Sección 15
Rrevelasiõ oñeme’ẽva’ekue José Smith upe Proféta rupive, John Whitmer-pe, Fayette, Nueva York, Junio 1829-pe. (tojehecha sección 14 moñepyrũ). Pe marandu peteĩme g̃uarãite, Ñandejára oñe’ẽgui mba’e, John Whitmer ha Ha’e añoiténte oikuaáva. Tenondeve, John Whitmer-gui oiko peteĩ umi Ocho Testígo Mormón Kuatiañe’ẽmegua.
1–2, Ñandejára jyva ojepyso opa yvy ári; 3–6, Pe evanhélio ñehekombo’e ha angakuéra jesalva ha’e mba’e hepyvéva.
1 Ehendu che rembiguái John, ha ejapysaka Jesucristo ñe’ẽnguérare, ne Ñandejára ha ne Redentor.
2 Péina ápe, añe’ẽgui ndéve tesakã ha pu’akápe, che jyva ojepysógui opa yvy ári.
3 Ha amombe’úta ndéve avave yvypóra oikuaa’ỹva, térã che ha nde anónte—
4 Heta ára reikuaaségui chehegui pe mba’e ndéve g̃uarã hepyvétava.
5 Péina ápe, pévare, rejehovasapyre nde, ha remombe’u haguére umi che ñe’ẽ, aikuaaukava’ekue ndéve, che rembiapoukapýpe oĩháicha.
6 Ha ko’ág̃a, péina ápe, ha’e ndéve, pe mba’e ndéve g̃uarã hepyvéva ha’éta remomarandu arrepentimiénto ko tavayguápe, regueru hag̃ua chéve angakuéra, repytu’u hag̃ua hendivekuéra che Ru rréinope. Amén