1 N’ezie a sị m unu ndị enyi m, e nye m unu ndụmọdụ, na otu iwu-nsọ, gbasara arịa nile nke bụ nke otu nke m nyere n’iwu ka-ahazie ma hiwe, ka ọbụrụ ^ausoro njikọta ọnụ, na kwa usoro mgbe nile na-adigide maka ọdịnma nke ndị nzukọ m, na nzọpụta nke ndị mmadụ ruo mgbe m ga-abịa—

2 Jiri nkwa agwụ-agwụ na-agbanweghị agbanwe, na ọbụrụ raa na ha ndị m nyere iwu ekwesị ntụkwasị obi, ha ga-abụ ndị ejiri ọtụtụ ngọzi nile gọzie;

3 Mana ọbụrụ raa na ha ekwesịgh ntụkwasị-obi, ha nọ-nso ibụ ihe abụrụ-ọnụ.

4 Ya mere, ọ bụrụ na ụfọdụ ndị odibo m edebeghị iwu-nsọ ahụ, mana ha-emebiwo ọgbụgba-ndụ ahụ site na ^aanya-ukwu ha, na jiri okwu nrafu nile, a bụwo m ha ọnụ jiri nnukwu ajọọ ihe-otiti na ọbụbụ-ọnụ di egwu.

5 N’ihi mụ, Onye-nwe ahụ, e nyewo iwu-ọkụ n’obi m, na ọ bụrụraa na onye ọbula nke bụ onye otu ahụ abụrụ onye achọpụtara na njehie, ma-ọbụ na nsụgharị okwu, emebie ọgbụgba-ndụ ahụ nke eji kekọọ unu ọnụ, a ga-abụ ya ọnụ na ndụ ya nke a, ma ọ ga-abụ onye azọdara ala site n’aka onye m chọrọ;

6 N’ihi mụ, Onye-nwe, abụghi onye ^aana-akwa emu n’ihe ndị a—

7 Na ihe ndia, ka onye aka ya dị-ọcha n’etiti unu ghara ịbu onye amara-ikpe ya na onye ajọọ-omume; na ka onye ikpe mara n’etiti unu ghara inwe ebe mgbapụ; n’ihi mụ, Onye-nwe ekwewo unu nkwa ^aokpu-eze nke ebube n’aka nri nke m.

8 Ya mere, ọ bụrụ na achọpụta unu ndị mmebi-iwu, unu apụghị ịgbanarị iwe-ọkụ m na ndụ unu nile.

9 Ọ bụrụ raa na e ^akewapụ unu n’ihi mmebi-iwu, unu a gaghị enwe ebe mgbapụ site na ^bahụhụ nile nke ^cSetan ruo ụbọchị nke mgbapụta.

10 Ma e nye m unu ike ugbu a site n’awa nke a, na ọ bụrụ na onye ọbụla n’etiti unu nke otu ahụ, bụ onye achọpụtara dika onye mmebi-iwu ma o chegharịgh site n’ihe ọjọọ ahụ, na unu ga-enyefe ya na ahụhụ nile nke Setan, ma ọ gaghị enwe ike ^aiweta ihe ojọọ megide unu.

11 Ọ bụ amamihe n’ime m, ya mere, otu iwu-nsọ ka m na-enye unu, ka unu hazie onwe unu na nyefee onye ọbụla ^aọkwa ọru nke ya.

12 Ka onye ọbụla nwee-ike mee nkọwasi nye m maka ọkwa ọrụ nke e nyefere ya na aka.

13 Ọ dị mkpa ka mụ, Onye-nwe, mee ka onye ọbụla nye ^ankọwa dịka ^bonye ọrụ n’elekọta ngọzi nile nke ụwa nke m meworo ma kwadoo maka ihe nile m kere-eke.

14 Mụ, Onye-nwe, setịpụrụ elu-igwe nile, ma ^awuo ụwa, ^baka ọrụ nke m; na ihe nile nọ n’ime ya bụ nke m.

15 Ma ọ bụ nzube m ị rọpụta ihe maka ndị nsọ nke m, n’ihi ihe nile bụ nke m.

16 Mana ọ dị mkpa ka e mee ya ^an’ụzọ nke m, ma lee nke a bụ ụzọ ahụ bụ nke mụ, Onye-nwe, nyeworo iwu-ọkụ iji rọpụtara ndị nsọ m, ka ^bndị ogbenye bụrụ ndị ebuliri elu, n’ihi na ndị ọgaranya ka ewedara ala.

17 N’ihi na ^aụwa juru n’ọnụ, na ihe nile zuru-oke ma karia, e, a kwadoro m ihe nile, na nyewo ụmụ nke mmadụ ịbụ ^bndị nnọchita-anya nye onwe ha.

18 Ya mere, ọ buru na onye ọbụla ga-ewere site ^an’uju nke m meworo, ma nyepụghị oke nke ya, dịka ^biwu nke ozi-ọma, nye ^cogbenye na onye nwere mkpa, ọ ga, ya na ndị-ajọọ-omume ewelite anya ya abụọ ^dn’ala mụọ, n’ime ịta ahụhụ.

19 Ma ugbụ a, n’ezie a sị m unu, gbasara arịa nile nke ^aotu ahụ—

20 Ka nwa odibo m Sidney Rigdon nwere ebe ahụ obi ugbụ a, na ebe ahụ nile ana agba akpụkpọ anụ, maka ọkwa ọrụ iji nyere ya aka, ka ọ na-adọgbu onwe ya n’ọrụ n’ime ubi vine m dịka m chọrọ, mgbe m ga-enye ya iwu.

21 Na ka e mee ihe nile dịka ndụmọdụ nke usoro ahụ, na nkwekọrịta ejikọrọ-ọnụ ma-ọbụ olu nke usoro ahụ, ndị bi na ala nke Kirtland.

22 Ma ọkwa ọrụ nke a na ngọzi, mụ, Onye-nwe, nyefere nwa odibo m Sidney Rigdon maka ngọzi n’isi ya, na kwa mkpụrụ ya ganọchi ya.

23 Na a ga m amụba ngọzi nile n’isi ya, ọbụrụ raa na ọ ga-adi umeala n’iru m.

24 Ma ọzọ, ka nwa odibo m Martin Harris nwere dịka ihe nketa ya, maka ọkwa ọrụ ya, mpaghara ala ahụ nke nwa odibo m John Johnson nwetara site na mgbanwe maka ihe nketa nke ochie ya, maka ya na mkpụrụ nke ya ga-anọchi ya.

25 Ma ọ bụrụ na o kwesị ntụkwasị-obi, a ga m amụba ngọzi nile n’isi ya na mkpụrụ nke ya ga-anọchi ya.

26 Na ka nwa odịbọ m Martin Harris debe ego ya nile maka ịma-ọkwa nke okwu m nile dịka nwa odibo m Joseph Smith, Nta, ga-atụzi-aka.

27 Ma ọzọ ka nwa odibo m Frederick G. Williams nwere ebe ahụ obi ugbu a.

28 Ma ka nwa odibo m Oliver Cowdery nwere mpaghara ahụ nke malitere na njikọ ụlọ ahụ nke ga-abụ maka ụlọ-ọrụ mbipụta akwụkwọ, nke bụ mpaghara nke mbụ, na kwa mpaghara ahụ nke nna ya bi.

29 Ma ka ụmụ odibo m Frederick G. Williams na Oliver Cowdery nwere ịrụ ọrụ mbipụta akwụkwọ na ihe nile gbasara ya.

30 Ma nke a ga-abụ ọkwa-ọrụ ha nke a ga-enyefe ha.

31 Ma ọ bụrụ raa na ha kwesịrị ntụkwasị-obị, lee a ga m a gọzi na mụbaa ngọzi nile n’isi ha.

32 Ma nke a ga-abụ mmalite nke ọkwa-ọrụ nke m na-enyefe ha, maka ha na kwa mkpụrụ ha ga-anọchi ha.

33 Ma ọ bụrụ na ha ekwesi-ntụkwasị-ọbị, a ga m amụba ngọzi nile n’isi ha na mkpụrụ ha ga-anọchi ha, ọbụna nnukwu mmụba nke ngọzi nile.

34 Ma ọzọ, ka nwa odibo m John Johnson nwere ụlọ ahụ o bi n’ime ya, na ihe nketa nile, ha nile ewezuga ala ahụ nke edotara maka ^aiwu-ụlọ m nile, nke metụtara ihe nketa ahụ, na mpaghara ndị ahụ nile nke akpọworo aha maka nwa-odibo m Oliver Cowdery.

35 Ma ọ bụrụ na o kwesi ntụkwasị obi, a ga m amụba ngọzi nile n’elu isi ya.

36 Ma ọ bụ uche m ka o ree mpaghara nile nke ekewapụtara maka iwulite obodo-ukwu nke ndị nsọ m nile, ọ bụrụ raa na a ga-eme ka ọ mara ya site ^an’olu nke Mụọ, ma dịka ndụmọdụ nke usoro ahụ, na site n’olu nke usoro ahụ.

37 Na nke a bụ mmalite nke ọkwa-ọrụ nke m nyefere ya, maka ngọzi nye ya na kwa mkpụrụ ya ga-anọchi ya.

38 Na ọ bụrụ na o kwesi-ntụkwasị obi, a ga m amụba nnukwu mmụba nile n’isi ya.

39 Ma ọzọ, ka nwa odibo m Newel K. ^aWhitney nwere dịka e nyere ya ụlọ nile ahụ na mpaghara ebe o bi ugbua, na mpaghara na ụlọ ebe ahụ ụlọ azụ-m-ahịa nile guzo, na kwa mpaghara nke nọ na akụkụ ndịda nke ụlọ azụm-ahịa, na kwa mpaghara ebe ana abụ ọkụkọ.

40 Ma ihe ndị a ka m họpụtaworo nye nwa odibo m Newel K. Whitney maka ọkwa-ọrụ ya, maka otu ngọzi n’isi ya na mkpụrụ ya ga-anọchi ya, maka ọdinma nke ụlọ azụm-ahịa nke usoro m nke m hiwere maka stek nkem n’ala nke Kirtland.

41 E, n’ezie, nke a bụ ọkwa ọrụ nke m na-enyefe nwa odibo m N. K. Whitney. Ọbụna ụlọ azụ m ahịa nile, ya na ^aonye nnọchite-anya ya, na mkpụrụ ya ga-anọchi ya.

42 Na ọ bụrụ raa na o kwesi ntụkwasị obi n’idebe iwu-nsọ m nile, nke m nyeworo ya, a ga m amụba ngọzi nile n’ịsị ya na mkpụrụ ya ga-anọchi ya, ọbụna nnukwu mmụba ngọzi nile.

43 Ma ọzọ, ka nwa odibo m Joseph Smith, Nta, nwere dịka nke enyere ya mpaghara ahụ ekewapụtara maka owuwu ụlọ nke m, nke dị ^antụ iri anọ n ogologo na iri na abụọ na mbara, na kwa ihe nketa nke ahụ nna ya bi na ya ugbụ a.

44 Na nke a bụ mmalite nke ọkwa-ọrụ nke m nyefere ya maka ngọzi nye ya na nye kwa nna ya.

45 N’ihi lee, edotawo m ihe nketa maka ^anna ya maka nkwado ya, ya mere a ga-agụnye ya n’ụlọ nwa odibo m Joseph Smith, Nta.

46 Na a ga m amụba ngọzi nile n’ụlọ nwa odibo m Joseph Smith, Nta, ọ’bụrụ raa na o kwesi-ntụkwasị-obi, ọbụna nnukwu mmụba ngọzi nile.

47 Ma ugbua otu iwu-nsọ ka m ga-enye unu gbasara Zaịọn, na unu agaghị a bụ kwa ndị ejikọtara dịka ndị usoro njikọ aka, unu na ụmụnna unu nile nke Zaịọn, nanị n’ụdịa—

48 Mgbe ehiwachara unu, a ga-akpọ unu Usoro Njikọta Ọnụ nke ^aStek nke Zaịọn, Obodo-ukwu ahụ nke Kirtland. Ma ụmụnna unu, mgbe ehiwachara ha, a ga-akpọ ha Usoro Njikọta Ọnụ nke Obodo-ukwu nke Zaịọn.

49 Ma a ga-ehiwe ha n’aha ha nile, na n’aha nke ha; ma ha ga-atụ mgbere-ahịa ha n’aha ha, na n’aha nke ha nile.

50 Ma unu ga-atụ mgbere ahia unu n’aha unu ma n’aha nke unu nile.

51 Ma nke a ka m nyeworo n’iwu ka unu mee maka nzọpụta unu, na kwa maka nzọputa ha, dịka nso n’azụ nke ^anchụpụta ha na kwa ihe nke gaje ịbịa.

52 ^aỌgbụgba-ndụ nile a ka a ga-ada iwu ha site na njehie site ^bn’anya-ukwu na okwu nrafu nile—

53 Ya mere, ekposasiwo unu dịka usoro njikọta ọnụ, unu na ụmụnna unu, n’ihi nke a iwu ejighị kwa unu nanị rute na awa nke a nye ha, ewezuga n’ụzọ dị otu a, dịka m kwuru site na mgbazinye ego dịka a ga-ekwekọ na otu a, n’ime kansụl dịka ọnọdụ unu nile ga-anabata na dịka olu nke kansụl ga-eduzi.

54 Ma ọzọ, otu iwu-nsọ ka m na-enye unu gbasara ọkwa-ọrụ unu nke m nyeworo unu.

55 Lee, arịa ndị a bụ nke m, m’ọbụghị otu ahụ, okwukwe unu bụ ihe efu, ma achọpụtara unu ndị iru-abụọ, na ọgbụgba-ndụ nke unu mere nye m ka a dọwara.

56 Ma, ọbụrụ na arịa ndị a bụ nke m, mgbe ahụ unu bụ ^andị ọrụ m, m ọbụghị otu a unu abụghị ndị ọrụ.

57 Mana, n’ezie a sị m unu, a họpụtawo m unu ị bụ ndị ọrụ na-elekọta ụlọ nke m, ọbụna ndị ọrụ n’ezie.

58 Na n’ihi ebu m n’obi nke a, e nyewo m unu iwu ịhazi onwe unu, ọbụna ibipụta okwu ^am nile, uju nke akwụkwọ nsọ m nile, mkpughe nile nke m nyeworo unu, na nke m ga, ma emesịa, enye unu site n’oge ruo n’oge—

59 N’ihi nzube nke iwulite nzukọ-nsọ m na ala-eze n’ụwa, na ịkwado ndị nke m maka ^aoge mgbe m ^bga-ebi mụ na ha, nke nọ n’ọba aka.

60 Na unu ga-akwadoro onwe unu otu ebe maka nchekwa ihe dị mkpa, na doo ya nsọ n’aha nke m.

61 Ma unu ga-ahọpụta otu onye n’etiti unu ilekọta ebe nchekwa ihe ahụ, ma a ga echi ya echichi baa na ngọzi nke a.

62 Na a ga-enwe ọtu ihe nrachi n’elu ihe nchekwa ihe ahụ, na ihe nsọ nile ka a ga-etinye n’ime ebe ahụ, na onweghị onye n’etiti unu ga-akpọ ya nke ya, ma-ọbụ mpaghara ya ọbụla, n’ihi ọ ga-abụ nke unu nile na nkwekọrịta.

63 Na e nye m unu ya site na awa nke a, ma ugbụ a hụkwa na unu malitere na were ọkwa-ọrụ nke m họpụtara nye unu, ewezuga ihe nsọ nile maka ebu m n’obi nke ibipụta ihe nsọ nile dịka m kwuru.

64 Ma ^aihe nrite nile nke ihe nile dị nsọ ka a ga-edota n’ime ihe nchekwa ihe na otu ihe nrachi ga-adi n’elu ya, ma a gaghị e ji ya ma-ọbụ wepụta ya n’ime ihe nchekwa ihe site n’aka onye ọbụla, ọbụghị ma a ga-atọpụ akara ahụ dị na ya, nanị site n’olu nke usoro ahụ, ma-ọbụ site na iwu-nsọ.

65 Ma otu a ka unu ga-eji chekwaa ihe nrite nile nke ihe nile dị nsọ n’ime ihe nchekwa ihe, maka ịdị-nsọ na ebum n’obi nsọ nile.

66 Ma nke a ka a ga-akpọ ebe nchekwa ihe dị nsọ nke Onye-nwe, na ihe akara nke a ga-edota n’elu ya ka ọ wee di nsọ ma bụrụ ihe edoro nso nye Onye-nwe.

67 Ma ọzọ, a ga-enwe ebe nchekwa ihe ọzọ akwadoro ka onye oche-ego ahọpụtara ilekọta, ebe nchekwa ihe ahụ, ma ihe akara ka a ga-edota n’elu ya;

68 Na ego nile nke unu natara, n’ọkwa-ọrụ unu, site n’imezi arịa nile nke m nyeworo unu, n’ụlọ nile, ma-ọbụ n’ala nile ma-ọbụ anụ ụlọ nile na-ata ahịhịa ma-ọbụ n’ihe nile ewezuga n’ihe nile edere-ede dị nsọ na-edoro nsọ nke m dotara nye onwe m maka ebum-n’obi nile edoro nsọ ka a ga-atụba n’ime ihe nchekwa ihe ọsọ-ọsọ a natara ego nile dị na narị narị, ma-ọbụ iri-ise, iri-ise, ma-ọbụ iri abụọ, iri-abụọ, ma-ọbụ iri iri, ma-ọbụ ise-ise.

69 Ma-ọbụ asugharịa ya, ọ bụrụ na onye ọbụla n’ime unu enweta dọla ise ka ọ tunye ha n’ime ihe nchekwa ihe ahụ, ma-ọbụ ọbụrụ na o nwetara iri, ma-ọbụ iri abụọ, ma-ọbụ iri ise, m obụ otu nari, ka o mee kwa otu ahụ.

70 Ma ka onye ọbụla n’ime unu ghara ikwu na ọ bụ nke ya, n’ihi a gaghị akpọ ya nke ya, ma-ọbụ mpaghara ya ọbụla.

71 Ma e nweghị mpaghara ya ọbụla nke a ga-emefu ma-ọbụ wepụ site na ebe ihe nchekwa ihe ahụ, nanị site na olu na nkwekọrịta nke ndị usoro.

72 Na nke a ga-abụ olu ahụ na nkwekọrịta nke otu ahụ—na onye ọbụla n’etiti unu ga-agwa onye oche-ego: e nwere m mkpa nke a iji nyere m aka n’ọkwa-ọru m—

73 Ọbụrụ na ọ bụ dọla ise, ma-ọbụ kwa na ọ bụ dọla irị ma-ọbụ iri abụọ, ma-ọbu iri ise, ma-ọbụ otu narị, Onye-oche-ego ga-enye ya ego-ole ọ chọrọ ga-enyere ya aka n’ọkwa-ọrụ ya.

74 Ruo mgbe a chọpụtara ya dịka onye njehie, na ọ pụtara ìhè n’iru kansụl nke usoro na gbaa mbara na ọ bụ onye n’ekwesigh ntụkwasị-obi na onye ọrụ n ^aenweghi uche.

75 Mana mgbe nile ọ nọ na-ntozu oke, ma kwesị ntụkwasị-obi ma nwee uche n’ọkwa-ọrụ ya, nke a ga-abụ ihe aka-ebe ya nye oche-ego nke onye oche-ego agaghị ejichi.

76 Mana ọ bụrụ na njehie adị, onye-oche-ego ga-anọ n’okpuru ndị kansụl na olu nke ndị usoro.

77 Ma ọ bụrụ na onye-oche-egọ bụ odibo n’ekwesighi ntụkwasị-obi na onye n’enweghi uche, ọ ga-anọ n’okpuru na olu nke kansụl, ma a ga-ewepụ ya site n’ọnọdụ ya, ma a ga-ahọpụta ^aonye ọzọ n’ọnọdụ ya.

78 Ma ọzọ n’ezie asi m unu, gbasara ụgwọ unu nile—lee ọ bụ uche m ka unu ^akwụsia ^bụgwọ nile unu ji.

79 Ma ọ bụ uche m ka unu mee onwe unu ^aumeala n’iru m, ma nata ngọzi a site na ^bmgbalị unu na idi-ume ala na ekpere nke okwukwe.

80 Ma ọ bụrụ raa na unu na arụsi ọrụ ike na di-umeala, ma na-ekpe ^aekpere nke okwukwe, lee, a ga m eme ka obi nile dị nro bụ nke ndị unu ji-ụgwọ, ruo mgbe m ga e zipụtara unu ụzọ maka nnapụta unu.

81 Ya mere dee nụ akwụkwọ ọsọ-ọsọ nye New York na dee dika nke ahụ ^aMụọ m ga eduzi, ma a ga m eme ka obi ndị ahụ dị nro bụ ndị unu ji ugwọ, n’ihi a ga-ewepụ ya site n’obi ha nile iweta nsogbu bukwasị unu.

82 Ma ọ bụrụ raa na unu adị ^aumeala na kwesi ntụkwasị-obi na kpọkuo aha m lee, a ga m enye unu ^bmmeri ahụ.

83 E kwe m unu otu nkwa, na a ga-anapụta unu otu ugboro a site n’ịbụ oru.

84 Ọ bụrụ raa na unu enwee ohere ịgbazita ego site na narị narị, ma-ọbụ na puku, puku ruo mgbe unu ga-anata ole ga-ezuru unu inapụta onwe unu site n’ịbụ oru, ọ bụ ohere unu.

85 Na were nụ aria nile nke m tinyeworo n’aka unu mee ihe aka-ebe, ugbụ a, site na inye aha unu nile site na nkwekọrịta ozuzu ọha ma-ọbụ n’ụzọ ọzọ, otu ọ ga-adị unu mma.

86 E nye m unu ohere nke a, ugbụ a, ma lee, ọbụrụ na unu agaa-n’iru ime ihe nile nke m tọgbọworo n’iru unu, dịka iwu-nsọ m nile, ihe ndịa nile bụ nke m, na unu bụ ndị ọrụ m na nna-ukwu ahụ a gaghị ekwe ka ekposasia ụlọ ya. Ọbụna otu a. Amen.