Biblia ha Mormón Kuatiañeʼẽme oñemboʼe monogamia haʼeha Tupã apoukapy ñemendápe g̃uarã, ndahaʼéiramo Haʼe heʼi ambue hendáicha (tojehecha 2 Samuel 12:7–8 ha Jacob 2:27, 30). Ojesegívo peteĩ rrevelasiõ oñemeʼẽvaʼekue José Smith-pe, oñemoĩjeyvaʼekue ñemenda plural-pe jeiko, Tupao miembro-kuéra apytépe, ary 1840 ñepyrũmbýpe (tojehecha sección 132). Ary 1860 guive, 1880 peve, Estados Unidos goviérno ombohasa leikuéra heʼíva noĩporãiha religion-kuéra rekopy ñemenda plural rehegua. Ára ohasávo, Estados Unidos Corte Suprema omoañetékuri umi léi. Ohupyty rire rrevelasiõ, Presidente Wilford Woodruff oguenohẽkuri ko manifiésto, Tupao omboajevaʼekue, autorizado ha obligatorio-ramo, octubre 6, 1890-pe. Kóva ogueraha ñemenda plural ñembopa Tupaópe.