeazụ n’elu ịrụrita ụka nile n’ime okwu nile nke mụọ.

81 O nweghị onye ọbụla nke nzukọ-nsọ bụ onye agụpụrụ site na kansụl nke a nke nzukọ-nsọ.

82 Na ọbụrụ raa na Onye-isi nduzi nke Ọkwa Nchụ-aja Di Elu e mehie, a ga-echeta kwa ya n’iru kansụl ọha nke nzukọ-nsọ, onye ndị ndụmọdụ iri na abụọ nke Ọkwa Nchụ-aja Dị Elu ga-enyere aka;

83 Na mkpebi ha n’isi ya ga-abụ nke ikpeazụ n’elu ịrụrita-ụka gbasara ya.

84 Otu a, o nweghị onye a ga-agụpụ site ^an’ikpe ziri-ezi na iwu nile nke Chineke, ka e wee mee ihe nile na usoro na idere-duu n’iru ya, dịka ezi-okwu na ezi-omume siri dị.

85 Na ọzọ, n’ezie a sị m unu, ọrụ nke onye-isi nduzi nye ọkwa-ọrụ nke ^adikọn bụ ịnọ-n’isi ndị ọkwa dikọn iri na abụọ, i nye ha ndụmọdu, na ^bikụziri ha ọrụ ha, n’enyerịta aka otu onye na ibe ya, dịka e nyeworo ya n’usoro nke Ọgbụgba ndụ nile.

86 Na kwa ọrụ nke onye-isi nduzi nye ọkwa-ọrụ nke ^andị nkuzi bụ ịnọ-n’isi nye ndị nkuzi iri abụọ na anọ, na ịnọ na-enye ha ndụmọdụ, na-akụziri ha ọrụ nile nke ọkwa-ọrụ ha, dịka e nyere ya na ọgbụgba ndụ nile.

87 Na ọrụ onye-isi nduzi nye Ọkwa Nchụ-aja nke Eron bụ ịnọ n’isi ^andị nchụ-aja iri-anọ na asatọ, na inọ na-enye ha ndụmọdụ, ikuziri ha ọrụ nile nke ọkwa-ọrụ ha, dịka e nyere ya na ọgbụgba ndụ nile—

88 Onye-isi nduzi a, ga abụ onye ^aụkọchukwu; n’ihi na nke-a bụ otu n’ime ọrụ nile nke ọkwa nchụ-aja nke a.

89 Ọzọ, ọrụ nke onye-isi nduzi nye ọkwa-ọrụ nke ^andị okenye bụ ị nọ n’isi ndị okenye iri-itolu na isii, na inọ na-enye ha ndụmọdụ, na na-akụziri ha dịka Ọgbụgba ndụ nile siri dị.

90 Otu ndị-isi nduzi nke a pụrụ iche site na nke ndị iri asaa ahụ, na e mere ya maka ndị n’agaghị ^aagagharị n’ime ụwa nile.

91 Na ọzọ, ọrụ nke Onye-isi nduzi nke Ọkwa Nchụ-aja Di Elu bụ ịnọ ^an’isi nzukọ-nsọ nile, na i dịkwa ka ^bMoses—

92 Lee, nke a bụ amamihe; e, ịbụ ^aonye ọhụ ụzọ, ^bonye mkpughe, onye ntụgharị asụsụ, na ^conye-amụma, na-enwe ^donyinye nile nke Chineke nke o nyekwasịrị n’elu isi nke nzukọ-nsọ.

93 Na ọ bụ dịka ọhụ na-egosi usoro nke ^andị Iri Asaa ahụ, na ha ga-enwe ndị-isi nduzi asaa ga-anọ n’isi ha, a họpụtara site n’ọnụ-ọgụgụ nke iri asaa ahụ;

94 Na onye nke asaa n’ime ndị-isi nduzi a ga-anọ n’isi isii ndị ọzọ;

95 Na ndị-isi nduzi asaa ndịa ga-ahọpụta iri asaa ndị ọzọ n’abụghi iri asaa nke mbụ ebe ha nọ, na ha ga-anọ n’isi ha;

96 Na kwa iri asaa ndị ọzọ, ruo mgbe iri asaa mụbara ụzọ asaa, ọ bụrụ na ọrụ dị n’ubi vine nwere mkpa ịchọ ya otu a.

97 Na ndị iri asaa ndị a, ga-abụ ^andị mgbasa ozi na-ejegharị-ejegharị, rute ndị Jentaịlụ mbụ na kwa rute ndị Juu.

98 Ebe ọbụ na ndị-ọrụ ndị-ọzọ nke nzukọ-nsọ, ndị n’abụghi Iri na Abụọ ahụ, ma-ọbụ ndị Iri Asaa ahụ, enweghi ọrụ nke ijeghari na mba nile, mana ha ga-eje dịka ọnọdụ ha ga-ekwe, n’agbanyeghị na ha ji ọkwa-ọrụ nile di elu na dị kwa mkpa na nzukọ-nsọ.

99 Ya mere, ugbua ka onye ọbụla mụta ^aọrụ ya, na rụwa n’ọkwa-ọrụ ebe a kpọrọ ya ^bn’irụsi-ọrụ ike.

100 Onye nke bụ ^aonye-ume-ngwụ, a gaghị a gụ ya na ^bikwesị-ekwesị iguzo, na onye ahụ n’amụtaghị ọrụ ya na n’ezipụta onwe ya ka onye n’anabataghị, a gaghị agụ ya onye kwesịrị-ekwesị iguzo. Ọbụna otu a. Amen.