Sección 36
Rrevelasiõ oñeme’ẽva’ekue José Smith upe Proféta rupive, Edward Partridge-pe, ag̃ui Fayette Nueva York-gui, Diciembre 9, 1830-pe (tojehecha sección 35 moñepyrũ). José Smith rembiasakuépe ojehechauka Edward Partridge “ha’ehague poriahuvereko rechaukarã ha peteĩ Ñandejára kuimba’e tuicháva”.
1–3, Ñandejára omoĩ ipo Edward Partridge ári, Sidney Rigdon po rupive; 4–8, Opa kuimba’e ohupytýva evanhélio ha sacerdocio, oñehenói osẽ hag̃ua ombo’e.
1 Péicha he’i Tupã Ñandejára, pe Israel-gua Ipu’akapáva: Péina ápe, che ha’e ndéve, che rembiguái Edward, rejehovasapyre nde, ha ne angaipakuéra oñeperdona, ha reñehenói rembo’e hag̃ua che evanhélio turu ñe’ẽpupeguáicha;
2 Ha che amoĩta nde ári che po che rembiguái Sidney Rigdon po rupive, ha remog̃uahẽta che Espíritu, pe Espíritu Santo, pe Moangapyhyhára jepeve, nerekombo’étava umi mba’e ñanembopy’aguapýva rreinopegua;
3 Ha remombe’úta ñe’ẽpu hatãme, erévo: Hosána, tojehovasa Tupã ijyvatevéva réra!
4 Ha ko’ág̃a che ame’ẽ ndéve ko ñehenói ha tembiapoukapy opa yvyporakuéra rehegua—
5 Opavave umi oúva che rembiguái Sidney Rigdon ha José Smith, upe ta’ýra, renondépe, ha omoporãva ko ñehenói ha tembiapoukapy, oñeordenáta ha ohóta ombo’e hag̃ua pe evanhélio opave’ỹva opa tetãnguéra apytépe.
6 Eguerosapukái hag̃ua arrepentimiénto, erévo: Pejesalva pendejupe ko ñemoñareaty hembiapovaívagui, ha pesẽ pe tatágui, pehayhu’ỹme umi ao so’ópe oñemongy’apyréva jepe.
7 Ha oñeme’ẽta ko tembiapoukapy che tupaogua élder-kuérape, opa kuimba’e omoporãva korasõ mirĩme, oñeordena ha oñemondo hag̃ua, jepeve Che ha’e haguéicha.
8 Che ha’e Jesucristo, Tupã Ra’y; upévare, ejeku’a jokua ha ñeha’arõ’ỹme ajúta che témplope. Ta’upéicha. Amén.