Sección 37
Rrevelasiõ oñeme’ẽva’ekue José Smith, upe Proféta ha Sidney Rigdon-pe, ag̃ui Fayette, Nueva York-gui, Diciembre 1830-pe. Ko’ápe oñeme’ẽ tembiapoukapy peteĩha, peteĩ ñembyaty rehegua ko dispensasiõme.
1–4, Santokuéra oñehenói oñembyaty hag̃ua Ohio-pe.
1 Péina ápe, che ha’e peẽme naiporãi chéve pembohasave, peho peve Ohio-pe, ha péva pe oporohayhu’ỹva rupi ha peneñeime porãrã.
2 Ha avei, Che ha’e peẽme ndapehomo’ãiha pembo’e peve che evanhélio umi tenda rupi, ha pemombarete pe tupao toĩ oĩháme, katueteve Collesville-pe, ha péina ápe, oñembo’égui chéve hikuái tuicha jerovia reheve.
3 Ha avei, peteĩ tembiapoukapy ame’ẽ tupaópe, iporãha chéve toñembyaty hikuái Ohio-pe, ára che rembiguái Oliver Cowdery oujey vove g̃uarã hendapekuéra.
4 Péina ápe, kóvape oĩ arandu, ha opa tekove toiporavo ijehegui che aju peve. Ta’upéicha. Amén.